حكة جامدة معكسر الدركسيون لليسار

**bakkarahmed** · 15-04-2010 10:44 AM

انا رحت لعشري وهو اساسا اللي شاف العربية من 8 شهور لما اشترتها وقالي والله العفشة سليمة والصوت دة مش ظاهر سببة ومش بيظهر الا لما بتدوس بنزين جامد وانت كاسر شمال فتحس ان المكنة بتركن معال يمين وبتحك في حاجة فممكن تبقي قاعدة موتور وحشة وبعد ما كشف علي القواعد ولقاها سليمة ورفع العربية كلها ..قالي انا بانصحك انك ماتغيرش حاجة دلوقتي علشان السبب مش ظاهر قدامنا و استني شوية لما يظهر اكتر بدل ما تقعد تغير وتغرم نفسك ع الفاضي

**bakkarahmed** · 18-04-2010 02:07 AM

الحمد لله الصوت راح..................
وانا في طريقي كنت بعدي دايما علي ميكانيكي مغمور فقلت لما اسئلة يمكن يكون مبروك:) فطلع جرب معايا العربية فسمع الصوت ولما رجع رفعها ملاقاش حاجة فركب الكاوتش تاني وطلع جرب فسمع الصوت فرجع فك الكاوتش تاني وانا مستغرب انا لية لسة مطول بالي علية وبعدين قالي العربية سليمة والصوت مش بيظهر واحنا رافعين الكاوتش بيظهر مع حمل العربية في الملفات ...يبقي ممكن كوبلن قلتلة مش هاجيب كوبلن ويطلع العيب مش منة فالبسة انا :( قالي هانجيب واحد استيراد من واحد معرفة لو طلع تمام والصوت اختفي هانخده...معلش انا طولت عليكم..المهم الراجل قالي انا هاجرب اخر مرة...فسمع الصوت عالي قوي المرة دي وقالي بس كدة دة صوت كرة شكمان اطلع بينا علي الورشة ....قلتلة انا كنت عند ابو اليزيد من اسبوعين وظبط الشطمان كلة ..قالي اركب وقعد يهز ديل الشكمان وكنت باسمع طبعا كركبة جامدة وبعدين رحت لبتاع شكمانات وظبط الدنيا والصوت راح بنسبة 80% ومش بيظهر الا خفيييف خالص الا لما بافحت العربيه زيادة عن اللزوم في ملف علي الاخر

**mrsailor** · 18-04-2010 04:48 AM

المشاركة الأصلية كتبت بواسطة bakkarahmed

انا رحت لعشري وهو اساسا اللي شاف العربية من 8 شهور لما اشترتها وقالي والله العفشة سليمة والصوت دة مش ظاهر سببة ومش بيظهر الا لما بتدوس بنزين جامد وانت كاسر شمال فتحس ان المكنة بتركن معال يمين وبتحك في حاجة فممكن تبقي قاعدة موتور وحشة وبعد ما كشف علي القواعد ولقاها سليمة ورفع العربية كلها ..قالي انا بانصحك انك ماتغيرش حاجة دلوقتي علشان السبب مش ظاهر قدامنا و استني شوية لما يظهر اكتر بدل ما تقعد تغير وتغرم نفسك ع الفاضي

الحمد لله انك اتطمنت .. وربنا يبارك لك فيها