جديد فى الايبيزا وعايز اعرف احيب منين الحاجات ده

**egman** · 11-04-2010 02:12 PM

السلام عليكم وحرمة الله وبركاته

تحية لكل اعضاء المنتدى الكرام ،،

انا الحمد لله ربنا وفقنى لعربية سيات ايبيوا موديل 94 موتور 1300 سي سي .

المهم العربية خدتها على 31 الف وربع أية رايكم ؟

الحمد لله حالتها كويسة الحمد لله يا رب وانا متوكل على الله فى كل شي الحمد لله .

المهم هى كان فيها ان فرامل اليد مش شغاله وانا علشان لسة سائق جديد :) فكنت عايز اظبطها ورحت للميكانيكى فى الحى السابع مدينة نصر انا من التجميع الاول المهم الراجل فك الكاوتش وقالى ان الماستر بتاع العجل او الفرامل مش فاكر قالى اسمه ايه بيجب زيت وقالى هنعمل التالى :

1- هجيب 2 ماستر للعجل هل اسمهم كده ولا ماستر فرامل وكنت عايز اعرف دول سعرهم يعمل كام واجيبهم منين هو قالى من شارع دمشق بس لم يحدد لى مكان معين فيه والماركة تكون ايه بتاعتهم المانى ولا اسباني ولا اية وبيكون مكتوب فين بلد الصنع علشان ما اتخمش فيهم ؟

2- تانى حاجة اللمبة بتاعه الاشارة الى فى التابلوه فصلت انا لسة زي ما قلت لحضراتكم سائق جديد وخدت مطب حلو شوية بعدها اللمبه فصلت لكن الاشارة شغالة عادى وصوتها شغال يا ترى ده بيتصلح ازاى وممكن يكون ايه ؟

3- عايز اعرف ضبط الهواء للإطارات أضبطه على كام ؟

4- لما اغير الزيت والفلتر اجيب نوع ايه وبكام ومنين واغيره فى الينزنية احسن ولا فين ؟

5- سورى انا عارف ان سوال احمق شوية لكنى لسة جديد خالص فى الموضوع ده والى عايز يضحك عليا براحته على الاخر الزيت الى بيغيره ده هو والفلتر ده زي بتاع اية او لاية فى العربية للموتور ولا لأية ؟

6- فيه اى زيت اخر من المفورض انه يتغير برده كل فترة زي الفرامل والكلام ده ؟

7- انا كنت شايف ان سير الدانيمو فى نتنيف بسيط كدا منتش شوية هل اغيره بالمرة هو صاحب العربية قالى مافيهوش حاجة بس انتم اية رايكم وهيكون سعره كام وماركة اية برده ؟
ولو فى اى حاجة تانى من المفورض اعملها صيانه كل فترة يا ريت تقولى لى عليها لو سمحتم ...
وفى الاخر انا مش عايزكم تزهقوا منى لانى لسة جديد وهتعبكم معايا شوية وجزاكم الله كل الخير على هذا العمل الطيب والمساعدات الى بتقدموها للناس ....

**hossamkamel** · 11-04-2010 04:44 PM

بص يا بيه انا كنت عامل زيك لغيت لما رحت لواحد اسمه محمد عويس هو اصلا ميكانيكى جولف و ابيزا مبيشتغلش فى اى حاجه تانيه ده رقم التليفون للمساعده 0115391193

**egman** · 12-04-2010 10:16 AM

يا باشا ربنا يكرمك ويجازيك خير بس يا ريت تقولى هو فى اى مكان فى القاهرة فى اى منطقة
ويا ريت لو حد عنده معلومات عن اسئلتى انا منتظركم هى الاسئلة ده بالنسبة لى كبيرة وانا عارف كويس انها بالنسبة لحضراتكم بسيطة جدا ....

