الموضوع: nile motors

ياااااااه
الموضوع ده من سنة بالظبط
نايل موتورز حلم واتحقق والحمد لله
طول عمري احلامي على قدي ومابحبش احلم بحاجة اكبر من طاقتي عشان مازعلش
نايل موتورز فكر ومجهود وتنفيذ ناس عندها هدف واتجمعت في طاعة الله وانهم يفيدو اخواتهم
وما شاء الله لسه بيفيدو اخواتهم

نايل موتورز ليه كاريزما خاصة جدا ناس بتحب بعض لله في لله مش عايزين من بعض اي غرض
والله رغم اني عرفت في حياتي ناس بعدد شعر راسي (يوووه قصدي شعري اللي كان في راسي)
الا اني قابلت هنا نوعية مختلفة اسال الله اني يديمها علي نعمه

ورغم ان في منتديات تانية قلدتنا بس مافيش الروح
ورغم ان في بعض المنتديات بيتهموا ادارة نايل موتورز انههم بيعملو نفسهم اوصياء على الاعضاء
لكن هما مش مقدرين احساس بيت العيلة
اسمحولي اطلق على منتدانا بيت العيلة
وزي ما كل بيت عيلة بيبقي في كبير عيلة بياخد على ايد اللي بيغلط بالذوق شوية وبالشدة شوية وبالحزم شوية وباللين شويتين بهدف المحافظة على البيت واللي فيه
عشان كدة كل افراد ابيت بيتقبلو الكلمة من كبير العيلة (مش من صاحب البيت) لان كل افراد بيت العيلة صحاب بيت

محدثكم من على شاطئ العجمي والهواء لطش الصلعة وهاقوم اتغدي احسن من البرد ده

كريم منير
واحد من العيلة

انا عرفته وانا بأدور علي موقع اعلن فيه عن بيع سيارتي القديمة
............
لكن مش ملاحظين ان ناس كتير عرفت المنتدي من شتيمة الناس التانية .....
رب ضارة نافعة
فعلا الشجرة المثمرة هي التي تقذف بالحجارة