ما رأيكم فى كواليتى العربيات التى أنتجت فى فترة الركود الإقتصادى العالمى؟؟

**Hany Saad** · 10-04-2010 12:08 PM

يا جماعة أنا حابب أسمع رأيكم فى موضوع كواليتى العربيات التى أنتجت فى فترة الركود العالمى الأخيرة (من 3 -4 سنين مثلا و حتى الأن) من حيث الأعتمادية و كثرة الأعطال و عدم إعطاء العربية حقها من الإختبارات قبل طرحها فى الأسواق و عمل موضوع التجربة ده فى الزبون ثم التعديل بناء على المشاكل التى سوف تظهر بعد ذلك.

يعنى الإهتمام بالكم و ليس الجودة و طبعا كانت الفكرة السائدة و مازالت هى ال cost reduction فى كل شىء حتى فى العمر الإفتراضى للقطع.

الدليل على نظريتى كمية الأعطال الكبيرة و سحب السيارات الرهيب من الأسواق بالنسبة لماركات لها ثقلها فى عالم السيارات و تجربة تكنولوجيا جديدة فى العملاء مثل الفتيس الmmt و أمثلة أخرى كثيرة.

ده طبعا أدى إلى وجود أعطال كثيرة فى السيارات الحديثة و أعطال قاتلة مش عيوب بسيطة زى زمان و علشان كده فكرة التأنى قبل الشراء أصبحت مهمة جدا و وجود توكيل فاهم و عنده ضمان حقيقى أصبحت ملحة جدا.

أنا شخصيا أصبحت من أنصار عدم شراء الدفعات الأولى من أى موديل جديدة لأنها بتكون تجربة فى العميل لحد ما توضح بعض الشكاوى القاتلة المتكررة فتبتدى الشركة الأم تعدلها فى الدفعات التالية حتى تصل السيارة إلى حالة الثبات بعد مرور 3 سنوات من طرحها فى الأسواق.

منتظر مشاركتكم فى الموضوع...........

**wawoo** · 10-04-2010 12:28 PM

و اية علاقة عنوان الموضوع دة برينو ...انا راى تحط الموضوع دة فى المنتدى العام ..حتلاقى مشاركة افضل ..

**د.محمود صلاح** · 10-04-2010 03:59 PM

أعتقد ان الشركات المحترمة مش هتغير حاجة في عربياتها ومكونات التصنيع ,, هي ممكن تخفش الكماليات شوية
ده رأيي

**romeo_6887** · 10-04-2010 06:34 PM

رأيي ان الكواليتي بقت ز....له

**AMA** · 11-04-2010 05:05 AM

انا هتكلم على حوالى 30 سنه كمان سابقة يعنى عندك عربية زى النيفا كانت عربية أمكانيات و صاج متين لو دخل فحيطة مش هيحصلة حاجة و كان عندك فيات 132 و كان عندك المرسيدس القديمه يعنى من النهاية عربيات مواتير جامدة و صاج عفى دلوقتى الأهتمام بقى بالكماليات والأزاز الكهربا و الشاشة الدى فى دى مبقاش فيه متعة فى السواقة اة المواتير بتكون معقولة بس مش ده التطور الى كله كان منتظرة الصاج طبعا بقى فى النازل و جربوا تقارنوا كدة مثلا عربية من حوالى 30 سنه فى صاجها بعربية دايو لانوس مثلا مع أحترامى لكل ملاكها بس دا أنا ساعات أقسم بالله العظيم بسند على عربية بتتطبق و تترد تانى من الرفرف خلاص بقى الصاج زى الكرتون و الميكانيكا مفيش سنه بيعدى عليها إلا لما لازم حاجة تضرب و العفشة طبعا بقيت أنشف من الحديد المسلح

أنا شايف أن لو أحنا منشتريش جديد يبقى أفضل على الأقل الأسعار هتتظبط و فى نفس الوقت هنضمن حياتنا بدل ماتروح فى الهوا مع عربيات مفيهاش أمان كفايه
دا تويوتا أكتر سيارة فى العالم فيها أمان أكتر عربية أتفضحت و نشرت غسيلها الوسخ أدام الناس
معلش لو طولت عليكم بس دا رأيى الشخصى

**Eng.Geo** · 11-04-2010 10:11 AM

انا هتكلم على حوالى 30 سنه كمان سابقة يعنى عندك عربية زى النيفا كانت عربية أمكانيات و صاج متين لو دخل فحيطة مش هيحصلة حاجة و كان عندك فيات 132 و كان عندك المرسيدس القديمه يعنى من النهاية عربيات مواتير جامدة و صاج عفى دلوقتى الأهتمام بقى بالكماليات والأزاز الكهربا و الشاشة الدى فى دى مبقاش فيه متعة فى السواقة اة المواتير بتكون معقولة بس مش ده التطور الى كله كان منتظرة الصاج طبعا بقى فى النازل و جربوا تقارنوا كدة مثلا عربية من حوالى 30 سنه فى صاجها بعربية دايو لانوس مثلا مع أحترامى لكل ملاكها بس دا أنا ساعات أقسم بالله العظيم بسند على عربية بتتطبق و تترد تانى من الرفرف خلاص بقى الصاج زى الكرتون و الميكانيكا مفيش سنه بيعدى عليها إلا لما لازم حاجة تضرب و العفشة طبعا بقيت أنشف من الحديد المسلح

أنا شايف أن لو أحنا منشتريش جديد يبقى أفضل على الأقل الأسعار هتتظبط و فى نفس الوقت هنضمن حياتنا بدل ماتروح فى الهوا مع عربيات مفيهاش أمان كفايه
دا تويوتا أكتر سيارة فى العالم فيها أمان أكتر عربية أتفضحت و نشرت غسيلها الوسخ أدام الناس
معلش لو طولت عليكم بس دا رأيى الشخصى

