الاستفسار عن فيات 128

**shefa** · 18-01-2008 05:11 PM

السلام عليكم أن عضو جديد معكم أرجو الافادة فى شراء سيارة فيات 128 موديل 1976 اللون أحمر ولكنها من تصنيع نصر وليست ايطالية ولايوجد بها فرامل يد ولكن حالتها جيدة أرجو توضيح سعرها فى السوق الان وصاحبها عاوز فيه 14 ألف جنيه فكده كويس ولا ايه................ وشكرا لكم وأتمنى الرد

**Xpert** · 18-01-2008 06:50 PM

حسب الحاله ..

**shefa** · 18-01-2008 09:52 PM

الحالة جيدة كما ذكرت ولكنى أريد معرفة السعر كدة كويس ولا غالية وشكرا للرد أخى الكريم Xpert
Senior Member

**Xpert** · 18-01-2008 09:54 PM

لو سليمه و مش رشه جوه و الكلام ده .. اصلس و شبكه الاصلي ام فوانيس مدوره .. و حاله الاوريجينال (واقفه صح يعني) .. ادفع فيها ال 14 .. ده فيه واحده هنا نصر برضو لونها مينت جريين .. اللي عامل زي لون معجون السنان ده .. طلع فيها 23 و صاحبها مش عاوز يسيب ..

**ahmed1981** · 19-01-2008 09:35 PM

أنا كنت ببيع واحدة 76 موتورها 1300 cc وجابتلي 16 ألف جنيه ومبعتهاش
الكلام ده من حوالي ستة شهور

**shefa** · 19-01-2008 09:40 PM

أنا متشكر جدا لك يا بشمهندس أحمد وجزاك الله خير بس ممكت تقولى ايه الفرق بين الفيات الايطالى ونصر عشان أنا قلقان من الموضوع وكمان العربية ميش يها فرامل يد فممكن بع د ما اشتريها ابقى اركب ليها فرامل يد وكم تتكلف واسف على كلامى الكتيير

**ahmed1981** · 19-01-2008 09:53 PM

تركيب فرامل اليد في ال 128 سهل جداً (اليد بتشتريها جديدة بكل أجزاءها تقريباً)
اليد سعرها 35 جنيه تركي تقريباً والسلك بحوالي 30 جنيه مثلا

الفرق بين النصر والفيات هو أن الصاج المصري أضعف
لكن
لكن
هل تظن أن سيارة موديل 1976 مازالت بنفس صاج مصنعها
بالتأكيد الصاج إتسمكر وإتغير أجزاء منه مرتين تلاته

لذلك عند شراء ال 128 سيبك من إيطالي أو مصري وركز في حالة السيارة وحالة الموتور والفتيس والعفشة والصالون والشاسيه والكوتش والبطارية والصاج عموماً وحاول تجيب حالة نضيفة جداً

**sab3aawy** · 22-01-2008 10:36 PM

المشاركة الأصلية كتبت بواسطة Xpert

لو سليمه و مش رشه جوه و الكلام ده .. اصلس و شبكه الاصلي ام فوانيس مدوره .. و حاله الاوريجينال (واقفه صح يعني) .. ادفع فيها ال 14 .. ده فيه واحده هنا نصر برضو لونها مينت جريين .. اللي عامل زي لون معجون السنان ده .. طلع فيها 23 و صاحبها مش عاوز يسيب ..

أويد الكلام ده تماما

لو موتور بحالة جيدة وودواخل مش مرشوشة ورقم الشاسيه بتعاها لا يزال موجود فى مكانه ومش سارحة فيها البارومة تبقى لقطة بالسعر ده

لو راشة دواخل لكن حالتها نظيفة ومعتنى بها يبقى معقول ، بس مهم جدا يكون رقم الشاسيه موجود فى مكانه على الكارتيرة

لو رقم الشاسيه مدقوق على الباب ومش موجود على الكارتيرة انا لا نصح بها ، وكذلك لو سارحة فيها البارومة برضه لا انصح بها

**ahmedezzat78** · 23-01-2008 04:31 AM

اهم حاجه فى ال 128 تبص على علب الشاسيه و القوايم و ركب الميزان ما يكونش فيها شروخ او باررومه و بص على الصوابع و الشفه العلويه للرفارف الاماميه عشان الشفه لو مقلوبه تبقى الكارتيرات قربت من بعض و اكيد هيبقى فيه شروخ فى الكارتيرات تشوفها لما تبص فوق العجلتين الاماميتين

لو العربيه اساسياتها تمام تبقى اى حاجه عفشة او موتور او ميكانيكا مقدور عليها لان اكيد مش هتلاقيها تمام قوى بالسعر ده