الموضوع: ربنا كرمنى وغيرت العربيه , دا انا بس مش انا اللى هنا !!

المشاركة الأصلية كتبت بواسطة أبو عبدالله

انا قاعد بقول فيه حاجه غلط وانا شكلي هيست ولا ايه لأني منمتش
وبعدين يطلع الموضوع كله فشنك
ماشي يا حاج احمد
ربنا يعطيك ويعطيني كلنا ان شاء الله بس في الأخرة بقه لأن الكلام ده معنديش اي ذرة امل انه ممكن يتحقق في بلدنا العزيزة مصر

ولا هيست ولا حاجه يا ابو عبد الله , ده البلد كلها هيست

ربنا يفرجها ان شاء الله ويرجع الامل تانى ان الحال يتصلح

المشاركة الأصلية كتبت بواسطة eng.octooo

هههههههههه وانا والله وعمال اقول

هيا شركة اية دى الى بتوصلك العربية وكمان الدفع الكترونيك
ولا معارض اية الى بعمل فيها تيست درايف دول بيخلونا نعدى قدامها بالعافية
ومونديو ب 6 الاف ومستغليها
وخدمات المرور بقت اليكترونيك



ههههههههههههههههههههههههه ههههههه انا بصيت لمحل الاقامة قلت يمكن برة مصر

يا عينى يا اوكتو , دا انت مشيت مع الموضوع للأخر بقا :)

يا سيدى الجماعه بتوع العالم الموازى دول عليهم حاجات عجيبه

المشاركة الأصلية كتبت بواسطة Ahmed Samy

طب انت ليه بتقلب المواجع

المهم انك فضفضت

اصحى يا حبيبي بقى علشان تنزل تلحق فاتورة الكهربا اللي جت غلط علشان تشتكي بعد ما تدفع في حلوان ان شاء الله

الحقيقه مش عارف , بس فى عاده انى كل ما انسى شكلها وهى حلوه اسرح بخيالى شويه واشوفها بالطريقه اللى انا عايزها

سواء كان ده هروب من الواقع او حتى تصبيره على ما فرج يجى بس اهو بيدينى زقه اكمل كمان شويه فى محاولات التغيير اللى عايش بحلم بيها

المهم انى دايما فى الاخر بقوم ادفع الفاتوره , ودى المصيببه

المشاركة الأصلية كتبت بواسطة Mosso

صباح الخير,
يلا بسرعه هتتأخر على الشغل!!!

لا متقلقش يا باشا انا اساسا كنت قاعد شغال , الشغل بيروح معاى البيت كل يوم

نورت الموضوع يا موسو باشا :)

المشاركة الأصلية كتبت بواسطة Terrible_DaRsH

هى دى الجنة يا بوحميد ؟

هى بعينها , بس الجنه دى الله اعلم هنشوفها ولا لا فالواحد يعمل لجنه الاخره اضمن لحسن جنه الدنيا فى عصره وزمنه مش باينلها ابواب

المشاركة الأصلية كتبت بواسطة windsofchange

صدقتك للحظة يارب

بس بزمتك مكنتش لحظه حلوه ؟؟ :)

المشاركة الأصلية كتبت بواسطة د.محمود صلاح

هههههه ..

فضفضة مواطن مصري

مواطن مصرى هيطق من جنابه , شكرا على مرورك يا دكتور

المشاركة الأصلية كتبت بواسطة morsi

سمك لبن تمر هندى.واضح انك فاضى ومش لاقى حاجة تعملها وعلشان كدا بتضيع وقتك ووقت الناس اللى بتتصفح المنتدى

متقلقش يا استاذ مرسى , وقتك الثمين اللى بتقضيه على المنتدى فى مواضيع لا تعد ولا تحصى ممكن تضيعه

لكن موضوعى ده كان لهدف ما لو حضرتك مفهمتوش يبقى المشكله عندك مش فى الموضوع , وعلى العموم هو مش مجرد كلام واحد نفسه يركب عربيه جديده , ده بين سطوره مشاكل كتير قوى

انا واثق انك مقرأتش الموضوع اساسا !!!

