السلام عليكم ورحمة الله وبركاته
أزيكم يا أحلى عصابة فى الدنيا
أنا الحمد ظبط العربية بعد الكام خبطة اللى حكيت لكم عليها من فترة والحمد لله العربية بقيت تمام والنهاردة خلصت العفشة والحمد لله
بس فى مشكلة الراجل الميكانيكى بيقولى إن علبة الدركسيون عايزة تتغير زى ما انا كنت قلتلكو ورحنا فعلا سألنا عليها
المهم وإحنا بنسأل الراجل بتاع قطع الغيار على السعرفراح الراجل بتاع قطع الغيار بيسألو وبيقولو إنت هتغير العلبة ليه فرد عليه وقاله عشان بتخبط راح الراجل بتاع قطع الغيار قاله لا العلبة مش بتتغير الا لو فى تسريب فهل الكلام دة صحيح ولا لأ لان الراجل بتاع قطع الغيار قالى دة عيب قطمة أو صليبة فعايز حد يريحنى من الحيرة اللى أنا فيها
وأما سألت عليها قالى السعر بتاع العلبة 1200 والقطمة فاضية 400 وفى واحد قالى 500 والصليبة 200 فطبعا الكلام دة كتير أوى فأنت ممكن تدلونى على حد غير هانى أوبل اللى فى الطالبية عشان دة حرامى كبير جدا أنا سألته على نص فيكترا b1 أمامى وكانت الصدمة الكبرى 18 الف جنيه
وأحمد أوبل اللى بعده قالى على النص الامامى ب 12000 جنيه
المهم كمان يا شباب اللى يعرف مكان أجيب منه نص أمامى b1 إيكوتيك يكون فى حدود 8 الاف زى ما كنتو بتقولو عشان فى واحد جارى محتاج نص أمامى ياريت اللى يعرف مكان يقولولى عليه ضرورى
وأرجو الرد سريعا عشان عايز اخلص العربية عشان أنا مش فاضى اليومين دول وعايز أنجز وأخلص العربية
وأسف على الكلام الكتير دة اللى انا كاتبه بس أنا محتاج النصيحة فى موضوع علبة الدركسيون دة
المفضلات