ال airbags وحلول اخرى

**Xpert** · 19-01-2008 05:31 PM

ماهه انت مش عاوز حاجه من التوكيل غير الصنايعي .. عشان بيظبط بالكمبيوتر .. شوف العضو hborsa الازل ان كان يعرف يظبط الكلام ده علي الكمبيوتر .. قطع الغيار هات استيراد وش ..

**memoz** · 19-01-2008 05:38 PM

المشاركة الأصلية كتبت بواسطة cpt_shawky

وهى الحادثة حصلت ازاى وازاى عورك الايرباج بدل ميحميك؟؟؟ ياريت تفيدنا ؟؟

وملحوظة حضرتك كاتب ان عربيتك كورولا مش صنى؟؟!!

ا

الairbag لما فتحت في حته من الفيبر بيتاع الطاره طارت لما فتحت و خربشتني في وشي و الairbag اللي بيتاعت الراكب الأمامي فتحت و مكنش في حد قاعد برضو و ده اللي خانئني
بس الحمد لله
هي الairbag مهمه فعلا و محدش ينكر كده بس هي الحادثه مكنتش جامد و مش مستاهله airbag
والواحد لما بيحس انو خلاص هيخبت فا بيمسك نفسه كده و بيثبت نفسه في مكانه فالحمد لله حتي airbag محستش ب اهميتها هيا تبان في الحوادث الجامده انا اللي قهرني ان العربيه كانت عامله 4800 كم و انا كنت هأمن عليها في صيانة ال 5000كم في التوكيل بس الحمد لله

و علي فكره انا عربيتي تويوتا كرولا و الصني ده بتاعت والدتي

**hborsa** · 19-01-2008 10:09 PM

هوه انا اللي اعرفه عن الايرباج وبحكم دراستي كا مهندس سيارات ان الير باج لازم يتغير الطقم با الكامل وطبعا دا مش جديد عليكم وموضوع تتلحم والكلام دا كله عك في عك ولا انصح به العضو المحترم صاحب المشكله
هوه ممكن يمشي علي كدا مؤقت ويخلي باله ويركب الاحزمه بس كفايه ولما ربنا ياذن يبقي يركبه وما تصرفش مرتين يا جميل اصرف مره واحدة
لأن غالبا حساس اليرباج باظ لو الخبطه قويه
وترتيب وتركيب اليرباج ذي ما كانت ماحدش يعرف يعملهولك
وبعدبن انت لا قدر الله ممكن يحصل دا تاني وساعتها ها تقول يا ريتني ركبت جديد طالما انت موجود
وبعدبن انت ممكن تلحم اه وترجه البلون مكانه بس انا مش عارف دا ممكن يعلق معاك او في اي لحظه ممكن ما يفتحش فا الموضوع دا حساس جدا جدا
فا يا ريت ما تهملش واوعدك اني لو لقيت حد بيعمل دا كويس اقولك علطول
اتمني اكون اجبت
شكرا

وعلي فكره انا شغال دايو وهيونداي ولكن الاصل الميكروباص الجديد فقط
شكرا

**NaderNabil** · 19-01-2008 10:39 PM

مينفعش الأيرباج اللي طلع يتلم و يطبق تاني...مش ملاية هيه:)
ولا حتي لو كان أكبر متخصص أيراجز في العالم...لأن ببساطة الreaction حصلت و الغاز اللي جوه انفجر...
هو الحل اللي بقيت الأعضاء قالوه هو انه يلزء بس مكان الجلد بتاع الدركسيون أو يكسيه ...
و أنا شخصيا لا أفضل هذا الحل علي الاطلاق....الإيرباجز دي نعمة...و مينفعش نتهاون في عدم وجودها

**Karim_Monir** · 19-01-2008 10:53 PM

هو الحل فعلا انك تجيب طارة استعمال ودي لو لفيت شوية هاتلاقيها في الحرفيين
تاني حاجة احب اعرفها ازاي الاير باج اللي جنبك فتحت وماكنش في حد قاعد جنبك
المفروض انها ما تفتحش غير لما يتقفل حزام الامان عشان الدايرة تكمل
حتى في التويوتا هاتلاقي طول ما اللي جنبك مش راكب لمبة الباسنجر في التابلوة منورة
واول ما تقفل حزام الامان تطفي مع قفل الدايرة
يا ريت تتاكد من ان النسيان فيها نفس النظام واما يكون حصل خلل في نظان فتح الايرباج وترجع على الشركة

**yahyanaabil** · 20-01-2008 09:17 PM

على ما اعتقد ان الاتنين بيفتحوا لما واحد يعمل حادثه وملهاش علاقه بالحزام عشان مره واحد معاه عربيه بى ام والايرباج فتحت وكان فى طفل صغير قاعد جنب السواق ومكنش رابط الحزام فالعيل اتنطر لقدام ولما الايرباج اتفتحت خبطته فى راسه كسرت رقبته الحكايه ديه انا سمعتها ومش متأكد قوى منها

**شاهين - بنز** · 10-02-2008 02:41 PM

أنا صاحبي حصله الموضوع ده في تويوتا كوكو 2005 وبعت جاب دركسيون من السعودية بنص سعره في مصر

**memoz** · 13-02-2008 02:29 PM

انا ممكن ابقي اسأل عليه في السعوديه برضوا

**محمد ابراهيم 1** · 13-02-2008 11:12 PM

الحمد لله على سلامتك أهم حاجه وربنا يعوض عليك

الموضوع: ال airbags وحلول اخرى

LinkBack

أدوات الموضوع

عرض

-

-

-

-

المواضيع المتشابهه

الطفولة مشاكل وحلول

m11 airbags

تكلفة اعاده ال airbags

سلبيان وايجابيات وحلول

اعطال وحلول

الكلمات الدلالية لهذا الموضوع

المفضلات

المفضلات

ضوابط المشاركة