محدش يفكرنى مجنون (فيها أية لو نستورد عربيات أحنا من برة بعيدا عن التوكيل)
بسم الله الرحمن الرحيم السلام عليكم و رحمة الله و بركاتة طبعا من فترة بسيطة كدة الجمارك بدأت ترمى اللوم على وكلاء السيارات و مستوردين السيارات و طبعا الحكومة أختفى الأنظار عن كلمة ضرايب بالنسبه لها و تكتم فظيع على الشعب لمعرفة مصدقية الضرايب و تحديدها مع الجمارك و المستوردين و الوكلاء بيقولوا أن الجمارك أسعارها غاليه فبالتالى هما كمان بيزودوا سعر العربيات عشان يكسبوا منها (أل أية يعنى بيكسبوا مبلغ بسيط) طيب ماشى ماعلينا من الكلام دة أنا ماليش فى موضوع الأستيراد دة بصراحه بس سمعت أن فيه ناس بتسافر الصين و بتستورد قطع غيار فولكس فاجن مكتوب عليها صنع فى ألمانيا و كلام حلو كدة و أنهم بيدفعوا تمن الجمارك عادى و بيبيعوها فى محلاتهم أو بيوزعوا على عده محلات طيب أحنا هنستفيد أية من الوكيل مثلا غير الكشف على السيارة !!! كدة كدة معامله الوكلاء زى الزفت ماهو إلى بيحصل جوة التوكيل بيحصل برة التوكيل و بنفس المبلغ دة لو مكانش قطع الغيار برة التوكيل أرخص طيب دى مساوئ التوكيل و كله عارفها شوفت بصراحه موضوع هوا إلى خلانى أعمل الموضوع دة أضغطوا هنا عشان تشوفوه طيب أحنا عايزين نترحم من طمع الجمارك و الضرايب و دى هتيجى بعد فترة و وقت و صبر زى ماحصل فى السعودية طيب دلوقتى لو فى أيدنا الحل أننا نترحم من مكسب الوكيل الغبى دة و فى نفس الوقت العربيه هتكون تقفيل بلدها و بالنسبه لخدمات الوكيل ماهى كدة كدة بتتعمل عندهم بفلوس و كدة كدة قطع غيار أى عربيه برة التوكيل فى كل مكان فى الموضوع إلى قولتلكم عليه دة مكتوب مثلا ان سعر الماروتى بـ 24,481 جنيه بالجمارك و الضرايب و بتكون العربية كامله و طبعا الوكيل بيبيعها بـ38,000 جنيه دا على سبيل المثال الحيرة و السؤال بما أن معرفتى بالنسبه لخبراتكم فقيرة جدا فهل لو أنا أتفقت على النت مثلا أو بعت فاكس أو بأى طريقة من الطرق يعنى لشركة سوزوكى هل ممكن أقولهم أنا عايز عربيه واحدة فقط ؟ ولا فيه عدد معين بيطلع من الشركة ؟ و هل فعلا الجمارك و الضرايب بتاعتنا حتى لو الشركة وافقت أننا أستورد منهم عربية واحدة هل هيكون سعرها زى ما مكتوب كدة ؟ ولا هيتباعلى فى الجمرك بنفس سعر الوكلاء ؟ ماهو الواحد خايف برضة لحسن تكون مصلحه الجمارك الجميله دى كلها مستوردين و وكلاء فى الأخر و الواحد مش حاسس على العموم منتظر تفاعلكم و هل فعلا ينفع الواحد يستورد عربية واحدة فقط من برة ؟