اوعى من الخنافة ومد الايد

**Mohamed.Ramah** · 11-04-2010 01:49 AM

انا برضوا نسيت اوضح نقطة هما جم بزيادة على الشاب التانى وفعلا الموضوع مكنش يتحل بالطرقة دة بس شكلة كدة صاحب الاوبل اللى مش غلطان والى اتضرب واطلع عينة واتهان هو رتبة او معرفة حد من الشرطة علشان كدة اتوجب مع التانى اخد الواجب وزيادة

--وعاوز اوضح نقطة مصر كبلد لا يقال عليها شىء دا غير مذكورة فى القران لاكن للاسف ................................................ طبعا مش اجماع فى ناس كتير على الاقل مش بتساهم فى فساد البلد وملهومش اى دور فيها غير مواطن عادى عايش ولاكن السلطة هى اس الفساد فى الموضوع دة كلة ولو حنعيب نعيب على الفاسدين مش البلد البلد ملهاش ذنب دا كفاية مكانتنا اللى كانت موجودة زمان واحترام كافة الشعوب لينا بعكس الوضع الان .

مخالفة للقاعدة 9 فقرة ب ، تم الإكتفاء بحصولك على تحذير فقط

يرجى مراجعة قواعد و قوانين المنتدى

مشرف القسم 10ب

11:04:2010

1:36 ص

**amrelsaqqa** · 11-04-2010 01:57 AM

خلاص بقى ياباشا الكلام ده كله معروف و الموضوع كدة هيدخل في سياسة وده ممنوع عشانى وعشانك

**M.almaghraby** · 11-04-2010 02:04 AM

يا جماعة انا عارف اني زودتها بردي وانا بتاسف و كويس ان الرد اتحذف :))

لكن بجد انا فاض بيا الكيل

انا مش من النوع الي اذم بالبلد عالفاضي والمليان...... بس كدا مينفعش اصلا!!

معلش يا جدعان مينفعش ان الواحد عشان واحد تاني ضايقه بكلمه او غلط فيه انه يستعمل نوع من البلطجة عشان ياخد حقه

دي غابة مش بلد..... و دليل قاطع ان مصر ولا فيها امان ولا فيها حاجة وانك لو وقعت فحوار مع حد من الاخوة الواصلين دول ممكن ياذيك بالبلطجة برده

مهو العساكر الي جم دول مش حيسالوا الباشا انتا الي غلطان ولا هوا!!!!

انا اسف...... انا مينفعش ابقي كدا و استعمل سلطتي بشكل غير شرعي ,,, دا شيء غير محترم و بلد غير محترمة..

يا جماعة انا كل الموضوع اني شايف اننا كل يوم بنرجع لورا .. التقدم مش مجرد مباني و اقتصاد و رخاء " طبعا مفيش عندنا حاجة من دول " .... لكن احنا كمصر و كعرب حتي منستاهلش نبقي ربع الي اوروبا وصلتله

مش اوروبا و امريكا دول الناس الكفرة الي معندهمش دين و احنا الي بنقول كدا

طيب ياريت بقا احنا نكون واحد علي 10 من النظام و الصرامة الي هما فيها.......... اعتقد لو مسئول ارتكب حاجة زي كدا هناك ممكن يتسجن فيها

وانا اسف مرة تانية عاللفظ دا

المشاركة الأصلية كتبت بواسطة أشرف فتحى

ليه كده؟

ليه التعميم؟

دا على اساس ان حضرتك من بلد تانيه؟

لما حضرتك وانت مصرى تقول كده..!!!!

مستنى غيرك يقول ايه؟؟

هيا البلد دى مش فيها انا وانت ؟

ووالدك ووالدى؟

يعنى انا وانت قذرين بقذاره البلد؟

ياريت بلاش التسرع وأكيد انت مفكرتش فى كده؟ صح؟

انا فعلا مفكرتش فكدا استاذ اشرف ........... انا اتنرفزت من الي قريته بس مش اكتر

لكن البلد دي انا اصدي بيها المجتمع ككل....... وانا فعلا مش حاببها عالوضع دا ... لان الي احنا فيه دا مش ادمي اساسا ....

