السلام عليكم

النهاردة وانا راجع بالليل، بعد ما دورت العربية "128" عادي وابتديت اتحرك اكتشفت ان الاشارات مش شغالة خالص، ونور التابلوه منور قدامي عادي والنور العالي بيشتغل برضه

شوية وابتديت اشم ريحة غريبة وفجأة لقيت دخان طالع من ناحية الكونتاكت، ركنت وقفلت الكونتاكت وفتحت الكبوت ألاقي الموتور لسة داير!! لفيت المفتاح تاني في الكونتاكت وفصلته تاني راح مبطل

طبعا النهاردة الأحد ومافيش كهربائي فاتح

حاولت اعرف مصدر الدخان ده ايه ماعرفتش، استنيت شوية ورحت مدورها تاني دارت، مشيت بيها لغاية ما روحت ودخلت الجراج، بعد كده عاوز ابطلها مش راضية، شلت المفتاح خالص من الكونتاكت وبرضه الموتور داير!!
عشقت الفتيس وشلت رجلي من الدبرياج عشان ابطلها بعد كده ألاقي اللمض اللي في التابلوه منورة رحت فاصل كابل البطارية عشان تطفي

أنا آسف اني طولت بس حبيت اشرح المشكلة من أولها،

دلوقتي طبعا لسة هاروح للكهربائي بكرة، ممكن حد يفهمني أيه اللي بيحصل ده عشان الكهربائي مايشتغلنيش؟؟