الموضوع: لماذا تكره هتلر ؟؟

انا كنت داخل ارد بس لقيت الناس قامت بالواجب و زياده

الكلام ده خيال علمى انه يتفسر بالطريقه ديه

و اللى بيقولوا

المشاركة الأصلية كتبت بواسطة الصيداح

من أقوال هتلر(( لقد تركت لكم بعض اليهود لتعلموا لماذا كنت أبيدهم))
وقد كان

ديه منسوبه لمحاكمات نورمبرج و مش موجوده فيها و طبعا العرب اصحاب الخرافه ديه

مش معقول تعبانين من اليهود و بنقول شعر فى واحد كان بيبيد اعراق معينه!!

ده نوع من انواع الفصام زى اللى بيأيد و فرحان ان اوباما الاسود رئيس امريكا و هوه عمره ماهيتجوز واحده سوداء البشره و عمر مايجوز بنته لواحد اسود البشره

ده راجل سفاح ادى لان العالم يفقد 70 مليون قتيل وبرضه هوه اللى ادى للطفره الصناعيه اللى فى العالم

لو عاجبكم ده يبقى لازم يعجبكم بول بوت كمان - ده لوحده مسئول عن موت اتنين مليون فى كمبوديا

عايز تتكلم على انسان عظيم اتكلم على ونستون تشرشل و ازاى قدرت انجلترا تقود الحلفاء و تخطط لتوريط امريكا فى الحرب عشان تحرر اوروبا - هوه ده الشخص العظيم حمى بلده و حرر اوروبا و فى الاخر سقط فى الانتخابات

اتكلم على روسيا و ازاى خسرت لوحدها 15 مليون و هيه اللى وقفت هتلر

اقرا الخداع اللى حصل فى نورماندى -- ديه دروس و اشياء عظيمه من الحرب العالميه التانيه

مش نتكلم على سفاح

كويس والله ان لسه فى ناس بتقراءه تاريخ وعارفه

هتلر ده مجرد سفاح مجرم حرب عنصرى قول زى ما انت عايز

انا ضدد العنصريه اى كانت ضد مين فى مرحله هتلر اليهود كانوا ناس معتنقه دين ولا كان ليهم دوله ولا كان ليهم دعم دولى وكانوا عايشين فى دول اوروبا زى فرنسا وبولندا وامريكا وانجلترا

جيه عم هتلر اللى ناس فرحنا بيه قعد يقتل فى اليهود ويدخل بلد وراء بلد يقتل فى اليهود لحد ما العالم كله تعاطف معاهم واللوبى الصهيونى الامريكي طلع وقال احنا حقنا فى دوله علشان ميتكررش ده واحنا واحنا وطلعوا هما اصحاب حق واللى حصل حصل وعد بلفور وعد من لا يملك لمن لا يستحقواحتلوا فلسطين وبعد 48 ساعه من قيام الدوله الصهوينه اعترفت بيهم امريكا وعدد كبير من الدول الاوروبيه

يعنى هتلر كان الشراره اللى اشعلت الفتيل

وانا مقتنع ان هتلر لو كان مصلحته تتعرضت مع المسلمين او اى كان كان ابدهم

المشاركة الأصلية كتبت بواسطة cairo2005

معلومة خطا جدا
هتلر لم يحارب اليهود ابدا
هتلر احتل مجموعة من الدول لعمل امبراطورية الرايخ وكان يسكن هذه الدول مسيحيين ومسلمين ويهود والكل اتقتل
تم التركيز على اليهود فقط من قبل الة الدعاية اليهودية الضخمة واغفال كل الديانات الاخري



يا اخي وانا كمان بحييك على قراءاتك وثقافتك التاريخية
بس ممكن اوضح لك واصحح شوية معلومات ؟؟؟؟؟؟؟؟؟
1- هتلر كان زعيم امة عايز يعمل امته هي الاعظم زيه زي نابليون زي الاسكندر الاكبر وبرغم كدة محدش بيقرا ان نابليون كان سفاح ولا الاسكندر كان عنصري رغم انهم عملوا بشائع ومجازر اكبر من اللى عملها هتلر بمراحل
2- امريكا ليست من دول اوروبا
3- هتلر مفضلش يقتل في اليهود ويدخل بلد وراء بلد يقتل في اليهود
هتلر كان بيحتل الدول المجاورة له واي حد بيقاوم كان بيحاربه زيه زي اي محتل مبيفرقش بين المسلم والمسيحي واليهودي
4- هتلر لم يكن ابدا سبب في ان اليهود المساكين يا عيني حصلوا على التعاطف الدولي لانهم كطان بيدخل بلد وراء بلد علشان يقتلهم وبالتالي حصلوا على وعد بلفور وعد من لا يملك لمن لا يستحق زي ما بتقول
ببساطة شديدة جدا معلومات حضرتك غلط
وعد بلفور حصل عليه اليهود سنة 1919 يعني قبل ظهور هتلر على المسرح السياسي نهائي ووقتها لم يكن لهتلر اي نشاطات معادية لاي حد والوعد حصل عليه اليهود نتيجة سيطرتهم على حكومة انجلترا في هذا الوقت
يعني وعد بلفور قبل هتلر ولم يكن هو السبب فيه
5- امريكا لم تعترف باسرائيل بعد 48 ساعة
الصحيح ان امريكا اعترفت بالكيان الصهيوني بعد ساعة واحدة من اعلان انشائه في 15 مايو 1948 وفي نفس اليوم يعني قبل مرور 24 ساعة كان الاتحاد السوفييتي اعترف باسرائيل

يا ريت اكون قدرت اوضح لك بعض المعلومات التاريخية الاساسية
وشكرا

ماشى احب انقشك فى كام حاجه مع انى مش عاجبنى طريقه حوارك ليا حاسس ان فيها بعض التقليل منى لكن ما علينا

اولا بالنسبه لنقطه نابليون وهتلر فا ليها علاقه كبيره جدا بان التاريخ بيكتبه المنتصره وخلا من نابليون بطل وليه نصب تذكارى وخالى من هتلر مجرم حرب بالنسبه للعالم لكن بالنسبه ليا الاتنين حاربوا وقتلوا ناس كتبير

تانى حاجه امريكا وانا بكتب جت غلط فى وسط الكلام يعنى قبل انجلترا واكيد يعنى عارف ان امريكا مش اوروبا
ثالت حاجه هتلر كان بيحتل البلاد كاى احتلال يعنى مفيش احتلال بيدخل يقتلك الشعب لكن اللى زاد عند هتلر ان هو كان بيقتل اليهود بالاخص ويعزلهم فى اماكن مخصصهم ليهم وجرائم حرب بيعلهم بالخصوص ليهم

تالت حاجه وعد بالفور كان سنه فى نوفمبر 1917 وكان وقتها هتلر نقول ابتدى العمل السياسى سنه 1933 ل 1944 لكن ذكرى لقضيه دى ان من وجهتى اللى وحد يهود العالم وخالهم يحتالوا فلسطين ويحقق حلهم بوطن ليهم هو الجرائم اللى كانت بتحصلهم فى عهد هتلر واللى دلوقتى بيكرروها مع الفلسطنين ده كان قصدى لما استشهدت المقوله دى

اخر حاجه امريكا اعترفت باسرائيل انا معلومتى انها 48 ساعه انت بتقول 24 ساعه فمش هتفرق او مش شايف اى اختلاف فيهم

بس حاجه اخيره عايزه اقولها مش شرط انا عارف معلومه انى انزل من الشخص اللى بيحاورنى او انى احسسه ان هو مش فاهم

ولا هما كل الاهلويه كده