ومعلش حضرتك راجل محترم وانا مثلا اكيد مقصدش الناس الي زي حضرتك

لكن الغالبية من هذا الشعب للاسف بقوا بلطجية او ....... يؤمنوا بالبلطجة.... ولو مش البلطجة يبقي الرشوة........ ولو مش الرشوة يبقي الواسطة!!!!!!

انا عارف ان كلامي ممكن يكون في تعالي او غرور او اني بتبري من مصر

لكن اطلاقا ......... انا بحب مصر جدا و مستعد اموت عشانها وانا راضي والله

لكن كدا......... اسف.......... انا اول فرصة حتجيلي جديا ممكن امشي منها :(

لا حول ولا قوة الا بالله

المشاركة الأصلية كتبت بواسطة normal

يعنى بلاش نشتم البلد...الارض
لكن نشتم الشعب
أهلك!!
عامل البلد بأهلها كانهم أبوك مثلا
مهما كان أبوك دا ظالم أو غير عادل أو أو أو
ترضى حد يشتمه!!
أسمه فى الاخر أبوك الى رباك وصرف دم قلبه عليك
علشان أنت لما يطلعلك صوت فى الاخر تعليه عليه أو تنتقض سلوكه
هى البلد كده برضو
أنت شربت من الميه بتعتها الى ربنا رزقها بيها
وكلت من أرضها الى ربنا رزقها بيها
وأتعلمت فى مدارسها المعفنه
وبقى ليك رأى ونظره منها
على الاقل نردلها كل دا بكلمه حسنه ليها ولأهلها مش أننا نشتمها ولا نشتم أهلها!!!!!!!!!!!!!!

لا .....ابويا حاجة..... و الوطن حاجة تانية........ معلش في فرق كبير...

و اه طبعا مصر ليها فضل اني بقيت انسان دلوقتي......... بس مش معني كدا اني اشوف الي بيحصل كل يوم دا......... و اسكت ..... واكتم دا جوايا ....... لا يا باشا

**A7MED_PHARMA** · 11-04-2010 02:31 AM

طبعا الأخ صاحب الأوبل زودها شوية...
بس أنا ليا تعليق على كلمة..البلد إلي إحنا بناكل من خيرها

معلش ياشباب
مفيش حاجة إسمها البلد إلي بناكل من خيرها ..إسمها البلد إلي بتسففنا ترابها
الواحد بياكل وبيشرب من تعبه ..مش من خير البلد
البلد دي مفيهاش خير ....
وأظنكم متابعين موضوع الحد الأدنى للأجور
تقريبا معظم المصريين تحت خط الفقر العالمي
كلنا فقراااااااااا ..
يعني محدش يقول البلد إلي بتاكل من خيرها

**slim_shika** · 11-04-2010 02:51 AM

المشاركة الأصلية كتبت بواسطة NoRmAl

يعنى بلاش نشتم البلد...الارض
لكن نشتم الشعب
أهلك!!
عامل البلد بأهلها كانهم أبوك مثلا
مهما كان أبوك دا ظالم أو غير عادل أو أو أو
ترضى حد يشتمه!!
أسمه فى الاخر أبوك الى رباك وصرف دم قلبه عليك
علشان أنت لما يطلعلك صوت فى الاخر تعليه عليه أو تنتقض سلوكه
هى البلد كده برضو
أنت شربت من الميه بتعتها الى ربنا رزقها بيها
وكلت من أرضها الى ربنا رزقها بيها
وأتعلمت فى مدارسها المعفنه
وبقى ليك رأى ونظره منها
على الاقل نردلها كل دا بكلمه حسنه ليها ولأهلها مش أننا نشتمها ولا نشتم أهلها!!!!!!!!!!!!!!

