الموضوع: امبارح اكئب يوم فى حياتى (حتى الان)

المشاركة الأصلية كتبت بواسطة motorizer

يا باشا انا لو حكتلك اللي بيحصلي بقاله شهر هيهون عليك مصيبتك فعلاَ .. كل يوم مصيبة و أحياناَ أكتر و بنام بمعدل ساعتين أو تلاتة كل يوم أوقات كتير بيكونوا في العربية! .. التعريف الحقيقي للي بيسموه "كارثة" .. ربنا معانا جميعاَ وولا يهمك .. ياما دقت عالراس ..

والله يا محمود ربنا يكون فى عونا كلنا بس الواحد بيقول خبطتيتن فى الراس توجع ودول اقل خبطة تجيب ارتجاج مش وجع والمشكلة انها لما بتكون اول مرة بتبئى صعبة بس
ربنا يسهل الامور لينا كلنا

المشاركة الأصلية كتبت بواسطة factorialx

بقى يا راجل هي دي المصايب إحمد ربنا


درس المادة في تجارة ب 3 بواكي دا المعيد ده مليونير بقى

على فكرة مش قصدى انها مصايب بأن انا مش عارف اخدها عندة بس على السعر
وعلى فكرة دة مش معيد دة دكتور

المشاركة الأصلية كتبت بواسطة eng_mostafa_89

عادى ياعم غزال متحطش فى دماغك
وكمان متزعلش علشان انت متعرفش الخير
وبالنسبة للرخصة اسبوع كدة ولا حاجة وروح شوف ورقك ولو حد كلمك قولة انا مش فاكر هما قالولى تعالى امتى

لان يوم مكنت بطلع الرخصة سقط اشارات ولما رحت بعدها ب3 شهور لقيت الورق مكتوب علية غياب يعنى لو كنت دخلت تانى يوم كنت نجحت

لا مش فكرة ازعل ولا لاء على النتيجة يا عم مصطفى بس الفكرة اما نبئى حالل كويس وغيرك مهبل ونجح يبئى حرام وحتى لو مبصتش لغيرك وبصيت لنفسك والى انت حالة يبئى حرام تجيب كدة يعنى المادتين الى معايا معاك اه انى اجيب التقديرات دى فيهم
بس مواد تانية حرام اجيب التقديرات بتاعتها دة وفى الاول والاخر الحمد لله
وبالنسبة للرخصة انا فاضلى السواقة بس وهاروح بكرة اشوف ها اعيد امتى

المشاركة الأصلية كتبت بواسطة shery103

واضح انك تجارة عين شمس ، انا عارفة كل الدكاترة دول عشان اختى كانت فيها ؟
انت عربى و لا انجليزى ؟ و سنة كام ؟
و ربنا معاك فى المواد ان شاء الله انا لسه جايبة النتيجة امبارح لواحدة صاحبتى فى رابعة عربى

انا يا شيرى فى تجارة عين شمس فعلا فى سنة تانية
وعربى وعارف ناس كتير فى انجليزى
وقولى لاختك انتى بطلة عشان الى يخلص من عين شمس دة سليم لازم يتعملة تمثال

المشاركة الأصلية كتبت بواسطة محمد محمد

هو دكتور ابراهيم نصار ده بتاع الأقتصاد.

اوعى تقولى انك تعرفة اه هوا بيدينى نقود وبنوك

وحياتك لو تعرفة اتوسطلى عندة

المشاركة الأصلية كتبت بواسطة eng.octooo

انا موضوع الرخضة اتأجل عندى 9 مرااات !!! واخدت منها مناعة .....