الجزء بتاع ان العربيات القديمة اقوي
شوف الفيديو ده وفيه عربيات بنقول عليها لو دخلت في حيطة تفرتكها
YouTube - vw beetle and golf (rabbit) crash test
البيتلز لو دخلت اختبارات الأمان الأوروبية هتاخد صفر لأن وظيفة الصاج هو الحماية في الصدمات والكبينة تبقي سليمة بعد الحادثة والبيتلز الفيديو موضح انا اقصد ايه
يعني مش بالصاج
اما المواتير
انا شايف ان مواتير زمان اضعف بكتير من دلوقتي
يعني لما نحب نقارن نجيب موتورين من نفس الحجم ونقارن
هنلاقي استلاك بنزين افضل دلوقتي عزم وقوة اعلي من زمان وهكذا
انا معاك طبعا انا الأسعار بتاعة العربيات عالية ولازم نعمل حاجة عشان تنزل
شكرا ليك

**AMA** · 11-04-2010 11:02 AM

المشاركة الأصلية كتبت بواسطة eng.geo

الجزء بتاع ان العربيات القديمة اقوي
شوف الفيديو ده وفيه عربيات بنقول عليها لو دخلت في حيطة تفرتكها
youtube - vw beetle and golf (rabbit) crash test
البيتلز لو دخلت اختبارات الأمان الأوروبية هتاخد صفر لأن وظيفة الصاج هو الحماية في الصدمات والكبينة تبقي سليمة بعد الحادثة والبيتلز الفيديو موضح انا اقصد ايه
يعني مش بالصاج
اما المواتير
انا شايف ان مواتير زمان اضعف بكتير من دلوقتي
يعني لما نحب نقارن نجيب موتورين من نفس الحجم ونقارن
هنلاقي استلاك بنزين افضل دلوقتي عزم وقوة اعلي من زمان وهكذا
انا معاك طبعا انا الأسعار بتاعة العربيات عالية ولازم نعمل حاجة عشان تنزل
شكرا ليك

شكرا لإيضاحك مشكلة الصاج دى يا باشمهندس وفعلا بعد الفيديو أستغربت
بالنسبه للمواتير الأستهلاك والعزم ممكن يكون الأيام دى أفضل لكن مش بيعيش دا فيه عربيات والله العظيم قديمه لحد دلوقتى ماغيرت ماتور نهائى و فيه عربيات بتكون موديل 2006 و مرة واحدة الماتور بيتعمله عمره متفهمش أزاى و لكل قاعدة شواذ يمكن الأستخدام السئ و ممكن حاله نادرة

**m_elkhishin** · 11-04-2010 11:34 AM

المشاركة الأصلية كتبت بواسطة ama

شكرا لإيضاحك مشكلة الصاج دى يا باشمهندس وفعلا بعد الفيديو أستغربت
بالنسبه للمواتير الأستهلاك والعزم ممكن يكون الأيام دى أفضل لكن مش بيعيش دا فيه عربيات والله العظيم قديمه لحد دلوقتى ماغيرت ماتور نهائى و فيه عربيات بتكون موديل 2006 و مرة واحدة الماتور بيتعمله عمره متفهمش أزاى و لكل قاعدة شواذ يمكن الأستخدام السئ و ممكن حاله نادرة

يا سيدي الفاضل العيب فينا مش في العربيات الحديثة، احنا اللي بسبب الاستهبال في تسعير السيارات عندنا نتيجة الجمارك وغيره اللي عاوزين عربيات تعيش بحالتها على الأقل 20 سنه عشان الواحد يلحق يحلل المبلغ اللي دفعه فيها. وبعد ال 20 سنه ميعدوا يبقى الواحد عاوز يبيعها بأغلى من تمنها وهي جديدة.
نتيجة التطور السريع في كل حاجة معدش في حاجة اسمها سلع معمرة ، كل حاجة بقت استهلاكية. يعني العمر الافتراضي دلوقتي لأي سيارة من 5-10 سنين حسب النوع (طبعا الأنواع اللي عندنا في مصر اللي أصلا موقوف انتاجها من القرن الماضي دي منتهية الصلاحية أصلا من قبل ما تنزل)

اللي عاوز يشوف الموضوع ده ويحس بيه جدا في دول الخليج ، سعر السيارة بعد مايعدي عليها 5 سنين بيتغير تغير جذري حتى لو رولزرويس ، وبسبب سهولة الحصول على سيارة جديدة الواحد مبيجيلوش روح يكمل ال 5 سنين وبيبقى عاوز يغير.

تخيل انت لو مثلا الكورولا ولا السيفيك بقت جديدة ب 80 ألف جنيه ، وانك ممكن تشتريها موديل 2008 ب 40 ألف أو 2006 ب 20 ألف أو 2002 ب 8 الاف يبقى عمرك حتفكر هل الصاج ده متين ولا لأ هيعيش 20 سنه ولا لأ؟؟؟؟

طبعا ده حال 90% من العالم الا دول قليلة زي مصر وسوريا

-

الموضوع: ما رأيكم فى كواليتى العربيات التى أنتجت فى فترة الركود الإقتصادى العالمى؟؟

LinkBack

أدوات الموضوع

عرض

-

-

-

-

المواضيع المتشابهه

موقع فيه كل الكماليات التى تخص العربيات الكوريه

الناس اللى عاشت فترة كمال الجنزورى ايه رأيكم فيه

محتار بين العربيات دى ومحتاج رأيكم

الركود العالمى وهبوط اسعار السيارات

انشاء منتديات منفصلة لموديلات العربيات التى توقف انتاجها

الكلمات الدلالية لهذا الموضوع

المفضلات

المفضلات

ضوابط المشاركة