اقتباس المشاركة الأصلية كتبت بواسطة m_elkhishin مشاهدة المشاركة
يا سيدي الفاضل العيب فينا مش في العربيات الحديثة، احنا اللي بسبب الاستهبال في تسعير السيارات عندنا نتيجة الجمارك وغيره اللي عاوزين عربيات تعيش بحالتها على الأقل 20 سنه عشان الواحد يلحق يحلل المبلغ اللي دفعه فيها. وبعد ال 20 سنه ميعدوا يبقى الواحد عاوز يبيعها بأغلى من تمنها وهي جديدة.
نتيجة التطور السريع في كل حاجة معدش في حاجة اسمها سلع معمرة ، كل حاجة بقت استهلاكية. يعني العمر الافتراضي دلوقتي لأي سيارة من 5-10 سنين حسب النوع (طبعا الأنواع اللي عندنا في مصر اللي أصلا موقوف انتاجها من القرن الماضي دي منتهية الصلاحية أصلا من قبل ما تنزل)

اللي عاوز يشوف الموضوع ده ويحس بيه جدا في دول الخليج ، سعر السيارة بعد مايعدي عليها 5 سنين بيتغير تغير جذري حتى لو رولزرويس ، وبسبب سهولة الحصول على سيارة جديدة الواحد مبيجيلوش روح يكمل ال 5 سنين وبيبقى عاوز يغير.

تخيل انت لو مثلا الكورولا ولا السيفيك بقت جديدة ب 80 ألف جنيه ، وانك ممكن تشتريها موديل 2008 ب 40 ألف أو 2006 ب 20 ألف أو 2002 ب 8 الاف يبقى عمرك حتفكر هل الصاج ده متين ولا لأ هيعيش 20 سنه ولا لأ؟؟؟؟

طبعا ده حال 90% من العالم الا دول قليلة زي مصر وسوريا
للأسف الشديد ملخص كل دة فى أننا شعب معندوش ثقافة تجارية