بعد اذنك حاول تفهم كلامي كويس, هل أنا شتمت في البلد؟ هل أنا قلت حاجة مبتحصلش؟ هل أنا مش من حقي إني انقد اللي مش عاجبني؟ أنا مش فاهم يعني إيه واحد ييجي يشتم أبويا لو ظالم؟ إيه علاقة الوالد بالبلد؟ هو أنا قلت البلد ديه ملهاش فضل (مع إن الفضل من عند ربنا أولا وأخيرا ولو إنت عايش في اسرائييل)؟

لو ينفع نتكلم في السياسة بجد مش هخلص من السلبيات, فـبلاش ندخل في حوار مش هنعرف نتكلم فيه بحرية.

ولو على الكلمة الحلوة اللي مضايقاك ولا تزعل: " عمار يا مصر يا أم الدنيا", "حلوة يا بلدي" - أنا عايز بقى حقي كمواطن مصري!!!

**Terrible_DaRsH** · 11-04-2010 03:17 AM

قصة رواها الشيخ خالد الجندى فى ندوة امبارح .

كان رجل فى طريقه للسفر و لم يملك الا جمل , فى الطريق قرر ان يستريح تحت ظل شجرة و ربط الجمل بجواره .

استيقظ من النوم على صوت شاب و هو يركل الجمل بالحجارة حتى مات الجمل , فغضب الرجل و ضرب الشاب حتى مات الشاب , فرائاه المسلمون و قرروا قتله لانه قتل شخص بغير حق .

تم تقييده حتى يتخذوا قرار فى قتله , و فجاة شاهده واحد من صحابي الرسول ( ص ) يبكي حتى انه اثر فى الصحابي من بكائه .

ذهب اليه الصحابى و قال له لماذا تبكي هكذا , قال له لانى ساموت و لن ارى اولادى فاتمنى ان اراهم قبل ما اُقتل .

فك عنه القيد الصحابي و ضمنه بانه سيرى اولاده و سيعود مرة اخرى , ثم مرة يوم و اثنان و ثلاثة و لم يعود الرجل , فى حالة استغراب من الجميع عما فعله الصحابى فسالوه لماذا ضمنته بروحك ؟ انت تعلم انك ستقتل بداله !

رد عليهم و قال : فعلت هذا حتى لا يقولون اهل المروءة قد ذهبوا .

فجأة سمعوا صوت قادم من بعيد و انه الرجل قد عاد مرة اخرى , فى استغراب اشد من المرة السابقة من الناس .

سالوا الرجل لماذا عدت و انت تعلم انت ستٌقتل !!

رد عليهم و قال : رجعت مرة اخرى حتى لا يقولوا اهل الوفاء قد ذهبوا .

فقام اهل الشاب الذى قٌتل , و قالوا عفونا عنك حتى لا يقولوا اهل العفو قد ذهبوا !!

يا ترى احنا انهى اهل فيهم ؟؟

احنا اللى بقينا بنقتل بعض علشان خبطة اكصدام , احنا مين فيهم ؟

**M.almaghraby** · 11-04-2010 03:21 AM

خبطة اكصدام ايه يا درش!!!!!!

والله العظيم من اسبوعين كدا اتنين ضربوا بعض جامد و عوروا بعض فالكوربة عشان واحد تني المراية بتاعت التاني بس!!!!!!!

والله العظيم عشان مرايا ...... و المرايا اتنت بس محصلهاش حاجة! والمشكلة انهم ناس المفروض شكلهم محترم و ابن ناس يعني

لا حول ولا قوة الا بالله

انا بقولها اهوا ....... نحكم عقلنا نهاجر كلنا.... بدل مانروح فداهية عشان حاجات هايفة..!!!!!!!

**AhmedGen2** · 11-04-2010 03:54 AM

يا جماعة مش مرايا اتنت ولا فانوس اتكسر دى حاجات كدة زى البالونة اللى فضلت تنفخ فيها وفرقعت بشكة دبوس.

-

الموضوع: اوعى من الخنافة ومد الايد

LinkBack

أدوات الموضوع

عرض

-

-

-

-

-

-

المواضيع المتشابهه

عربية تمبرا بسعر على قد الايد , خدها وشدها

مطلوب القابضة الحديد اللي بتتلبس في الايد

حد عنده علاج لرعشه الايد

اوعى تفهمنى غلط

الكلمات الدلالية لهذا الموضوع

المفضلات

المفضلات

ضوابط المشاركة