الجروب الجامد ده دلنى عليه أخونا اسلام المصرى
http://www.facebook.com/group.php?gid=8372812017
الجروب الجامد ده دلنى عليه أخونا اسلام المصرى
http://www.facebook.com/group.php?gid=8372812017
هه ..جروب غريب ..و الجميل في الموضوع انهم بياكدوا ان الشريحة المستهدفة عندهم مش اكيلة كنتاكي و بيتزا هت و مؤمن و كده ..بل اكيلة عبده تلوث و محسن كبده و فرجللو و غيرهم و غيرهم ..
الاظرف كمان ان مؤسس الجروب دكتور !!!
جامد اوى
و الصور فظيعه
انا فى الشغل الان و بتقطع من الجوع بعد مشاهدة الصور
:D :D :D
أنا برده حد دلنى عليه :)
عايزين نعمل خطة محكمه و برنامج أكل شامل:
كل يوم ناكل فى مطعم من الموجودين فى الصور , هم بس 132 صورة يعنى 132 مطعم , يعنى العملية كلها 4 شهور و كام يوم :D
مين معايا؟؟ ايه نظامك يا اسلام :) ايه نظامك يا حسام :)
معاااااااااااااااك طبعا
أنا عبده تلوث ده كلت عنده مرتين !!!!!!!!!!!!!!
وفعلا أنا بحب أكل الشارع البسيط مش كنتاكي ومؤمن والكلام النظيف ده ، لأ أنا بحب الحاجات الحرشة زي مسمط الركيب و بحه بتاع السمين ، والحوواشي ووووووووووووووووو كفاية هموت من الجوع
انا في الجروب ده..........
و انا غاوي الاكل ده.......ما يغروكوش شكلي......
بس انا بدوس في الاكل ده بطريقه غبيه :d
تصدق انا من ساعة ما شفت الجروب ده و أنا ريقى جرى و نزلت من شوية على عربية الفول اللى جنب قسم السيدة زينب (بقالى 7 سنين ما أكلتش منها) و ضربت كام شقة فول منوعات جامدة قوى، بجد الشتا ده بيعمل عمايل مع الواحد و الأكل بره فيه ليه طعم تانى خصوصا لو كنت من السيدة زينب، أحلى حتةى يتعاش فيها فى العالم.
أنا برده بعشق أكل الشارع جدا :) طبق فول بالزيت الحار و البيض و معاه كام قرص طعمية و 4 رغيف عيش من عند عم جلال "فول الصباح" فى عابدين , أحلى و أطعم عندى من أكلة فى فندق 7 نجوم! مش بقولك أنا جنبك كتكوت , عايزين نروح نهجم على مسمط مره :D
لا لا لا لا لا لا لا مش مصدقك :D :D :D
يبقى لازم أختبرك فى مره :D
يابختك يا حسام (اللهم لا حسد) :o :o :o جوعتنى و أنا داخل أنام خلاص! لما أكون جنبك فى السيدة لازم نتقابل :) و نعمل جولة فى المنطقة :) خصوصا الأكلات ديه ليها طعم تانى فى الشتاء!
مسيرك تشوفني علي عربيه فووول بضرب بتاع 6 شقات....
و ارجع البيت اكمل اكل.....
بس بصراحه ماليش في المسامط....كوارع و فشه و رجلين و ادين :)
انا برضه اول شتا ليا تنزل عليا الفجعة دي لدرجة وزني نط 9 كيلو مرة واحدة في شهر وباحاول اعمل كنترول
ولما بمنع نفسي من الاكل ايدي بتجري على علب الشيكوتات بتاعت كنزي
انا باموت في اكل الشارع بس ماليش في الكميات بتاعت المصري وشاهين
وكنت يوميا وانا رايح العاشر اقف عند عربيات الفول وخاصة اللي عند المركز الطبي العالمي اضرب منها فول وزيت حار وافضل مبنج نص يوم باحاول افوق
بس ماحدش جاب سيرة الجحش
يعني عبدة تلوث جامد وابو رامي السابع ياما رمرمنا منه ايام الجامعة
وكمان الامبراطور بتاع الكشري وحنفي كشري برضه
بس مانزلش عشان اكل لاكن طول مانا في الشارع ارمرم
وماليش في حوارت كنتاكي المقرف ده ولا ماك ومؤمن بقي زفت الوحيد العدل كووك دور
أدى كمان جروب مفيد جدا لسكان المعادى و ضواحيها (أولهم المقطم علشان بحب الفول)
و برضوا اسلام المصرى هو اللى عرفنى بيه
بجد معرفتك مغزية يا اسلام باشا
http://www.facebook.com/group.php?gid=2301154354
ممممممممممممممممممم
الواحد ريقه جرى
ياجماعة انا مش عاوز احبطكم
بس لما يبقى بلد فيها 11 مليون عندهم فيروسات الكبد لازم الواحد يحرص من اكل الشوارع
الصحة غالية برده
انا لسة جاي حالا من عند البرنس في امبابة .. و من كتر ما كلت دخلت في مرحلة هلوسة و غيبوبة مؤقتة .. الاكل هناك جامد جدا .. كلت موزة ضاني
المطاعم ده أكلها له طعم ثانى خالص