قمة الوفاء

**nabaster** · 11-04-2010 11:11 PM

الشابين الي هتشوفوهم في الفيديو الي جاي

كانوا بيربوا اسد في بيتهم الاسد اسمه كرستيان

بس الاسد وصل لمرحله كان بقي حجمه كبير وبقي خطر علي المحيط الي حواليه

ووقتها السطات اجبرتهم يرحلوا الاسد بره او هيتقتل

فقرروا يسافروا بيه افريقيا ويسيبوه في الغابه هناك علشان يكمل حياته كحيوان عادي

بعدها بسنه حبوا يشوفوه وسافروا له في الغابه الي كان فيها

والفيديوا ده اتصور هناك

وكانوا معتقدين اصلا ان الاسد مش هيفتكرهم

اسيبكم مع الفيديوهات

YouTube - ‫ظ‚طµط© ظˆظپط§ط، ط§ط³ط¯ ط¨ط¹ط¯ ط³ظ†ظٹظ† - ظ‚طµط© ط¹ط¬ظٹط¨ظ‡ ظˆظپظٹط¯ظˆ ط؛ط±ظٹط¨‬&lrm;

YouTube - ‫ط¹ط´ظ‚ ط§ظ„ط§ط³ظˆط¯‬&lrm;

ياريت البشر تتعمل من الحيوانات

A.Yakout

**abogogo** · 11-04-2010 11:28 PM

كان في حكاية مدرب الاسود محمد الحلو تقريبا بيمرن اسد من اسوده الى مربيهم من صغرهم فراح الاسد تغلبت عليه فطرته وجرح الاسد المدرب جرح كان السبب في موته بعديها حطوا الاسد في جنينة الحيوانات الاسد رفض الاكل وفضل مكتأب الى ان مات حزنا على مدربه
ومن اغرب الحكايات كان في بواب في عمارة خالي كان مربي كلب بلدي من صغره في الجراج راح البواب ده تعب من الكبد ووصل لدرجة انه ملوش علاج في المستشفيات كانت مسألة وقت ليه وكان ملازم السرير في حجرته والكلب جنب السرير رافض الاكل وبعد لما الراجل ده مات الكلب فضل في الجراج رافض الاكل والشرب لحد لما الكلب مات العمارة كلها زعلت على البواب وكلبه الوفي

**icehearted girl** · 11-04-2010 11:30 PM

والله الفيديو خلاني اعيط

الله يسامحك

فعلا غريبة لما نلاقي صفة بشرية وحشة نوصف صاحبها بالحيوان

مع ان عمرنا مسمعنا عن حيوان خاين ولا مرتشي ولا حرامي ولا كداب