انا يا جماعة طالب دراسات عليا ،
في بداية السنة حدودو لينا شوية مواد كده
المهم انه في 3 مواد اختار انا منهم اتنين همتحن فيهم ترمين ترم اول وترم تاني .
ماشي الكلام ؟
وطبعا اختارت المادتين اللي انا عايزهم ودخلت الامتحانات بتاعت الترم الاول وجت مواعيد المواد الاختياري ، ورحت المادتين بتوعي وما روحتش امتحان المادة التالتة وما كنتش اعرف عنها حاجة ولا حتى اسم الدكتور بتاعها ولا محاضراتها ولا سكاشنها ولا كتابها ولا اي حاجة تمت بصلة للمادة دي .
وعدت الايام وظهرت نتيجة الترم الاول وكانو بيقولو ان في مادة نتيجتها مش كويسة هي المادة اللي انا ما اخترتهاش وغالب اللي شالو مواد شالو المادة دي اللي انا ما اخترتهاش وما امتحنتهاش.
قلت الحمد لله
رحت اشوف النتيجة الحمد لله نجحت ب 72%
الغريب وانا بنقل درجات المواد بتاعتي اتفاجأت ان المادة اللي انا ما اخترتهاش دي ولا حضرت امتحانها مكتوبة مقابل اسمي واللي اكتر من كدا ان انا امتحنت ونجحت وجبت فيها جيد مع ان في ناس امتحنت وسقطت !!!!!!!!!!!وااااااااااعجبي!!!!!!!!! !!!!!:11:
طبعا اول حاجة جت في بالي يا عم دي بسيطة تلاقيها غلطة في الكشف ولا بتاع ،
بس كان لازم اسأل علشان اعرف ايه المواد الاختياري اللي انا هكمل بيها الترم التاني ،
رحت للمسؤولين شرحتلهم الوضع ، قلبو في الورق والسجلات ودورا وكانت النتيجة :
لا يا ابني انت امتحنت ونجحت !:N_no[1]:
يا فندم ازاي :majd(4):انا مجتش الكلية يوم الامتحان ده اصلا وبعدين انا ما اخترتش المادة دي اول السنة ؟!:I_angr1[1]:
قلبو في ملفات التقديم بتاعة اول السنة ،
المسؤول : ايو يا ابني صح انت ما اخترتش المادة دي .
انا : طيب ايه العمل دلوقتي يا فندم قالي سيادتك تروح للدكتور وهي هيظبطالك البتاعة دي وخلاص بسيطة يا ابني ما تقلقش ؟؟؟؟؟؟؟؟؟؟؟
دورت على الدكتور ما لقتهوش هروح ادور عليه تاني انهردة
يا عم بلا تهجيص ويقولك ايه :( دراسات عليا ) ، ( التعليم العالي ) ’ ( مشروع توكيد الجودة والاعتماد للتعليم )
دلوقتي انا عرفت ليه ما فيش ولا جامعة عربية للاسف الشديد من ضمن افضل 500 جامعة في العالم و المحتل الاسرائيلي الغاصب لهم 7 جامعات في ال500 وتحتل المركز ال12 من حيث عدد الجامعات من كل دولة ؟
والله يا جماعة البلد دي ماشية بالستر وهي على وشك الانهيار في تسيب اداري ونظامي ومروري وقضائي رهيب !
كفاية كدا ما اطولش عليكم بس انا متضايق نفسيا حا سس ان احنا نايمين في سبات عميييييييق:36_1_50[1]: وقدامنا كتيييييييير اوي علشان بلدنا العزيز يلحق بالركب والتطور العالمي والا تاريخنا العريق وامجاد اجدانا هتروح هباء .
بالله عليك قولي انت شعورك لو كنت مكاني ؟
وانا عارف ان في منكو ناس شافت اكتر من كدا !