تقرير غريب قريته في الياهو النهارده بيقول أن من أسوأ السيارات علي الطريق هي الأفيو اللي جت بعد الكاديلاك أسكاليد !!
وده لينك الموقع
worst-made-cars-on-the-road: Personal Finance News from Yahoo! Finance
تقرير غريب قريته في الياهو النهارده بيقول أن من أسوأ السيارات علي الطريق هي الأفيو اللي جت بعد الكاديلاك أسكاليد !!
وده لينك الموقع
worst-made-cars-on-the-road: Personal Finance News from Yahoo! Finance
وإيه الجديد!!!!
وغير التوقيع الي بالأحمر عشان الإدارة
في قسم شيفروليه 1 معجب و 10 ساخط على الأفيو
فخر للأفيو انها مع الأسكاليد في ليست واحدة !!
ما طول عمر الافير عربيه مش كويسه ... يعني الياهو جاب ايه جديد
الحمد لله ال128 كدة تبقى كويسة علشان مجبوش سيرتها فى التقرير
هههههههههههههه
محدش يزعل بس انا بحس ان الافيو عربيه صيني
الافيو ليها الشرف انها من صمن العربيات الرهيبه دى ههههههه
وتتوالى الناكسات على الأفيو .
الراجل بتاع topgear كان بيقول السبب الوحيد اللى يخليك تجيب افيو انك متكونش سوقت اى عربيه تانيه قبل كده هاهاها:Ta_clap[1]:
المفروض شيفروليه تفرح بالعربية دي لأنها خدت مركز متقدم
ماشي ماشي
أتريقوا براحتكوا
:11:
ايه ده انا بقيت عضو فضي
بس ازاي الاسكاليد عربيه وحشه !!!!!!!!!!!!!1
الافيو اهدار للمال الخاص
احنا اتبهدلنا اوى كفاية تهزيق بقا صدقونى الافيوا هى لانوس بيها شوية تعديلا كويسة زى الفرامل بس المصيبة فى منصور الى خلاها متشردة كدا التقفيل المصرى هوا الى ضيعنى يعنى هضربلكوا شوية امثلة الراداتير الى بيكون راكب فى المصر من انتاج مصنع فى اكتوبر غاية فى الزبالة باظ عندى 3 مرات العلبة الشمال تلقيها ضربت بدون سبب لو شوف الكورى هتلاقى رداتير محترم جدا و محدش اشتكا منة و الطنابير الصينى الى بيركبها فى المصرى و لا الاهمال و عدم احترام العملاء فى مصنع عربيات محترم و كبير و المفروض عندوا خط انتاج و عمال بيفهموا يعمل الحاجات الهيفة الى بتدل على عدم احترام العربية افك اكصدام العربية الامامى القية مكتوب علية من جوة بالبوية (دهان المعلم اشرف الشبراوى) بعدها بكام شهر افك الاكصدام الخلفى القى مكتوب (حودة ) تقول اية فى عربية دافع فيها 74 الف جنية ممكن تستاهلهم لو فى مصنع فاهم يعنى اية انوا يقفل عربية على خط انتاج محتم مش خط انتاج فى الحرفييبان يمكن لو فى الحرفيين مش هيعملوا كدا و لا كانوا هيتفقوا مع اسواء المصانع لانتاج 70% المنج المصرى الى لازم يتحطوا فى العلربية
يااااااه---للدرجة دى وصل الأنحدار بهم. دهان المعلم اشرف الشبراوى و حودة.
أذن ما السبب فى هذا الأنتشار الملحوظ للعربية و الواحد بيشوف منها الجديد اللى لسه ما حطش نمر و بالورة الملزوق كل يوم. ما سر الأنتشار بالرغم من العيوب دى كلها.
أيشترى المصريون للسعر القليل فقط بغض النظر عن الجودة.
هيه الأفيو اللي في أمريكا مش من كوريا برضه؟!!! ...... أكيد مش تقفيل منصور :d
يعني الكوري و المصري مش كويسين .... ظلمنا منصور :b4_592: ههههههه
يا جماعة لازم نفوق شوية ، المشكلة مش ان العربية وحشة ، المشكلة ان احنا معناش فلوس نشتري عربيات (فقراء يعني)
طول عمر المصريين منذ عقود زمنية بعيدة وهما بيركبوا عربيات محترمة لولا ان الحال ادضحضر بيهم شوية وفلوسهم بقت علي قدهم .
وبصراحة بقي انا فقت من وهم العربيات الجديدة وروعة الزيرو والكلام الفارغ ده ، العربيات الي بجد تبدا بعد 150 الف جنيه واقل من كده يبقي بتشتري علب سمنه فيها تكييف وباور وسنتر وخلافه
اظن فئات العربيات الي تتجاوز 150 الف جنيه هي سيارات عادية لها بعض المشاكل العادية التي تبدا بعد الاستخدام لفترات طويلة مش تجيب العربية زيرو وتبدا رحلة المعاناه مع كل مسمار راكب فيها من يوم تشتريها لحد ما تبيعها
يعني الخلاصة الي معهوش ما يشتكيش ويرضي بالموجود لحد ما ربنا يسهلها والجمارك تزول والوكلاء اللصوص يختفوا ويسمحوا باستيراد المستعمل الاوروبي وساعتها الي معهاه 40 و50 الف ممكن يركب عربية بجد تريحة ، والي ان يحدث هذا عيش اللحظة واستمتع بعيوب سياراتك الجديدة وذق حلاوة الشعور بالندم انك بعت عربيتك السيئة القديمة لشراء الاسواء
اسف للاطالة
الافيو عربية شكلها حلو بس