الموضوع: نيتروجين

المشاركة الأصلية كتبت بواسطة fat7elbab

السلام عليكم

ازيكم ياشباب

كنت بسأل هل فى حد جرب بدل ماينفخ الكاوتش هوا يحط نيتروجين

ياريت لو حد جرب يقولنا

وايه هى المميزات بتاعت الموضوع ده ؟

وتكلفة الموضوع ده كام ؟

وشكرا

أنا حطيت نيتروجين في صيانة ال 1000 عند أمير وجوزيف وكانت التكلفة 30 جنيه (7.5 جنيه للكاوتشة الواحدة) بعد كدة عرفت إنه السعر ده غالي وبيتعمل ب 20 جنيه في بريدجستون وأعتقد في خصم لإستيكر النايل موتورز في بريدجستون تقريبا التكلفة توصل 12 جنيه بس بصراحة مش متأكد من الخصم قد إيه.

والله أنا ماحسيتش بفرق كبير لأني مكنتش لسة ماشي بالعربية كتير بس اللي أنا ملاحظه إنه ماشاء الله لما بعمل Check على الكاوتش مش بلاقي متغير ولو إتغير يبقي مش أكتر من درجة أقل وده مثلاً كل شهرين وأنا عامل بالعربية 27000 منهم رحلتين لدهب وشرم الشيخ

مميزاته:
بيحافظ على العفشة وأنعم مع المطبات
مابيزيدش أبداً زي الهواء العادي بالحرارة
يقلل من إحتمال إنفجار الإطار لا قدَر الله

عيوبه:
هو مالوش غير عيب واحد إنه مش منتشر (صعب تلاقيه في كل البنزينات وبتوع الكاوتش) بس دي برضوه مش مشكلة لأنك ممكن تزود هواء على النيتروجين عادي..

أنا شايف إنك تجربه وهو تكلفته بسيطة ومش حتخسر حاجة وياريت تنقلنا تجربتك لو قررت

تحياتي

المشاركة الأصلية كتبت بواسطة fat7elbab

متشكر أووى لأهتمامك

طيب ياريت حد يقولى على أماكن بريدجستون فى مدينة نصر

تقاطع عباس العقاد مع مصطفى النحاس وانت جاي من طريق النصر (جوة بنزينة أفتكر كالتكس) على إيدك اليمين (أنا بتعامل معاهم هناك في الترصيص و ظبط الزوايا والنيتروجين) ناس محترمين

تحياتي

متابع باهتمام وياريت فعلا باقى الاراء