ياريس ولا افيو ولا نيو اكسنت !!!!!!!!!!!!!!!!!!!!!

**Yarisawy** · 19-01-2008 01:51 PM

السلام عليكم

انا ناول خلال شهرين اشترى عربيه جديده ان شاء الله بس محتار بين كذا عربية بس انا على العموم عايز عربية

- عائلية , اقتصادية , توكليها كويس , مفيهاش مشاكل كتيرة وتعيش معايا وسعرها يكون تمنه فيه
انا عموما من النوع مش بجرى ومش بسحب جامد ممكن ساعات امشى بسرعه بس مش العادى

1- الياريس .. شكلها كان عاجبنى من زمان وكمان دى يابانى بس فى ناس بتقول ان العربية دى خفيفة اول وسهله انها تتقلب وكمان 1300 سىسى

2- نيو اكسنت .. شكلها يعنى وسعرها ارخص بس الناس بتقول عيبها انها كورى وتوكليها وحش اوى

3- افيو ... بيقولوا عربية حلوة وارخصهم بس هيا لانوس ومش فخمه ذى الياريس

بصراحة انا محتار جامد ساعات كمان بفكر فى جين2 بس طبعا انا مش عايز اجازف انا عايز عربية تعيش معايا ومضمونه ... وبفكر فى كيا ريو بس مش عارف ايه نظامها

ياريت اى حد عنده معلومات مايبخلش عليا لان الواحد خايف انه يدبس والواحد مش هايجيب عربية كل يوم

ياترى ايه رأيكوا بجد انى احسن عربية فى دول ... عائلية .. توكيل .. مشاكل قليلة .. سعرها مش خساره فيها.... قطع غيار رخيصه

**Megane** · 19-01-2008 03:50 PM

السلام عليكم
لو عائلية .. توكيل .. مشاكل قليلة .. سعرها مش خساره فيها.... قطع غيار رخيصه
يبقى مفيش غير الأفيو بلا منازع و هذا لانها عائلية و توكيل منصور فوق الممتاز و قطع غيارها رخيصة جدا بالمقارنة بالياريس و النيو أكسنت

**mino** · 19-01-2008 03:55 PM

الافيو 76000 و النيو اكسينت 80000 و الياريس 90000
فرق السعر كبير لو مش فارق معاك يبقي ياريس طبعا
انت بتقارن مصري و كوري و ياباني اختار انت ! ! !

الجين2 يعيبها سعر اعادة البيع لو هتغير كمان سنتين او تلاتة

**limo** · 19-01-2008 04:26 PM

لو انت تقدر على الياريس يبقى ياريس من غير كلام

**أبو عبدالله** · 19-01-2008 05:29 PM

ياريس طبعا
وموضوع بتتقلب عالطول دي
يبقى كل ما الواحد يمشي على الطريق السريع بيلاقي عربيه ياريس مقلوبه
يعني ده تهويل كبير جدا ولا يوجد له صحه
والناس يظهر لا تأخذ في الاعتبار ان كل العربيات الــ 1300 سي سي غالبها اذا لم يكن كلها بتبقى خفيفة على السرعات العاليه
وده راجع لأنها فئة صغيره من العربيات ليس المطلوب منها انها تمشي على هذه السرعات عالطول وبشكل مستمر

**Yarisawy** · 19-01-2008 10:11 PM

الف شكر يا رجاله على المساعده

طب اخبار كيا ريو ايه ... انا سالت التوكيل النهارده وقالى موديل 2008 هاينزل على اخر الشهر وهاتبقى فى حدود 83 الف Full Option
وضمان 5 سنين

ياترى ايه ؟؟؟؟ :)