-
مشكلة انذار spy 5000
السلام عليكم
انا عندى عربية كارينز وانا يا جماعة متابع جيد للموقع هنا و طبعا من مداخلات الأعضاء هنا الكل اجمع ان افضل جهاز انذار هو spy 5000 و فعلا نزلت و اشتريته و ركبته فى التوكيل فى ابو رواش طبعا بعد ايميل كتبته لكيا فى كوريا علشان هنا يوافقوا انى اركبه...المهم ركبته فى التوكيل و كله تمام و مبسوط بيه و روحت على شغلى ركنت العربية ادام الشركة و طلعت مكتبى فى الدور الخامس - شباك المكتب بيطل على مكان العربية - المهم بقى المشكلة فوجئت ان الريموت بتاعه بيزمر تقريبا كل دقيقتين طبعا فى الأول اروح افتح الشباك و ابص ع العربية اشوف ايه اللى بيحصل افتكر ان فيه حد بيطفشها ولا حاجة الاقى مفيش اى حاجة العربية عمالة تزمر و مفيش حد جنبها اتارى العربية كل واحد يعدى جنبها او عربية مثلا تعدى من الشارع يقوم الأنذار شغال و بالتالى الريموت ينور و يصفر هو كمان لحد لما تخنقت .....هل يا ترى فيه غلط فى التركيب؟ ولا هو كده الجهاز حساس؟ طيب ولو هو الجهاز حساس هل ممكن الغى صوت الصفارة اللى بتحصل فى الريموت علشان متقلقنيش كل دقيقتين؟؟ علما بأن فيه زرار فى الجانب مرسوم عليه انه كاتم للصوت بس بأدوس عليه و باردوا الصفارة بتشتغل كل شوية .... اعمل ايه مش عارف قولولى يا خبراء كيا
-
مجرد حساسية الانزار عايزة تقل شوية مش اكتر :))
-
-
شكرا يا د. المغربى و شكرا يا استاذ احمد على الردود ...بس ممكن يا استاذ احمد تقولى ازاى اقلل حساسية الشوك سنسور؟ هل ممكن اعملها بنفسى ولا ده بتعمل فى التوكيل؟ و شكرا
-
1 مرفق
الصورة تظهر شكل الشوك ويوجد مفتاح ضبط الحساسية
الاتجاه H لتعلية الحساسية والاتجاه L لتقليل الحساسية
طبعا تعملها بنفسك ولاتوكيل ولا غيره - عادة بيلزقو الشوك سنسور
تحت التابلوه فوق الرجل اليسرى
-
اشكرك يا استاذ احمد جدا جدا انت بجد حليت لى المشكلة
-
هو انا علشان لازم اركب الانذار ال spy في التوكيل لازم ابعت ايميل انا كنت فاكر اني مجرد لما اروح مركز ابو رواش واعرفهم باني عضو في نايل موتورز والاستكيرز على العربية اقدر اركبه في التوكيل عادي :11: انا انشاء الله نواي اركب الجهاز الانذار مع صيانة الالف غالبا انشاء الله خلال الاسبوع ده بس بعد مااستلم الضمان, انا عايز اعرف اية الاجراء الحالي لتركيب جهاز الانذار spy ارجو الافادة ؟
Content Relevant URLs by
vBSEO 3.6.0 PL2