هل رش الخوارج بيأثر علي ثمن العربية

**عبد الرحمن اسامه** · 10-04-2010 09:40 AM

سلامو عليكو يا جماعة،
يمكن كتير منكو عارف إني معايه ليون ٢٠٠٩ في السعودية، من كام يوم كده دخل فيه واحد من ورا، التأمين عاين و قالوا هيغيرولي الصدام الخلفي في التوكيل، فانا اطمنت قلت صدام جديد من التوكيل يعني كده العربية هتبقي لسه فابريكه، اكتشفت بعد كده إن لاء الإكسدام بيجي بلون رصاصي و بيترش بلون العربية هنا، يعني العربية هتبقي رشة صدام خلفي، و انهارده الصبح لقيت العربية مخبوطة في الرفرف القدام يسار الهو كان في خبطة كنت شاريها بيها، الخبطة مش كبيرة اوي يمكن واحد كان بيركن او خارج من الركنة حك الرفرف جامد شوية. فبفكر اغير الرفرف او اسمكره.

ايه رأيكو يا جماعة، مع العلم اني ناوي بعد ٣ سنين كده ولا حاجة ابدلها باليون الجديد الاوتوماتيك ال١.٤ tsi

فهل التصليحات دي هتأثر جامد علي سعر العربية، او هتخليها ماتتبعش بسهولة، يعني لو انت جاي تشتري العربية دي بعد الرش ده هتنزل من ثمنها اوي او هترضي تشتريها اصلا ؟؟؟

**Moe86** · 10-04-2010 05:15 PM

أعتقد فى السعودية مش بيهتموا قوى لو الصدام مرشوش و كدة زى مصر, لأن المستعمل كدة كدة بينزل قوى , و أنت لا ناوى تبيعها هنا ؟

**ehab_mansour** · 10-04-2010 05:21 PM

وعليكم السلام ورحمة الله وبركاته

شوف يا عبدالرحمن الموضوع ده بيختلف حسب ثقافة المشتري يعني رغم سوء الشوارع واسلوب القيادة والظروف اللي احنا فيها في مصر ومع ذلك مازال فيه ناس لما ييجي يشتري عربية مستعمله بيدور علي عربية فبريكة دواخل وخوارج وفيه ناس فاهمه وما بتفرقش معاها لأن طالما العربية سليمة دواخل وما عملتش حوادث وسقفها ومعظم اجزائها الخارجية فبريكة بيشتري عادي .
لكن طبعا بالتأكيد ان هيبقي فيه فرق بين العربية اللي ما رشتش خالص من اللي رشه أجزاء ولكن الفرق بسيط وما تقلقش هتتباع ان شاء الله عادي لكن سوق المستعمل عندك للأسف سييء علي قدر معلوماتي ان العربيات المستعملة في السعودية ببلاش لكن بعد سنتين ثلاثة ايه النظام الله اعلم
وربنا يوفقك للخير دائما

**snakeson2** · 11-04-2010 03:15 AM

الحمد لله انها جات سليمة اولا
ثانيا ياباشا ممكن لو كانت الخبطة مش جامدة قوي تتسمكر هيكون احسن وهيرش برضو لعلمك الاكصدام كلة عشان اللون
والتتغيير برضو هيرش
طالما فية تاميين غير احسن لان الاكصدام بيكون ضعيف في المكان المردود يعني ممكن بتاشر باي خبطة تانية بسهولة

**M.Mosaad** · 11-04-2010 11:29 AM

انا من رايي انك طالما معاك عربيه سوقها في المستعمل بينزل كدة كدة لانها مش منتشرة زي حالاتي يبقي مش هيفرق اوي لانك لما تنوي تبيع انشاء الله اللي هيشتريها بيبقي حد فاهم و عايز العربيه دي و فاهم ان رش الخوارج ميضرش العربيه اوي او ميعتبرشي عيب في العربيه كالما الدواخل سليمه انشاء الله

و من راي طالما في تامين غير الاكصدام احسن لانك بتغيرة في التوكيل فهيبقي زيه زي الجديد و لما تبيع خد منهم تقرير كامل بحاله العربيه و صيانتها في التوكيل بيفرق برضة في البيع