انا عندي بولو 2001 وماتورها خلاص 240,000 وكنت عايز انزلها ماتور استيراد 1.4 ...
هل فيها مشاكل ؟ يعني لو حد مجرب ونزل واحد يا ريت يقولي..
وهل صحيح انني لازم الغير الفتيس عشان هوا 1.0 وانا هحط 1.4؟
ومعلش سؤال تاني , حطول عليكم , هوا يعمل كام ؟
عرض للطباعة
انا عندي بولو 2001 وماتورها خلاص 240,000 وكنت عايز انزلها ماتور استيراد 1.4 ...
هل فيها مشاكل ؟ يعني لو حد مجرب ونزل واحد يا ريت يقولي..
وهل صحيح انني لازم الغير الفتيس عشان هوا 1.0 وانا هحط 1.4؟
ومعلش سؤال تاني , حطول عليكم , هوا يعمل كام ؟
عليك وعلي الحرفيين كل حاجة هتلاقيها هناك وهات الفتيس والضفيرة والعفشة عشان الموتور باور هورس اقوي ومحتاج الفرامل الاي بي اس
شكرا للكل على الرد السريع.....
بس هوا ثمنه كام ؟
وبالنسبة للأخ m.mostafa 80 هل تغيير ورق الموتور في المرور سهل ؟
تسلم ايديك ..........بس برده هوا سعره كام ( بلوك ) ؟
والف شكر
السعر دا بيبقى ارزاق
ممكن تسمع 4500 وممكن تسمع 5000 وممكن تسمع 6000
يا محمد هل حسيت بفرق شاسع مع ال 1400 ؟؟أحكيلنا أكثر أرجوك؟؟:w6266d
مفيش اى مشاكل خالص, موتورها و بينزل على قواعدها علاطول.
العربيه معايا من 3 سنين و اول ما جبتها غيرت الموتور لان ال1000cc بتاعها حسيته ضعيف.
بس لازم الفرامل بتاعتها عشان تعرف توقفها, اداء فرامل ال1400 مختلف تماما عن فرامل ال1000. لازم يوم لما تسقط موتور اعلى تعرف توقفه ازاى عشان متجريش و بعدين ما تعرفش تقف, و هتبقى اتعلمت بالغالى اوى, انا مش بقول كلام نظرى, ده عن تجربه فى اول عربيه جبتها.
لازم, الموتور ال1000cc حوالى 50 حصان و ال1400cc ال16v حوالى 75 حصان, يعنى بتزود القوه 50% فا الفتيس بتاع ال1000cc بيتكسر مش بيستحمل فرق القوه و ده حصل قدامى فى كذا عربيه.
سهل جدا, بتحول ورق الموتور الجديد على المرور بتاعك و تروح تسحب ورق فحص و تفحص و تدفع الضريبه و التامين الجداد و خلاص, يفضل طبعا تعملها لما رخصه العربيه تقرب تنتهى عشان الضريبه و التامين القديم ميروحوش عليك.
الفرق شاسع, العربيه لو راكبه كامله العدد و التكييف شغال مش هتحس باى خنقه و هتلاقى سحبها حلو اوى. لو فاضيه هتلاقى العربيه بتجمع معاك بطريقه غريبه.
احنا بنسافر بيها 4 بالشنط بتاعتنا و التكييف شغال على 180 كم ثابت طول الطريق.