منافسة فى أختيار (بى أم دبليو - فيات - بيجو) أدخلوا قولوا رأيكم !!!
بسم الله الرحمن الرحيم السلام عليكم و رحمة الله و بركاتة كلاكيت للمرة الحوالى المليون أعمل مقارنه فالقسم انا عارف أن أكيد إلى بيدخل فى القسم دة زهق منى ومش عايز يشوفنى تانى فيه ههههههههههه بس نعمل أية بقى (و خلاص شيلت لادا 2105 من حساباتى) لأن كل واحد بيلعب فدماغى و يقولى دى أحسن و دى أحسن بصوا يا جماعة المقارنه دلوقتى بين (فيــــات 132 الـ2000 سى سى - بى أم دبليو الفئة التالتة موديل 1978 الـ1800 سى سى - بيجو 305) على فكرة كل نوع من إلى هقولة ده فيه عيوب ركزوا و قولولى أختار أنهى أنسب لأنى هعمل تعديلات على العربية إلى هجيبها فيـــــــــات 132 http://img146.imageshack.us/img146/9...t132tuning.jpg كتير خوفونى منها عشان السخونيه و عرفنا أن الحل فى المروحه و هتتعمل عند أى كهربائى وكتير قالولى أنت مدخل فى دماغك الـ2000 سى سى ليه طبعا كان الرد معروف عشان الباور و التكييف و الأزاز الكهربا و اللذى منه فعرفت مؤخرا أن بعد ماتمول بنزين بتمشى 170 كيلو جوة البلد و 200 على الطريق السريع قولت ماشى بس عربية جامدة و هتبقى كأنى راكب عربية موديل حديث لكن حتى الأن كابوس سحب البنزين المرعب مخلينى مقلق بالنسبه للسعر أنا شوفت منها أعلان على مصراوى كان الراجل عارضها بـ10 و نص و كان المالك الأول بس كانت 1800 سى سى وسألت ناس كتير على السعر قالولى دة سعرها دلوقتى و إن زادت شوية مش هتبقى مشكلة المهم الحاله فطبعا دا هيوفرلى كتير جدا عشان أعمل التعديلات إلى على مزاجى فى الأكصدامات و الفرش و هكذا البى أم دبليو موديل 1978 http://img532.imageshack.us/img532/1333/bmwn.jpg طبعا البى أم بى أم من غير ماسئل عليها و شوفت سعرها الراجل بيقول حالتها كويسة بـ15 ألف جنيه على موقع كاردير طبعا أنا سألت نفس الناس إلى سألتهم على الفيات قالولى برضة السوق نايم والعربية موديل قديم أوى بس دا ميمنعمش إنها الميكانيكا بتاعتها كويسة بس قالولى أن المشكلة كلها فى قطع الغيار إلى تعتبر غاليه جدا على موديلها طبعا لأن أسمها بى أم دبليو فلازم تستحمل أسعار قطع الغيار لكن فى الحاله دى لو جبتها مش هعرف أعدل عليها خالص لأن هتبقى كل الفلوس طارت و دا برضة إلى مزعلنى منها بيجو 305 http://img405.imageshack.us/img405/958/p305tuning.jpg أولا العربية دى أنا بحبها عشان واسعة أوى من جوة و حجمها حلو يعنى لو هتنام جوة عادى و التعديل عليها سهل فى الصاج و الأكصدامات و اللذى منه لكن للأسف دفع أمامى و دا إلى مخلى معظم الناس بتشتم فيها جدا لكن إلى مطمنى أنها قطع غيارها معمرة زى مابيقولوا و سعرها فى حدود 11 ألف إلى 12 ألف و تأكدت من الأسعار بنفسى و طبعا لو جبتها هعرف أصرف على تعديلها فى الأكصادمات و كدة أنتوا كدة اية رأيكم ؟ أصل أنا ناوى أخليهم زى الصور إلى أنا حاطيتها دى طبعا مش هيطلعوا بالحلاوة دى كلها بسبب النصايعية لكن أهى محاوله على الأقل هتبقى أفضل من الأول 100 مرة أجيب 132 أو بيجو 305 و أعمل عليهم تعديل فى الأكصدامات و فتحات تهويه و كده ؟ ولا أجيب حاجة زى البى أم دبليو موديل 1978 بس بالوضع دة مش هعرف أصرف على تعديلاتها و هتبقى فيه مشكله فى قطع الغيار ؟
