الموضوع: حد يعرف العنوان دة

مش عارف اوصفلك من رمسيس ولا المعادي
بص انا هوصفلك من عند المنصه
نفترض انك جاي من المعادي هتمشي في طريق النصر وبعد ماتعدي نادي السكه هتلاقي قاعة المؤتمرات على شمالك وجامعة الازهر على يمينك وبعدها المنصه على اليمين والنصب التذكاري على شمالك
الشارع اللي على يمينك قبل المنصه على طول هتدخل فيه

الشارع ده اللي فيه فندق الماسه وده هيكون على شمالك اول ماتدخل الشارع وده اعتبره علامه تاكيد يعني
بالمناسبه الشارع ده امشي فيه عاليمين عشان الشمال فيه بلاعات ربنا يكفيك شرها

المهم
هتمشي في الشارع ده واول يمين هتلاقيه ادخل فيه
العلامه اللي في الشارع ده ان فيه ابواب الطلبه وابواب المدينه الجامعيه بتوع الازهر
وطبعا هتلاقي مطبين زي العسل ورا بعض عند الابواب

الشارع ده هيخلص لما هتلاقي اتجاه اجباري يمين والشارع اللي قدامك ده اللي هتدخل فيه اجباري يمين هو ده مصطفى النحاس

المنطقه التامنه دي هتكون الناحيه التانيه يعني اول ماتدخل الشارع خد اول يوترن وهي هتلاقيه قريب بس خد بالك وانت رايحلها من اللي جايين وراك
بعد ماتاخد اليوترن اللي في مصطفي النحاس ده هتبقى كده اتجاهك رايح على المنطقه التامنه بس اسال اللي انت رايحله على العنوان تحديدا او على اي علامه في الشارع يكون هو قريب منها

بس عموما للتوضيح يعني مدينة نصر فيها شوارع متوازيه يعني الطيران وعباس العقاد ومكرم عبيد متوازيين والنحاس عمودي عليهم وبيقطعهم على الترتيب

تقاطع عباس العقاد مع مصطفي النحاس فيه علامه وهي بنزينة كالتكس ودي هتكون الناحيه التانيه يعني على شمالك لو مش عارف العنوان تحديدا ممكن تقف هناك بعد عباس العقاد كده وتسال عن المكان اللي حضرتك رايحه


انا اسف اني طولت بس ياريت اكون قدرت اوصللك الصوره

المشاركة الأصلية كتبت بواسطة hesham22822

حد يعرف اروح العنوان دة ازاى شارع مصطفى النحاس - المنطقة الثامنة - مدينة نصر ---من رمسيس او من المعادى

اولا مواصلات
من اتوستراد المعادى تركب ميكروباس عباسية وتنزل الاخر وتركب اى ميكروباس الحى التامن هتزل عند مدارس المنهل هتبقى فى وسط الحى التامن
من رمسيس هتركب ميكروباس الحى التامن من امام مسجد الفتح
ثانيا بالسيارة الخاصة
من المعادى
تمشى فى الاوتوستراد وتعبر مناطق القلعة والسيدة عاشة والدويقة ثم المقاولون العرب ثم تعبر من تحت كوبرى اكتوبر والمنصة وتعبر شريط المترو لتجد امامك مسجد رابعة العدوية اكسر يمين من الاشارة قبله ليصبح المسجد على شمالك كده انت فى شار ع الطيران تمشى حتى مستشفى التأمين الصحى ومسجد نورى خطاب اكسر يمين واول يو تيرن شمال انت الان فى مصطفى النحاس تمشى حوالى 500 متر هتبقى فى منتصف الحى التامن تقاطع مكرم عبيد مع مصطفى النحاس
من رمسيس
تمشى فى شارع رمسيس حتى كلية طب عين شمس ومستشفى جامعة عين شمس ستجد مسجد النور امامك الدخول يمين اجبارى ستجد امامك كوبرى اطلعه وانزل هتلاقى اشارة كمل على طول تحت كوبر ى اكتوبر لاخر الشارع الشارع هيلف يمين لف معاه ثم اول يو تين شمال انت الان فى الاوتوستراد كمل حتى تجد المنصة وقاعة الموؤتمرات على شمال اعبر شريط المترو لتجد مسجد رابعة العدوية ثم نفس الوصفة السابقة