انا عملت صيانه ال 25000 فى الفرع الجديد اللى فى اخر شارع 45
انا روحت فرع سموحه بس مش لقيت حجز وعرفت منهم الفرع الجديد
هما معظم الناس اللى كانت شغاله فى فرع سموحه راحو هناك فى الفرع الجديد
بالتحديد اللى عرفته بالاسم المهندس وليد
والفنى اللى كان شغال معاه اسمه ناصر فرج وكمان كان فيه اتنين عمال واتنين محاسبين دول بس الناس اللى فى الفرع الجديد يعنى كلهم 6 اشخاص
وعلى مايبدو ان الفنى ناصر فرج ده حاجه كويسه وبيفهم عندهم
لان انا اما كنت عاوز احجز فى فرع سموحه فيه هناك واحد اسمه جورج فى الحسابات هوه اللى قالى عليه وكان بيوصف اكن ناصر فرج المعلم بتاع الصنيعيه واكيد اما يكون فرع كامل فيه فنى واحد فاكيد ده التوب بتاعهم
الميزه اللى فى الفرع ده انك بتكون واقف تحت العربيه خطوه بخطوه وتشوف كل حاجه بتتعمل والناس هناك الصراحه محترمه (مبتصدق تلاقى زبون) بيسمعولك كويس
بس الفرع ده لسه مش فيه اى قطع غيار يعنى لو عاوز تغير حاجه يااما تروح سموحه او العامريه
سموحه برضو كويسه هتقدر تشوف العربيه وهما شغلين فيها والمهندس هناك انا اتكلمت معاه كويس برضو
انما بتوع العامريه ناس تيت وكمان مش بتشوف العربيه نصيحه ابعد عنهم
المفضلات