أنا مش من القاهريين
لكن ممكن أفيدك
بص يا سيدى لو إنت عايز شارع كامل الشناوى بتاع جاردن سيتى
يبقى حتعمل كالآتى
حتيجى م الزراعى و تاخد مجلس المدينة لحد كورنيش النيل
و تمسك الكورنيش على طووووووول ، تفضل ماشى ف الطريق الرئيسى
لا يمين و لا شمال
حتعدى فوق النيل
تفضل ماشى برضه
الطريق حيجيبك يمين و بعدين شمال خليك برضه ماشى
حيعدى فوقيك كوبرى روض الفرج ، محطة مياه روض الفرج ، كوبرى إمبابة المميز ، أبراج نايل سيتى و مركز التجارة على شمالك ، مول أركاديا ، فندق كونراد ، حيعدى فوقيك بعدها كوبرى 26 يوليو ، وزارة الخارجية على شمالك ، الإذاعة و التليفيزن ماسبيرو ، رمسيس هيلتون ، نايل هيلتون ، كل دول على شمالك لحد ما يعدى فوقيك كوبرى قصر النيل و أول لما تقرب من الفور سيزون خد أول يوترن و لف ناحيته و الشارع إللى بعده أدخل يمين فى تانى شارع شمال يقابلك ده شارع كامل الشناوى ......
طبعاً الطريق ده أقصر طريق لكن مش أسرع خاصة فى بلد زى القاهرة ....
ممكن بقى تاخد الدائرى ف اتجاه الصحراوى و تنزل منزل المحور و تدخل على ميدان لبنان و تفضل ماشى على طووول فى شارع 26 يوليو لحد ما تعدى كوبرى 26 يوليو و تخلصه و تنزل نزلة الكورنيش إللى قبل كوبرى 15 مايو و دى مميزة بمبنى وزارة الخارجية المعروف و تكمل ف نفس السكة بعد كده
و ربنا معاك
المفضلات