الموضوع: كاوتشه الكوبلن الداخلي

متابع باهتمام....

المشاركة الأصلية كتبت بواسطة semsem kane

شوف لو جنب واحد اللى هاتغير كاوتش الكوبلن بتاعة اللى هيفكة دة :
1:هيفك المسامير اللى بتوصل المساعدين بالطنابير بالبارات عشان يقدر يخرج الاكس اللى فية جنب الكاوتشة البايظ
2:هايطلع الاكس وهيبقى فية الكوبلن الداخلى والخارجى هيغير الكاوتشة وقبل مايركبها هايحط شحم ولازم عشان دة مهم جدا وخلية يزود مايحطش لحسة وخلاص وبعد كدة حضرتك هتجيب "أفيز"لربط واحكام كاوتشة الكوبلن وبعد هاتركب وخير ان شاء الله
ونصيحة منى لو انت عايز طقم كاوتش ميزان او محتاج تربيط عفشة يبقى خلية يعملهولك بالمرة
هات كاوتشة الكوبلن يابانى هتلاقيها ب30 جنية ومختومة باسم made in japan على حرف الكاوتشة
المصنعية 25 جنية بالتمام ولا يزيدوا ممكن ينقصوا انت وشطارتك بس ماتعليش عن كدة

الف شكر علي الرد الوافي

انا جبت الاصلى بتاعها كان ب 150 جنيه من عرفة جابر و تركيبه سهل زى ما تفضل الاخ سمسم و المصنعية بالظبط زى ما قال
و اما تبص على العربية هاتبص على الاتى عشان انا باحب اعمل زيك:
1-هاتقدر تشوف بارات الدركسيون و بيض العجل و جلب المقصات الامامى و كاوتش الميزان و التيش بتاعه
2-هاتبس على تسريب الزيوت سواء من ناحية الموتور عشان الاويل سيلات و من ناحية الفتيس و خرج الكبالن بعد كده مش هاتشوف حاجة عشان المصفح
3-تبص على وصلات الشكمان و تثبيتاته من قدام لورا و بصة سريعة على التنك و خراطيمه
4-تبص ورا على الشدادت كلها و الكاوتش بتاعها و كمان الميزان الخلفى و تحاول تهز القطع ديه بايدك طبعا مش هاتيجى معاك لو سليمة
5-تبص على اى خبطة او تجريح فى الشاسيه من تحت و الارضية كلها

انا معايا ال 94 و كل ما اروح البنزينة او الزوايا انزل ابص على الكلام ده بتبقا فرصة الواحد يطمن و فى البيت فيه كوريك تمساح ساعات بارفع بيه مرة ككل شهر و نظرة سريعة كده

المشاركة الأصلية كتبت بواسطة ahmed galal

انا جبت الاصلى بتاعها كان ب 150 جنيه من عرفة جابر و تركيبه سهل زى ما تفضل الاخ سمسم و المصنعية بالظبط زى ما قال
و اما تبص على العربية هاتبص على الاتى عشان انا باحب اعمل زيك:
1-هاتقدر تشوف بارات الدركسيون و بيض العجل و جلب المقصات الامامى و كاوتش الميزان و التيش بتاعه
2-هاتبس على تسريب الزيوت سواء من ناحية الموتور عشان الاويل سيلات و من ناحية الفتيس و خرج الكبالن بعد كده مش هاتشوف حاجة عشان المصفح
3-تبص على وصلات الشكمان و تثبيتاته من قدام لورا و بصة سريعة على التنك و خراطيمه
4-تبص ورا على الشدادت كلها و الكاوتش بتاعها و كمان الميزان الخلفى و تحاول تهز القطع ديه بايدك طبعا مش هاتيجى معاك لو سليمة
5-تبص على اى خبطة او تجريح فى الشاسيه من تحت و الارضية كلها

انا معايا ال 94 و كل ما اروح البنزينة او الزوايا انزل ابص على الكلام ده بتبقا فرصة الواحد يطمن و فى البيت فيه كوريك تمساح ساعات بارفع بيه مرة ككل شهر و نظرة سريعة كده

الف شكر ليك احمد باشا