**hossamkamel** · 12-04-2010 12:08 PM

انت المفروض اول ماتاخود العربيه تعملها طقم سرفيس يعنى تغير سير الدينمو و الكاتينه و فلتر الهوا و البنزين و البوجيهات و زيت الموتور و فلتر الزيت لان كل دول بيتغيرو على الكيلوا يعنى اتمشى بيهم اد ايه بالنسبه لضغط الهوا بيكون فى الصيف على 28 و فى الشتا على 30 ويتحسن يكون معاك مقاس خاص بيك علشان تتجنب تخريف بتوع الكويتش اما بانسبه للمبه التابلوه ممكن يكون سلك اتحر ك او لمبه اتحرقت بالنسبه للمساتر و طقم السرفيس الى انا قولتلك عليه و لوفى اى حاجه تانيه فنصيحه اخويه روح للراجل الى انا قولتلك عليه و قولوا انا من طرف استاز حسام بتاع بدر الى معاه الابيزا السودا و هو خلف حديقه بدر جسر السويس ورقم التليفون موجود لاى مساعده و بالنسبه لنوع الزيت ده على حسب المكنه عندك يعنى لو خفيفه ينصح باستخدام كالتكس ديلو الفضى وده بيتغير على 1500 كيلوا اما لو المكنه بحاتها فيستحسن شل الاصفر وده تغيره على 3000 نوع الفلتر مش بيفرق هات المصرى و غيره مره و مره كل المعلومات ديه الراجل هيقولك عليها .

**egman** · 12-04-2010 03:18 PM

طيب بقولك يا باشا معلش انا تعبك معايا شوية بس علشان لسة جديد فى الموضوع يا ترى سعر الحاجات الى حضرتك قلت عليها ده يكون كام :

سير الدينمو و الكاتينه و فلتر الهوا و البنزين و البوجيهات

والف شكر ليك يا باشا على تعبك معايا

**ahmedali** · 12-04-2010 03:53 PM

اولا الف مبروك على العربية وربنا يباركلك فيها
انا كنت كده اول ما اشتريت عربيتي بردو وهديك تليفون فتح الباب هو عنده كل قطع الغيار للابيزا 94 وما تقلقش كل طقم السيرفس كامل مش هيعدى منك ال 450 ده سير كاتينة وبوجيهات وسير دينمو وفلتر هوا وفلتر بنزين والزيت كمان هتلاقي مثلا البوجيهات عامله 50 جنيه تقريبا
والزيت على ما افتكر كان 70 وسير الكاتينة كان 45 وكمان فلتر الهوا كان اعتقد 70 او 80 هى حجاتها على فكرة رخيصة جدا العربية دى
ده رقم فتح الباب
33030698
وده رابط الاعلان بتاعهم فيه كل نمرهم وفروعهم
ومبروك مرة تانية
http://www.nilemotors.net/Nile/108759-a.html
والحجات دى مصنعية تركيب ما تدفعش اكتر من 100 او120 جنيه بس

**windofchange** · 12-04-2010 07:21 PM

عايز تظبط ضغط الكاوتش صح موجود في باب التانك للكاوتش القدام واللي ورا ودول مختلفين في ايبيزا في عربيات تانية الأثنين بيبقوا زي بعض وده لو عايز تظبط العربية صح عالطريق في ناس ممكن تقول ملووش لازمة نظبطها زي مالمصنع بيقول بس مش هنفهم اكتر من مصنعي العربية ودي مداخلة صغيرة ليا ودور في القسم هتلاقي معلومات اكتر ان شاء الله ربنا يباركلك فيها الف مبروك....اي استفسار تحت امرك

**ehab_mansour** · 13-04-2010 09:02 AM

بالتوفيق وربنا يباركلك فيها وبيهيئلي الأخوة ردو عليك ولو اي أسئلة احنا تحت أمرك

**egman** · 13-04-2010 12:50 PM

والله انا مش عارف اوصفلكم انا سعيد قد اية بموجودى مع ناس محترمة زيكم جزاكم الله خيرا وربنا يقدركم على مساعدة الناس .

كان ليا توضيح بسيط :

هل سعر الحاجات ده من سير كاتينة ودنيمو وزيت وفلات وبوجيهات هل السعر ده للحاجات الالماني ولا بدلها هتكون ايه ؟