المشاركة الأصلية كتبت بواسطة abogogo

احلام يقظة سعات بحلم بيها وانا راجع من المعركة قصدي الشغل ومريح بظبط بيها دماغي عشان مابشربش سجاير ولاشاي حتى.... وافوق منها لما الاقي لعبة طايره في وشي من البنت وامها بتبصلي وتقول لي انت بتفكر في مين ومسهم كده ووشك عليه ابتسامه اقول لا ولاحاجة تقولي عايزين.. وعايزين ..وعايزين.. وحصل ..وجرى.... اقوم راجع للجبهه تاني اقصد للواقع تاني

اهو لسه فى حد بيحلم , معلش الفتره الانتقاليه بين الجبهه وعالم الاحلام يمكن صعبه شويه بس اكيد فى الاخر هتيجى

ما هو يا هتيجى يا البلد هتقلب بقا مجاعات وندور على اللقمه بس وننسى اننا ممكن ينصلح حالنا , انا منتظر ايا من النهايتين

المشاركة الأصلية كتبت بواسطة A.Saad

احمد نوح
انسان محترم
وعلى فكرة هوة مش فاضى زى ما حضرتك كاتب
الان من خلال مشاركاته اقدر اقولك انه مشغول فى شغله وبيته جدا
هوة كتب الموضوع بطريقة صحفية شوية لانه شغال فعلا فى مجلة سيارات مصرية شهيرة
وان الواحد اما يكتب امنياته عن حال بلدى ده مش فضى

الله يكرمك يا استاذ احمد على الرد , وتسلم على كلامك الخير فى حقى

المشاركة الأصلية كتبت بواسطة Dr_Smart

ههههههه موضوع جامد بجد

من اول مابتقول عندك 21 سنه وحاسس انك متاخر في الجواز عشان كل اصحابك اتجوزوا واصغر منك ... قلت يمكن مش من القاهره وده سرو بلدهم ههههه

بس اتاكدت ان الموضوع هزار لما قلت بعتو مندوب ياخد العربيه للصيانه ههههه

والله كل اللي قلته ده حاجات سهله .. يللا ربنا يصلح الحال

هههههههههه , يعنى عادى انى اشتريت ايفو ومش عادى انهم بعتولى مندوب ياخد العربيه

والله يا دكتور اتمنى تكون كلها حاجات سهله واتمنى حتى مش انى اشوفها بس على الاقل ان يبقى فى جيل بعدنا يشوفها ولا هو السلاسه مكمله معانا لأبد الدهر ؟؟

المشاركة الأصلية كتبت بواسطة M.Osama

ههههههههههههههههههههههههه هههه تصدق برده والله انا اول ما دخل فموضوع الدوريات السريه ده قلت الراجل ده بدأ يفتي هههههههههههههه وطلعت ابص علي محل الاقامه

موجودين يا باشا كله موجود هههههههههههههههههههههه , هو بعد نقطتين بقا سواء شهرين ولا سنتين ولا قرنين

المشاركة الأصلية كتبت بواسطة tlrsiap

ههههههههههههههههههههههههه هههههههههههههههههه
انا من اول ما لقيتك مش ملاحق على عروض الشغل عرفت ان الموضوع مش تمام

قفشت انت اللعبه بدرى , واحد صاحبى امبارح عرف من اول وانا بسقى جنينه البيت

قالى ايه الكدب ده ؟؟!!!!

المشاركة الأصلية كتبت بواسطة Mohamed_SlvrLan99

انا كنت بجد متزاول فى الاول..بس اول ما جت الحتة اللى فوق عرفت اللى فيها.

لا يا استاذ محمد , انا لو قدامى الاختيارات دى هتكون انت احد اهم مستشارينى فى اخد القرار

ولا برده محتار انت بينهم فى العالم التانى ممكن ابعتلك رقمى هناك :)

المشاركة الأصلية كتبت بواسطة maka

جيت على الجرح اوى

بس حلوة الفضفضة دى

مش عارف الناس اللى فى مدغشقر دول عايشين ازاى ؟؟

ايووووه , هو الجرح ده اللى منغص علينا حياتنا وبيكبر كل يوم

الناس فى مدغشقر حالهم صعب والله , تخيل عندهم ظابط مرور من كام يوم وانا بلف ميدان بيقولى كدا مخالف , هو فى ميدان اللف فيه يبقى مخالف !!!!