ازاي اعرف ان السيراتو سعودي ولا كويتي ولا اماراتي
وايه عنوان جابر عبد الشهيد.
عرض للطباعة
ازاي اعرف ان السيراتو سعودي ولا كويتي ولا اماراتي
وايه عنوان جابر عبد الشهيد.
متابع بأهتمام
عنوان جابر عبد الشهيد عنده فرع في شارع السودان .... بالقرب من ارض اللواء .
اما التفرقة بين انواع الخليجي ....... لاسف محتاج خبير ............:120105~352:لان الوحيد ال بيقول ان عندى خليجى سعودى هو سمير الريان وبيقول في لوحة مكتوبة بالعربي ؟؟؟؟؟؟ ان العربية مستوردة طبقا للمواصفات السعودية .... وجميع المنافسين بيقولوا ان ده شغل واشتغاله .... فقط لا غير
شوف يا سيدي الفاضل انا كنت عملت موضوع هنا على المنتدى وكنت بسأل نفس سؤالك دة ، لأني كنت مقبل على شراء سيارة كيا سيراتو لوالدي ... ولم اصل الى اجابة واضحه
وبعد اللف على معارض كتير وجدت ان هناك 3 انواع من السيراتو
1- سعودي ( ويمكن التأكد منها عن طريق لوحه سوداء ملصقه على عتب السيارة اسفل باب السائق مكتوب عليها ان السيارة مصنعه طبقا للمواصفات السعودية الخليجية)
2- كويتي
3- أردني ( ودي كتير بيشككوا فيها وفي جودة تقفيلها ووصل الأمر لبعض التجار انهم قالوا انها اصلا اسرائيلي ويقال عنها اردني لعدم نفور الناس عنها ... والله اعلم)
طبعا كل تاجر بيحاول يحلي بضاعته ويسوء في بضاعه الآخرين
فمثلا جابر عبد الشهيد عندة كل السيارات السيراتو سعودي وعليها اللوحه السوداء ويشكك في السيارة الخليجي الغير ملصق عليها هذه اللوحه
وناشيونال موتورز يقول ان سياراته خليجي ( وطبعا مش عليها اللوحه السعودي) ولو زنقتهم في الكلام يقولك انا بستورد السيراتو من الشركة الأم في كوريا ، لكنه معروف بين الناس انه سياراته كلها اردني ... لكن بصراحه عندهم ميزه وهي انه بيديك ضمان للسيارة
سمير ريان راجل صريح عندة من السيراتو كتير ويقولك دي سعودي ودي اردني وكل واحدة ليها سعرها واشتري اللي انت عايزه
معلش انا طولت عليك لكن في نقطة مهمة عايز اقولها
التجار في السوق يسوقون للسيارات الخليجي بقولهم
1- السيارة الخليجي تكييفها اقوى
2- دهانها مصمم ليتحمل ظروف الجو الحارة
3- السيارة الخليجي تقفيلها احسن من المصري
ولكن هذا الكلام مع الأسف لن تستطيع ان تتحقق منه ... وفي النهاية يبقى مجرد كلام
http://img191.imageshack.us/img191/2515/saudispecs.jpg
دي اللوحة اللي على العتب - عربية مواصفات سعودي
وفيه طريقة تانية أسهل وهي انك تشوف البادج (ورقة) على زجاج الباب الخلفي شمال (الباب اللي ورا السواق)
بيكون مكتوب فيها اسم المورد - الميناء اللي دخلت منها العربية - البلد اللي تم توريد العربية ليها زي دول كدا
عربية من ناشيونال موتورز - مواصفات أردني
http://img263.imageshack.us/img263/8961/jordanaqaba.jpg
ودي عربية الوكيل - دخلت من ميناء الاسكندرية
http://img248.imageshack.us/img248/1074/egyptalex.jpg
وهكذا .........هتلاقي
saudi arabia -jeddah
Kuwait-kuwait
syria-tartoos
وكدة يعني
علشان كدة بعض المعارض بتشيل البادج دة ...الا المعارض المحترمة
والله انا ركبت الكيا بيكاننتو الكويتي و اللي معايا اردني ما لقيتش اي فرق بين الاتنين من حيث الجوده في التقفيل الفرق الوحيد اللي غايظني لغايه دلوقتي ان الكويتي فيها استوب خلفي وانا لا بس بتاعتي فيها مساحه خلفيه و الكويتي لا!!!!!!!!
الف شكر يا جماعة كدة الموضوع وضح ليا بالظبط.
النهاردة رحت معرض عندنا في الزقازيق وشوفوت موديل
فيه جنط 16 وفتحة سقف والتكيف التاتش وواحد ايرباج
وسينسور قالي سعرها 110000 وبصيت علي اللوحة
المعدنية اللي علي العتب لاقيت الكلام اللي عليها بالكوري
وسألته دي مواصفات ايه في الخليجي مكنش راضي يقول
في الاول وبعدين اما ضغط عليه في الكلام قالي انها اردني
وهو مضايق وكان كل كلامه ان مفيش فرق بين السعودي
والكويتي والاردني وان كله جاي من كوريا .كنت سألت
بالتليفون معرض اسمه العقاد في مدينة نصر قالي عنده من
الموديل اللي فوق سعودي و109000 .