نداء لكل أصحاب السيارات وخبراتهم محدوده فيها ...

**د.محمود صلاح** · 10-04-2010 09:48 AM

الموضوع بتاريخ 10/4/2010
السلام عليكم ورحمة الله

دفعني للكتابة في هذا الموضوع استغرابي الشديد من زميل لي .. عنده سيارة مشتريها زيرو من 10 سنوات لانسر كريستالة ولا يعرف أين وما هو الموتور ؟؟!!ولا يعرف أي شيء عن اي شيء في عربيته ..

كل اللي عليه يدور ويمشي ويوديها الصيانة في التوكيل في المواعيد وبس ..

وطبعاً ده خطأ فادح .. على الاقل لازم يكون عندك دراية بالأمور البسيطة في العربية ويكون عندك عدة خفيفة في العربية

لازم يكون عندك دراية بالموتور - دورة البنزين - دورة المياة - نظام الفرامل - الكهرباء - الكاوتش والصيانته وكيفية تغييره كيفية الحفاظ على دهان العربية - الأعطال الشائعة في العربية ... الخ

انا شخصياً ( من واقع خبرات سنين طويلة في العربيات ) عارف كل خرم ابرة في عربيتي , برغم اني مش مهندس ..

وعليه بانصح اخواني هنا في المنتدى بقراءة المواضيع الهامة والمثبتة في القسم التعليمي لإكتساب بعض المعلومات البسيطة عن عربيتك ... اعرف حتى مكان الموتور فين ؟ ههههه

واخونا عتاولة المنتدى في التعليمي ماتركوش كبيرة ولا صغيرة الا وقالوها ..

حفظكم الله من كل سوء

**samirayad** · 10-04-2010 10:46 AM

نعم صدقت

فالعلم بالشىء ولا الجهل به

ويقولون فى المثل الدارج

خدلك من كل بستان زهره

________________________

وهو مثل صحيح فعلا

فصعب أوى الواحد يلم كل الأزهار بتاعة بساتين الدنيا كلها فى جعبته