الحقونى العربيه عملت ريستارت وانا عالسريع
يا جماعه من يومين كده وانا حسيت بحاجه غريبه شويه انى لما باجى ادور حسيت ان صوت الماتور بقى اعلى من اللى انا متعود عليه قولت مش مشكله استنى اشوف مرة تانيه . المهم اخدت العربيه وكنت مسافر اسكندريه بعد حوالى ساعه لاقيت العربيه عملت ريستارت كده زى الكمبيوتر بالظبط الكاسيت أنطفأ واشتغل تانى ونور التابلوة أنطفأ واشتغل تانى ولمبه ال ebs فضلت تنور وتطفى لمده 20 ثانيه ورجعت لطبيعتها تانى وفضلت شغاله وحسيت للحظه حوالى ثانيتين ان الدركسيون كلبش فى مكانه ومش بيتحرك ولا يمين ولا شمال والحمد لله ربنا ستر (وكلمنا شركه الكهرباء والنور رجع بسرعه قبل ما يقع المحظور) ياترى كده الباور سبلاى ولا الرامات ولا ايه ؟؟ :8954[1]:
لا بجد كده يبقى فى ايه بالظبط ؟؟ علشان انا قلقان جداا علشان انا بطلع على الطريق كتير
اه صحيح العربيه النترا 2007 اتوماتيك