اول يوم والدى تعب ...
التانى كان والدى خلاص سافر..
الثالث صاحب والدى مراتة كانت بتولد ومجاش معايا ...
الرابع كان عندى امتحان ..
الخامس ههه كان عندى العملى بتاع الامتحان الى فات ...
السادس راحت عليا نومة ...
السابع رحت لصديق والدى بس كان عندة تفتيش او حاجة زى كدة ماعرفتش اشوفة
الثامن امتحاااااااااااان
التاسع امبارح ( برضة امتحان)
العاشر ( بعد بكرة ادعووووووووووووووووولى )

والله يا اكتوووو المثل بيقول ال3 تبتة انت الوحيد الى كسر القاعدة دى
لو مرحتش بئى بعد بكرة روح انتحر على طول مترجعش على البيت

بحبك انا صح

المشاركة الأصلية كتبت بواسطة HaMeD_73

الحمد الله ع كل شىء وشد حيلك وان شاء الله خير واعرف انى ده رزقك وسيبها ع الله وكله خير ان شاء الله

عايزاشوفك يابوب

الحمد الله على كل حاجة يا حامد وسايبها على الله

المهم انا كمان عايز اشوفك انا نازل الثلاثاء مش التلات يئى يوم الاحد ونكلم الواد عز ابن الدحيحة الى اجيب جيد جدا
ودكترو عمرو المغربى وننزل نقعد فى اى حتة على حاسبك انت وعز على اساس انتوا الى ناجحين بأعلى تقدير

المشاركة الأصلية كتبت بواسطة ahmedsamir5edr

أنا هحكيلك علي حاجه شبه بتاعتك كده :
اول مره روحت اطلع الرخصه رئيس المباحث اللي كان مستنيني طلع مأموريه و رجعت من غيرها ف خليت صاحبي هوا اللي يسوق عشان لو فيه كمين او حاجه ..
المهم و احنا ماشيين علي الدائري وواحد راكب نوبيرا نام تقريبا .. راحت السياره معومه منه و خبطت ماتريكس و الاتنين وقفوا قدامنا بالعرض و قافلين الحارتين الشمال علي الدائري
صاحبي كبس فرامل و الفيرنا سحفـــــت جاااااااااااااامد و كانت رايحه في الماتريكس لولا ان صديقي شال رجله من علي الفرامل و دخل ما بين الماتريكس و النوبيرا مش عارف ازاي و راح واقف قدامهم بشويه

و جت عربيه كانت كابسه ورانا مازدا 323 .. و راحت واقفه هيا كمان بالورب و الراجل كان بيقول ان الكبالن عنده ضربت

و طبعا لو انا اللي كنت سايق ساعتها و لأن خبرتي ضعيفه في السواقه ما كنتش هعرف ألم العربيه و كنت هدخل في الماتركس أو النوبيرا و العربيه اللي ورايا كانت هتكمل علياااا

ف حمدت ربنا اني ما طلعتش الرخصه اليوم ده و قلت تتعوض و تاني يوم روحت طلعتها بمنتهي السهوله من غير ولا مليم ولا اختبار حته ( و صممت اني ما اروحش سايق )

لـــــــــعله خـــــــــــــــــــير

خير الحمد لله يا احمد باشا
وفعلا انت تعرفش الخير فين لانى عديت اليوم دة على كمينين يمكن لو طلعتها كانت اتسحبت ولا اى حاجة حصلت
بس برضو لو كنت اتقفشت وانا كدة كنت بس كدة

المشاركة الأصلية كتبت بواسطة محمد محمد

ده الدكتور ده بحبه جدا وراجل دماغه عالية اوي ولسة موصله من اسبوعين مكانش معاه العربية نزلته العبور معايا وخد مواصلة تانية من هناك لمدينة نصر.

اشطة اشطة ضمنت ان انا نجحت ولا اية يا بشمهندش يا دكتور يا محمد محمد بية
لحسن دة حالف ليزبطنا فى الامتحان :b4_556::b4_556:

المشاركة الأصلية كتبت بواسطة محمد محمد

هو برضه كان بيقولنا كده بس لما تحترموا نفسكم في المحاضرات بتاعتكم هيعاملكم حلو لأنه راجل محترم وطيب جدا.

المهم اتوسطلى عندة بس وربك يسهلى فى الباقى

المشاركة الأصلية كتبت بواسطة eng.octooo

بجد والله انا تقريبا فقدت الامل

ياعم سبها على الله وان شاء الله هاتطلع وتزئطط بيها