أخيرا حل مشكلة نزلة المحور من الدائري

**ZALABANY** · 11-04-2010 12:19 PM

النهارده وانا جاي على شغلي على الطريق الدائري اللي جاي من الهرم في اتجاه ميدان لبنان وكلنا عارفين النزله دي وان العربيات اللي نازله بتفضل تاخد شمالها لحد ما تسد الطريق كله لقيت مفاجأه كبيره جدا اتبسط لما شوفتها لقيتهم حاطين حواجز بلاستيكية من قبل النزله بحوالي 200 متر لازم العربيات اللي نازله تخش من جوا الحواجز دي وبالتالي الطريق هايبقى مفتوح للعربيات اللي مكمله على طول وبرده مافيش فايده في الشعب المصري الاقي ناس مكمله من بره الحواجز وعايزه تخش قبل نزات الكوبري بس المره دي في عسكري واف وبياخد مخالفه او يخلي العربيات تمشي على طول كان فين من زمان الحل ده عقبال ما يبنوه خرسانه عشان الناس تحترم الطريق شويه

**محمد الشامي** · 11-04-2010 01:18 PM

يا مسهل الحال يارب , بس اهم حاجه الناس تلتزم عشان كله يوصل في ميعاده من غير مشاكل ولا حوادث ولا خبطات جانبيه على الطريق

مشكور على البشرى السعيده

**zanativich** · 11-04-2010 01:41 PM

والله انا هموت من الفرحة
خببببر سعيد

**mohamed_kta** · 11-04-2010 01:47 PM

فعلاً الموضوع اصبح افضل :)

**sab3aawy** · 11-04-2010 03:09 PM

انا مش شايف انه حل لسبب بسيط جدا، ان الناس هتقفل الخمس حارات لحد قبل ابداية الحواجز البلاستيكية وتتكوم عند الحواجز البلاستيكية برضه، يعنى كل الحكاية اننا حركنا النزلة 200 متر لورا

الحل ليس القراسيط والأقماع لكن نظام رادع يخلى اللى هيقف فى الحارة رقم 2 انشالا يكون على بعد كيلومتر يلبس مخالفة فورية بمبلغ وقدره، وقتها لن يكون هناك اى لزوم لا لأقماع ولا غيره والناس تتعلم ان اللى ناوى يخرج من الطريق فليس له سوى الحارة الاولى فى اتجاه الخروج انشاللا تكون واقفة 10 كيلومتر

زمان كنت بشوف المنظر ده فى اسكندرية فى شارع ابو قير، الناس اللى هتقطع الشارع بالعرض امام الاتجاه الآخر علشان تدخل شارع سوريا او سموحة كانوا لماالاشارة بتقفل بيقفوا فىالحارة اليسرى انشالللا كيلو مافيش عبقرى واحد بيجرؤ انه يقف فى الحارة اللى بعدها، وده الناظم فى كل حتة فى الدنيا، لا محتاج قراطيس ولا غيرها لكن قليل من الردع

**ZALABANY** · 11-04-2010 04:09 PM

المشاركة الأصلية كتبت بواسطة sab3aawy

انا مش شايف انه حل لسبب بسيط جدا، ان الناس هتقفل الخمس حارات لحد قبل ابداية الحواجز البلاستيكية وتتكوم عند الحواجز البلاستيكية برضه، يعنى كل الحكاية اننا حركنا النزلة 200 متر لورا

الحل ليس القراسيط والأقماع لكن نظام رادع يخلى اللى هيقف فى الحارة رقم 2 انشالا يكون على بعد كيلومتر يلبس مخالفة فورية بمبلغ وقدره، وقتها لن يكون هناك اى لزوم لا لأقماع ولا غيره والناس تتعلم ان اللى ناوى يخرج من الطريق فليس له سوى الحارة الاولى فى اتجاه الخروج انشاللا تكون واقفة 10 كيلومتر

زمان كنت بشوف المنظر ده فى اسكندرية فى شارع ابو قير، الناس اللى هتقطع الشارع بالعرض امام الاتجاه الآخر علشان تدخل شارع سوريا او سموحة كانوا لماالاشارة بتقفل بيقفوا فىالحارة اليسرى انشالللا كيلو مافيش عبقرى واحد بيجرؤ انه يقف فى الحارة اللى بعدها، وده الناظم فى كل حتة فى الدنيا، لا محتاج قراطيس ولا غيرها لكن قليل من الردع

سبعاوي باشا فينك من زمان
طيب نعمل ايه طيب دا الواحد فرح وقال الدنيا هاتبقى احسن

**khaled_rafea** · 11-04-2010 04:28 PM

انا معدى من هناك يوم الخميس, وفعلا الموضوع ده حل الزحمة عند نزلة ميدان لبنان, لكن وانا مكمل باقى الطريق, لقيت النزلة اللى بعدها زحمة جدا برده, وعند كل كمين الدائرى واقف برده, مفيش فايده, مفيش فايده