المشاركة الأصلية كتبت بواسطة sameh127
حل المشكلة هو تظبيط rpm المحرك بحيث انه مايقلش عن 750rpm والعربية سخنة ثم فك وش الكربيراتير و تنظيف قاعدة الكربيراتير المليئة بالبنزين من الأوساخ المترسبة في القاع بواسطة منديل ورق و فك بيكات البنزين المثبتة في قعر القاعدة للكربيراتير و التأكد من عدم انسداد فتحاتها ولو كان السدد بشكل جزئى .
و اخيرا فك بيك الهواء(مسمار) و المسمى بيك السيلانسيه و هو المسئول على ادخال اقل كمية ثابته من الهواء للمحرك اثناء ما العربية دايرة على السيلانسيه علشان الموتور مايبطلش.
و تنظف بيك او مسمار الهواء و تركبه تاني لأنه عرضة للإتساخ و اللإنسداد مع الأتربة و التشحيم .
و تركب الكلام ده تاني و تربطه و تشغل عربيتك و مافيش مشكلة بعد كده و مش حتبطل منك تاني