الموضوع: إيه رأيكم فى عرض بيبسى فودافون؟!

المشاركة الأصلية كتبت بواسطة أحمد كمال

معلش اصل انا ما بعرفش ازوق الكلام خالص .... و انا مؤدب و اسلوبي كويس .... بس للاسف ..... هي سرقة ..... تجيبها شمال تجيبها يمين هي سرقة ..... كتبت رقم عشوائي يعني اخدت رصيد ما تستحقوش ..... و الرقم ده مكتوب في قزازة بيبسي صاحبها هيشتريها و يلاقي الرقم مش شغال .....

لو انت مش بتعرف تذوق الكلام فده واضح...لكن اسلوبك كويس فدى اقولك انت غلطان...
ولو انت كده يبقى تشوف واحد معندوش مشكلة فى الكلام اللى مش متذوق وتتكلم معاه..
انا عندى مشكلة فى حاجة زى كده...ولو سرقة ف انت ممكن توضحلى كده بأسلوب كويس...أسلوب يخلينى اتقبل النصيحة منك واقبل انى اصلح اللى عملته...

و لا تزعل ...... قانونا اللي عملته ده سرقة ....... بلاش شرعا !!!!

انا مقلتش انى مغلطش...ولو انت شايف ان مشكلتك انك مش بتعرف تذوق الكلام...فلأ انت مش بتعرف تنصح...وأسلوبك مش حيأدى غير للنفور منك...

واضح فعلا ان حضرتك عارف الصح من الغلط !!!!!!

انا مش نبى وبغلط زى اى حد من البشر...ومفيش داعى لأى تهكم او استهزاء...

و الله انت بتجاهر بالمعصية و انا واجبي ارد ..... لو كان عاجبك ..... مش عاجبك انت حر ......

لأ مش عاجبنى....وأنا فعلا حر....
وبتقبل النصيحة من اى شخص بيعرف يتكلم وينقى كلامه...

لا و الله اصل انا ما باعرفش ازوق الكلام قلنا ....... هي سرقة ...... اقول لك مفيش داعي؟ حضرتك شعورك هيبقى ايه لو اشتريت قزازة البيبسي - و لا كارت شحن - و لقيت الرقم مستخدم من قبل؟
مبدأيا انا مش مستنى ال6 دقايق بتوع فودافون ولا بيبسى عشان اتكلم...
وبلاش تقولى مفيش داعى...قوللى يا عاطف اللى انت عملته دا غلط وحرام...مش انت بتسرق..

وبالنسبة لعدم مقدرتك على تذويق الكلام...
بسم الله الرحمن الرحيم
{أَلَمْ تَرَ كَيْفَ ضَرَبَ اللَّهُ مَثَلاً كَلِمَةً طَيِّبَةً كَشَجَرَةٍ طَيِّبَةٍ أَصْلُهَا ثَابِتٌ وَفَرْعُهَا فِي السَّمَاءِ * تُؤْتِي أُكُلَهَا كُلَّ حِينٍ بِإِذْنِ رَبِّهَا وَيَضْرِبُ اللَّهُ الْأَمْثَالَ لِلنَّاسِ لَعَلَّهُمْ يَتَذَكَّرُونَ}
صدق الله العظيم

المشاركة الأصلية كتبت بواسطة أحمد كمال

عذر اقبح من ذنب ..... يعني حضرتك بتاخد حاجة مش حقك و انت اصلا مش محتاجها .....

طيب بص انا اقولك انت اعرف مين صاحب لتر البيبسى اللى انا اخدت الست دقايق منه وانا اوعدك ححوله 5 جنيه.....

انا كتبت كلام كتير فوق وانت مردتش غير على الجزئيه ده...ليه ؟؟؟!!

المشاركة الأصلية كتبت بواسطة nabaster

لسا بتتكلموا؟؟؟؟؟؟؟

اوك يا جماعه استمروا

بعدين هبقي اخد بالي انا بتكلم مع مين

a.yakout

يا ياقوت...انا رديت عليك وببص لقيته رد...
ومينفعش حد يكلمنى ومردش...
وعموما متزعلش يا ياقوت...خلاص مش كاتب تانى...

حتلاقى مين غيرى يرشحك ؟؟؟!!
:b4_611:

المشاركة الأصلية كتبت بواسطة dr ahmed abdelghany

عاطف شكله كان بيجرب بس الموضوع هينفع وللا لأ ونفع وفى نفس الوقت مكملش وحاول تانى يعنى بدأ غلط ورجع للصح بالذات بعد ما اتكلم بيهم لمستشفى السرطان

أبوحميد كمال بيعمل واجبه الإنسانى والدينى بالتحذير من الخطأ بالأسلوب اللى شايفه صح ونيته لا شك فيها لكن هيبقى الموضوع أكثر فايدة للطرف الآخر لو جاء بأسلوب فيه بعض التورية وأفضل النصيحة اللى تيجى كأنها عامة مش خاصة بواحد معين

والمتابع للنقاش بين الطرفين لا يمكن إلا إنه يحترم الطرفين أكثر وأكثر
والإحترام هيتضاعف لما نلاقيهم بقوا سمنة على عسل علشان الاتنين دلوقتى متفقين على عدم صحة الواقعة لكن مختلفين فقط فى أسلوب التنبيه ليها اللى هو مش الموضوع أصلا!

يا دكتور احمد..اولا مشكور على الرد الجميل والكلام الذى يشفى الجروح...

ثانيا:: انا معنديش اى شك فى نية الاستاذ احمد...بس بعتب عليه فى الاسلوب...
انا فعلا اللى عملته غلط...والاستاذ احمد مشكور على النصيحة...



يا استاذ احمد....اتمنى ميكنش فى ضغائن بيننا...وعفى الله عما سلف....


تحياتى....