الموضوع: التليين والتكييف .....اعمل ايه؟؟؟؟؟

وعليكم السلام أولا ولو انك اهلاوي بس زي بعضة مبروك العربية وربنا يديك خيرها ويكفيك شرها .
شغل التكييف متخافش المهم تسخن كويس خلال فترة التليين و الغيارات متعديش 2800 او 3000 لفة من المحرك بالكتير خلال اول 1000 كم وياسلام لو تاخدهم في طريق سفر حلو علي سرعة ثابتة نسبيا وعند حوالي 90 كم/س افضل من المشي جوة البلد لأنة شوية مع التكييف بيبقي مرهق شوية لكن الأهم انك اول ما تعدي الألف لازم تغير الزيت مباشرة وأوعي تمشي بية لحد 5000 لأن زيت التليين عمرة قصير والإبقاء علية كم كبير عن الألف موش كويس خاصة للتاكيهات الهيدروليك بتاعة الدايو عموما غيرة هوة و الفلتر وحط زيت يمشيك ال4000 الباقية لحد ماتروح تعمل اول صيانة وعندها حط زيت تخليقي موبل او شل او غيرة بس المهم تخليقي بالكامل افضل

وفى ناس تانيه قالتلى مفيش حاجه اسمها تلييين دلوقتى ده كان زمان فى العربيات القديمه !!!

بس فيه تفتيح للسيارات الجديده خصيصا....مثل سيارتك

ونفس الوضع ( تفتيح ) للسيارت القديمه والتى معمول لمحركها عمره كامله

استفسار لو سمحت !!!!!!
الحمد لله رب العالمين قد اكرمني الله عز وجل بسيارة لانوس زيرو 2010م وقد اتممت ال1000ك الحمد لله وعديت كمان هي مدة قصيرة صحيح (10ايام )
استئذنكم لي استفساران :
1) بخصوص تغيير الزيت انا اعلم ان الصيانة عند 5000ك .
2) وهل في تغييره بالخارج يؤدي الى الخروج من الضمان ، وماهو افضل الانواع ، واسعاره .

[marq="3;up;3;alternate"]
والف شكر لهذا المنتدى الرائع ، وللأعضاء الرائعون . ..
[/marq]

المشاركة الأصلية كتبت بواسطة waelkaramany

السلام عليكم اولا....ومبروك للاهلى ع الدورى ثانيا .....نخش على موضوعنا
الحمد لله ربنا رزقنى بحته لانوس جديدة المشكله دلوقتى بتتلخص فى الاتى زملائى قالولى لازم العربيه تليين ع الاقل 1000 كم والتكييف ميشتغلش خلال المده دى وانا استعمالى خفيف للعربية يعنى العربيه بقالها معايا اكتر من شهر ويدوب عملت 600كم والصيف داخل وانتوا عارفين الحر....والحقيقة انا مش فاهم ايه علاقة التكييف بالتليين وليه 1000 كم بالتحديد ؟؟؟؟ وفى ناس تانيه قالتلى مفيش حاجه اسمها تلييين دلوقتى ده كان زمان فى العربيات القديمه !!!

وبالمناسبة اكيد انتوا عارفين ان مفيش صيانة 1000 كم عند منصور والصيانة عند 5000 فهل ممكن انا اغير الزيت مع نفسى بعد ال 1000 كم ولا الموضوع ده يعملى مشكله فى الضمان ولا ملهوش لازمه اغير الزيت من اصله....اعمل ايه

مبروك لي 80% من المصريين علي الدوري - المهم بالنسبة للتكييف فالأخوة هنا افادوا بالرأي السديد ان شاء الله
اما تغيير الزيت فانصحك مادامت السيارة جديدة اعمل كل حاجة في التوكيل علي الاقل لغاية صيانة 10000 لغاية ما تطمئن عليها
اما توقيت التغيير فهما حاطين نوعية الزيت إلي تكفيك لغاية استخدام 5000 كيلو
اما كون ان استخدامك خفيف وموش هتكمل ال 5000 إلي بعد مدة كبيرة فخد بالك ان تغيير الزيت في التوكيل طبقاً لجدول الصيانة إلي المفترض انك استلمته وإلي هتاخده معاك وانت رايح الصيانة
تغيير الزيت مرتبط بحاجتين الكيلو متر وهي 5000 او مرور 3 اشهر(او اربعة اشهر موش فاكر اوي) منذ اشتريت السيارة ايهما اقرب فواضح كده انك هتروح تغير علي 3 شهوراي علي المدد الزمنية موش علي الكيلو مترات
راجع جدول الصيانة