طلب مساعده عاجله من كل اعضاء نايل موتورز
السلام عليكم
انا عاوزه اجيب عربيه اتوماتيك 1600cc في حدود 65 لغاية 75 الف (ممكن اوصلها لـ 80)
وانا لسه بتعلم السواقه
ومش عارفه اجيب عربيه زيرو ولا مستعمله
انا محتاره بين الموديلات المستعمله دي:
1- هوندا سيتي 2006-2007 (الشكل القديم) دي في حدود 65-70 الف
2- هوندا سيتي 2008 (الشكل الجديد) في حدود 80 الف
3- بيجو 307 موديل 2006-2007 هاتش باك 70-80 الف
4- ميتسوبيشي لانسر 2005-2007
ولو هجيب زيرو بالمواصفات دي مفيش قدامي غير فيرنا وبصراحه هيا مش عاجباني اوي وسمعت انها مش ثابته وشكلها من جوه عاديه جدا
او شيفروليه افيو زيرو A/T بـ 80-82 الف تقريبا
بس لو جبت زيرو اتعلم فيها اكيد لما ابيعها هخسر فيها اقل حاجه 15 الف (ولا اكتر؟؟؟)
انا بفكر لو جبت مستعمله نظيفه هقدر اتعلم فيها ولو حبيت ابيعها بعد كام سنه مش هخسر فيها اوي او هخسر فيها كانها زيرو بالكتير ( ياترى انا كده بفكر صح ولا غلطانه)
انا عاجباني اوي هوندا سيتي بس قريت في المنتدى ان قطع غيارها غاليه ومش متوفره غير في التوكيل بس في نفس الوقت معمره وبتستحمل وواسعه
لو هيا فعلا كويسه ممكن احاول اقنع اهلي واجيب 2008 1500cc A/T ب 80 الف يا ترى تستاهل؟؟؟
ولقيت بيجو 307 هاتش باك silver A/T 1600cc 2007 بـ 70 الف جنيه ايه رأيكوا فيها؟؟؟
اما بالنسبه لميتسوبيشي انابشوف اسعارها عالنت 2006-2008 تقريبا معظمهم 75 الف او اكتر ده لو فابريقه 1600cc A/T عشان كده صرفت نظر عنها
ياريت اللي عندو خبره يساعدني و يقولي ايه الاحسن فيهم من ناحية الثبات والمساحه الداخليه والشنطه وتوافر قطع الغيار وعيوب كل عربيه فيهم
