"من تعلم لغة قوم أمن مكرهم"
عرض للطباعة
"من تعلم لغة قوم أمن مكرهم"
حسسه انك فاهم .. بس ماتقرفوش عشان مايقرفكش ...
لما الميكانيكى يقوللك سيب العربيه وتعالى بعد شويه تعرف إنك وقعت فى الفخ
ولما يقوللك هيركبلك حاجه أحسن من الأصلى اللى كان فيها يبأا نصاب
لما تكون عايز تجيب الحاجه الأصليه والصح ويقوللك باين عليك فلوسك كتير تعرف إنه عايز يقنعك بوجهة نظره الغلط
لو لقيتة بحاول يركب الحاجة ومش عارف من اول مرة اعرف انة مش عارف
مرة قعدت عند ميكانيكي 7 ساعات عشان العربية كانت بتقطع وبيقولي كربراتير والعيب كان في الكهربا
فعلا يا جماعة أوعى تسيب العربية ليهم يفعلوا كما يشؤون أنا لازم أقف على أيدة وبسألة على كل حاجة بيعملها - ومش بخلية يعملها غير لما أكون مقتنع بإللى هو هيعملة - وخبرتى الميكانيكية المحدودة بتساعدنى على كدة والحمد لله
حاجه تانيه .. دايماُ انت اللي تشتري قطع الغيار .. و مايركبش حاجه من عنده (عندي يا بيه و هاديهالك مضمونه و نضيفه و نمره 1 ) لانه ببساطه خالعها من عربيه تانيه و هايبعهالك .. و علي راي المثل لو فيها خير ماكنش رماها الطير ..
حاول تجيب كل قطع الغيار جديده و حاول تكون اصليه .. و حاول تلاقي ميكانيكي كويس ة امين و خليك معاه ..
بتاعه باين عليك فلوسك كتير دي مش صح دايماً .. الكلمه دي انا باقولها لابويا نفسه لما بيبقي ناوي يعمل حاجه يكون ليها بديل بنفس الكفاءه و هوه يختار البديل الاغلي ..
بص .. اجيبلك من الاخر .. لو عملت ايه و حفظت المهنه من الاول للاخر هاتلاقيهم بيلفوا و يدوروا عليك ..لان ببساطه دي شغلتهم .. فانا عندي اشوف ميكانيكي غالي و مايتضحكش عليك .. انا نفسي لما بيجوا يلفو و يدورو عليا .. علماً بان انا ابن الصنعه يعني .. باديهم فوق دماغهم .. (يعني مقصد كلامي بيلفوا و يدوروا عليا انا كمان ! )