الـ كروز بتبطل !!!!!

**Famo** · 12-04-2010 12:28 PM

و على فكرة يا جماعة دة أمر الشغل بتاعى الوحيد من الستة اللى أتعملوا و صورتة بالموبايل علشان مش بيطلعوة لحد خالص

**yaserbasha2000** · 12-04-2010 01:17 PM

انت مش محتاج غير فاتورة الشراء علشان تروح حمايه المستهلك
ياريت تقرا موضوع ابومارو كويس اكيد هيساعدك علشان تعرف تعمل ايه بالظبط

http://www.nilemotors.net/Nile/131964-a.html

**د.محمود صلاح** · 12-04-2010 02:16 PM

لا حول ولا قوة الا بالله ... ايه ده ؟؟!! مافيش مهندسين مدربين ؟؟!! هم فالحين يجيبوا عربيات من غير ما يعرفوا ازاي تتصلح ؟؟!!

**Atrees** · 12-04-2010 02:55 PM

اذا لم تجد اي حل مع حماية المستهلك - حل واحد فقط سوف يربكهم - بلاغ في القسم مع محامي ضد منصور وتتحول لقضية - ساعتها حتلاقي مليون واحد من التوكيل بيكلمك - واذكر في المحضر كل ما حصل والحادث كمان وتوجية تهمة اهمال وعيوب تصنيع وطالب تعويض - دي حياتك وحياه الناس اللي راكبة معاك - انا اسف ان الحل دة هوا حيكون ملاذك الاخير - بس دة بيحصل هنا وكمان برة - امريكا كلها اول حاجة يعملوها يرفع قضية وبعدين يشوفو حل

ربنا معاك

**ahmed2y** · 12-04-2010 03:27 PM

حضرتك راجل محترم جدا وزيادة عن الزوم والله وكمان طويل البال معلش يعنى انت المفروض كنت بعد الحادثة على طول وبعد ما حطيت العربية على الونش تتوجه لحماية المستهلك وبرضو بنفس الزوق والادب تعمل محضر وتتخد كل الاجراءات القانونية وبدون ما تعلم الوكيل كمان خاليهم هما اليعرفو من حماية المستهلك مباشرة حرام عربية زيرو ومش رخيصة يتعمل فيها كدة

**ahmadmidop** · 12-04-2010 04:29 PM

قدر الله ماشاء فعل .... وفعلا لازم شكوووووووووووووووووي لحماية المستهلك ... بس ده مش ممكن طرمبة بنزين فيها مشكلة !!

**mido** · 12-04-2010 10:05 PM

هى أنتاج 1 فبراير 2010

ازاى وحضرتك شاريها يوم 4 ؟

حمدالله على سلامتك

**Hosam_Optrawy** · 12-04-2010 10:12 PM

ربنا معاك يا استاذ فتحى

كان فى مشكله زى بتاعت حضرتك من فتره

وصاحب المشكله قال ان لما التوكيل عمل reset للكمبيوتر المشكله مارجعتش تانى

عموما كمل المشوار مع حماية المستهلك وابقى طمننا عملت ايه

**gebreel** · 12-04-2010 10:38 PM

انا مش عارف منصور ده ازاي مستمر لغاية دلوقتي لو عندو مشكلة في شيفروليه بس كنا قلنا معلش مهندسينو مش فاهمين لكن ده في اوبل و شيفروليه حتى اللانوس بعد ما اخدها فيه ناس كثير بتشتكي منه

بجد انا مش عارف اقول لحضرتك ايه بجد غير ربنا معاك و متسيبش حقك لأن كان ممكن لا قدر الله يحصل لحضرتك حاجة في منتهى الخطورة بسبب الموضوع ده و ابقى طمنا عليك

-

الموضوع: الـ كروز بتبطل !!!!!

LinkBack

أدوات الموضوع

عرض

-

-

-

-

-

-

المواضيع المتشابهه

كروز وللا سيراتوووو ؟؟؟ خلااااااااااااااص كروز ونص ---------------------------------

العربيه بتبطل ليه؟؟؟؟؟؟

العربية بتبطل منى!!

العربيه بتبطل ؟؟؟؟؟

بتبطل !!!!!!!!!!!

الكلمات الدلالية لهذا الموضوع

المفضلات

المفضلات

ضوابط المشاركة