سؤال فى ساوند سيستم الصنى الشكل الجديد ....

**mohamedhamam** · 16-04-2010 11:04 AM

بالفعل بتنزل بـ CD و فتحة Aux و جنوط عادية و الصوت و السماعات جيدين و اللى بيفكر يشترى صنى إختياره موفق جداً و يتوكل على الله بدون تردد و العربية مبيعاتها زادت قوى هذه الأيام و زاد سعرها من أول إبريل و إحتمال كبير يزيد سعرها مرة أخرى من أول مايو

**Dr.M.Mowafy** · 18-04-2010 10:41 PM

الصوت بجد اسواء ما يكون
وفيه خرفشه ومش بحبه خالص الساوند سيستم بتاعها فعلا ردئ ازاي عجبك مش عارف بس يمكن لانك بتحب الصوت الهادي او الواطي فممكن
لكن بمقارنه باللانسر والكرولا لا هو ردئ فعلا

**Bishoy.Girgis** · 18-04-2010 10:50 PM

بصراحة السوند سيستم في النيسان فعلا وحش جدا و اول حاجه السماعات الورانيه طرقعت و اننهارده السماعات الاماميه كمان ابتدات تطرقع و علي فكرة انا غيرت الكاسيت لأنه كان شريط و بعدين غيرته الي سي دي لأن عربيتي 2009
بس غيرت السماعات الورانية بـ سوني اكسبلود مدورة زي القديمة بالظبط

**eng.octooo** · 19-04-2010 02:03 AM

طيب انا عاوز اعرف السماعات بتاعتها كام وات ؟؟

من ناحية جودة الصوت كويسة بالنسبة ليا ...بس كل الى عاوز اعرفة السماعات الى فيها دى كام وات ؟

**aymenseef** · 20-04-2010 06:33 PM

المشاركة الأصلية كتبت بواسطة eng.octooo

طيب انا عاوز اعرف السماعات بتاعتها كام وات ؟؟

من ناحية جودة الصوت كويسة بالنسبة ليا ...بس كل الى عاوز اعرفة السماعات الى فيها دى كام وات ؟

افتح الشنطه وبص على السماعه من تحت هتلاقى مكتوب عليها كام وات
وبالنسبه للكاسيت ال سي دي الكينوود
انا مركبه عندي وتحفه مع سماعات كينوود 300 وات
توكل على الله وهاته هتلاقيه ب 650 تقريبا
انا كنت شاريه من سنه ب 800 جنيه

**MOK3336** · 20-04-2010 06:56 PM

المشاركة الأصلية كتبت بواسطة fgfg

ويــــــــــن الرد بليز ردوا عليا علشان اي تعديلات الحق نفسي وابلغ المعرض بيها انا جايبها فول اوبشن مانيوال وبيقلي هتيجى من غير cd ومن غير جنوط اسبور ايه رايكوا في الكلام ده

أزاى يعني بتيجي من غير cd
لأ يا عم fgfg بتيجي بكاسيت كينوود cd و كمان بيبقي mp3+wav
و الجنوط بس هو ايلي مش هيكون موجود
انت لقيتها بكام عشان انا ايلي حجزها عادية بدون abs و عاملة 84000