موال (يا زمان)من مؤلفاتي (1)

**ASD peugeot** · 19-01-2008 12:50 AM

انا حبيت جدا المنتدي وعشان كده عاوز اكتب ليكم بعض من مؤلفاتي بجد كنت دايمان اخاف اكتبها لدرجه اني مخبيها عندي علي الهارد و مش ان حد ينقلها ابدا مش عارف ليه فأنا هتشجع بجد لانه الحاجات دي غاليه عاليه وبقالي فتره عايش عليها لان حصلت ظروف وفاه حد قريب جدا مني و من ساعتها وانا مش بألف حاجه انا هكتب مؤلفاتي في القسم الاجتاعي و ارجو ان تنال اعجابكم والله كل حاجه هكتبها من تأليفي ومش عارف انا ليه خايف انه ممكن حد ينقلها بس عادي لان اقرب الناس ليه ميعرفوش اي حاجه اني بألف و ان شاء الله سوف ابدء ب الموال الكئيب الحزين اعزروني لتسميه كده بس ده له قصه ليها العجب ان شاء الله دلوقتي هكتبه وعاوز اعرف رأيكم في الموال ((يا زمان))

يا زمان مش داري بيه و لا حاسس بالفيه و لا حد في الدنيه بيسأل يوم عليه

قلبي عمرة ما شاف الفرح و كل يوم هوة في جرح

دايمان حياته بكا و لا عمرة في يوم اشتكا

يا زمان غدار و أسي مش ناوي يوم تفتكرني

و متخليش قلبي يأسي و بالفرحة تحضني

صابر سنين مش تصبر يوم عليه

تخلي عنيه فرحنين و تملاهم حنيه

يا حلم مالك بعيد ما تقرب شويه

و تخلي قلبي سعيد و تنسيه الاسيه

يا زمان مليني بالجراح نفسي يوم ارتاح و أنسي كل الراح

يا زمان أمتي هتقولي خلاص هتحنن عليه قلوب الناس

ما تقولي مستني أيه غير وقت أنا بندم عليه

يا عذاب عمال يزيد و الفرحة بتبعد بعيد و الاسوة جت من جديد

أي يعني سبتني في يوم

يا دموع بتقطع فيه مش حرام عليكي اللي بتعمليه بيه

يا فرحة تعالي و نسيني أي حزن وهم مليني

يا بكرة تعالي و نسيني أي حاجه دمعت عيني

يا فرحة تعالي و ضميني دا الدموع في عيني بتكويني

يا رب اديني الصبر من عندك و قويني

ونسي قلبي الحزين أوهام كل السنين

عيني عليه يا دنيه خلتيني أعيش في دنيه تانيه

دنيا الدمع هو الفيها و الجرح مليهاو الرحمه مش موجودة بيها و العذاب جواها من أولها لآخرها

يا قلب أتعذب و أتجرح

يا قلب ملوش نصيب من الفرح

يا دنيه ما فيوم فرحتيني بكيتي قلبي وعيني بقا هو دا نصيبي ولاا أنا عيبي أيه

يا حياة عشتها في أسية راحت فين الحنية ما تقولي بلاش تخبي علية بقا هو دة نصيبي و لاا أنا عيبي أيه

يا دموع بتنزف بمرارة و الأيام دوارة و لحد أمتي هستني تصالحيني

يا كل لحظة عايشها في عذاب خلاص قلبي داب في بحر من الآلام كل حياتي هلاك ما شفتش ادامي ملاك بيمدلي إيدة

صعبانه عليا نفسي لما بشوفها غرقانة في الدموع بحس إن روحي بتطلع من بين الضلوع

طول عمري ماشي تايه في الدنيا اللي أنا فيها

ماشي مش عارف فين صديقي و لا حتي العايش فيها

و ماشي خطوه خطوة أه من الاه يا عنيه

وفي مرة أضرب بمطوة و أقول يلا السلامة

يلا السلامة عليكي يا دنيه يلا السلامة عايش معا كي في ذل حتي النهاية

يا رب سهل سكتي و نور خطوتي و هقول لدنيتي

ليه رب أسمه الكريم

**ASD peugeot** · 19-01-2008 09:29 PM

انا بجد مستغرب فين التعليقات ولا مفيش حد شاف الموضوع لانه في الاجتماعي انا كنت دايمان اعمل اي موضوع ليه كنت بكتبه في المنتدي العام ولا الموضوع مش عاجبكم علي العموم بيجد كفايه انه موجود في نايل موتورز

**hazem_khidr** · 19-01-2008 10:13 PM

لا ازاي جميل جدا انا لسه شايفه حالا اهو:)

**ASD peugeot** · 19-01-2008 11:21 PM

اول رد شكرا ليك يا حازم

**sa3dawy** · 19-01-2008 11:31 PM

اية دا يابنى دا
جاـــــــــــــــــــــــ ـــــــــــــــــــــــــ ــــــــــــمــــــــــــ ـــــــــــــــــــــــــ ــــــــــد

**ASD peugeot** · 20-01-2008 12:26 AM

ربنا يكرمك يا باشا يا ريت تدلوا بأصواتكم في الاستطلاع و انا اوعدكم بعدم التزوير ههههه

**Dr Ahmed** · 20-01-2008 12:37 AM

حلوة فعلا لكن فيها بعض التكرار وأنا مش خبير بس عايز أعرف يعنى إيه موال؟

**خالدابوالنجا** · 20-01-2008 02:15 AM

التجربه والاحساس طغى على اللغه
كررت نفس المعانى فى اكثر من مقطع وده مبيخليش العمل يتطور
كمان بيخلى العمل مسطح (فلات) يعنى يفقد العمق وتطور الاحداث مما يؤدى الى عدم تفاعل المتلقى معه
لازم اى عمل يكون له اول ووسط ونهايه عشان يحصل اكتمال للفكره التى تريد ايصالها
لازم تكون محدد اولا ماذا تريد ان تقول وان تكون الفكره واضحه فى ذهنك اولا ولا تدع احساسك هو الذى يقود العمل . اى لا يكفى ان يكون العمل جميل ومؤثر ثم نجرج منه بلا شىء
================
طبعا انا اسف انى بقولك الكلام ده لكن طالما انك اردت ان تعرض كتاباتك بصفه منتظمه فلابد ان تضع بعض الاساسات فى كتاباتك
ربنا يوفقك
بس بجد الكلام فيه احساس شديد
تحياتى لحضرتك

**ASD peugeot** · 20-01-2008 01:47 PM

والله يا استاذ خالد لو تعرف قصه الموال ده مش هتصدق بس مش هقدر اقولها لاني وعدت الشخص ده اني مش هحكيها لاي شخص بس حضرتك الكلام مرسوم عليه لان انا كل حاجه ختها من ظروفه اللي عايشها لدرجه اني مقدرش يكمل ويسمعه من كتر البكاء بجد ظروفه كانت صعبه جدا وربنا يسهل لينا امورنا وشكرا علي التعليق

21-01-2008 12:15 AM

المشاركة الأصلية كتبت بواسطة ASD peugeot

والله يا استاذ خالد لو تعرف قصه الموال ده مش هتصدق بس مش هقدر اقولها لاني وعدت الشخص ده اني مش هحكيها لاي شخص بس حضرتك الكلام مرسوم عليه لان انا كل حاجه ختها من ظروفه اللي عايشها لدرجه اني مقدرش يكمل ويسمعه من كتر البكاء بجد ظروفه كانت صعبه جدا وربنا يسهل لينا امورنا وشكرا علي التعليق

اعتقد ان كلنا او معظمنا عايشين قصه الموال ؛؛؛؛؛؛