قبل أى شئ أنا باعتذر لو الموضوع مكرر
كنت باعمل صيانه خراب بيوت فى موتور عربيتى (كلفتنى والحمد لله 2500 جنية) المهم انى بعد ما عملتها كان التكييف بيشتغل عندى والحمد لله كويس جدا مع العلم انى من يوم ما اشتريت العربية (3 سنوات) لغاية النهاردة لم اقم بشحنه ولا مره
المهم بعد الصيانه بشغل التكييف - طبعا ماشتغلش وهو ده التطور الطبيعى للحاجة الساقعة
محمد عبده قال العربية محتاجة يتكشف عليها عند حد بتاع تكييف
المهم
بعد الدباجه ديه - اعمل ايه؟
أولا انا كان عندى مشكله من قبل كده الا وهى ان التكييف عندى بيبرد ببطئ شديد ولو اشتغل اكثر من 30 دقيقة يفصل خالص ولازم اطفيه لمدة 5 دقائق وأشغله تانى (متهيألى ده سويتش الكنترول عايز يتغير)
ثانيا ان شاء الله انا هاعمل صيانه كاملة وعلية ممكن احتاج اغير الفريون - هل اشترى الفريون بنفسى واروح بيه للصنايعى ولا اسأل على نوع الفريون وخلاص - اللى اعرفه ان فيه نوع صينى سيئ جدا فى السوق - وان الانواع المحترمه هيه R134 harb or rip وان اغلب الصنايعية بتشتغل بالصينى - لو هاشترى الفريون اجيبه منين وبكاااااااااام؟
ثالثا هل فعلا اللانوس الفريون المستخدم فيها هو R134 - يقال انه بيبقى مكتوب على العربية - يا ترى مكتوب فيييييييييييييين؟
رابعا انا ساكن فى الهرم بس عايز شخص يكون محترم جدا وأمين ورخيص (وهى ديه المستحيلات الثلاثة) فى اى حد مرجح انه يعمل الشغل ده
خامسا وان شاء الله اخيرا - تقريبا تكلفة المصنعية فى الموضوع ده كام؟