برضة مع أحترامى مع عقلية كل مؤيدين البرادعى أنا مش معاة حتى و لو بـ1%
أنا مش مع حد خالص من المرشحين إلا لما أدرس الأول خططهم المستقبليه و طبعا مع معرفة مين ورا
دا إنسان تاريخه كله مع أمريكا أة أنا مقدر علمه الكبير لكن مقدرش شخصيته الملوثة بثوب السلام الأمريكى
و فعلا أنا معاك أن النظام المستفيد من الثبات على خطة التعليم و محمد على إلى بندرسه من أول 3 أبتدائى لحد 3 ثانوى
طيب لو عندك 30% أو 40% من الشعب أختاروا عزل وزير التربيه و التعليم و عزل كل المنظمات الفاشله أنت فكرك كدة أنهم هيطنشوا ؟
طيب بص على طلاب كليه حقوق كليه الشعب و كليه كل عواطلجى يتهئ لى مفيش دراسة أكتر من كدة فى الدولة تعرفك حقوقك و هما فين ؟
العمليه مش عمليه دراسة و مذاكرة عشان تدخل بيها الأمتحان العمليه عمليه فهم و عملى و شغل بالأيد و تفكير وتعب ذهنى مش أنا ليا فى البلد حق التعبير أنا ليا فى البلد حق التعبير أنا ليا فى البلد حق التعبير و كأنى شريط تسجيل شغال بيقول الكلام و خلاص
موضوع التحرير و أيام الحرب و عبد الناصر و الكلام دة الناس كانت حاسه بالبلد لإنها وسط ضغط دلوقتى إلى بيتولد مولود بالأحباط و بيموت و هوا محققش أى حاجة من إلى فى دماغة و أنت فكرك مثلا بعد 40 سنه لو الحاله بنفس الأحباط كدة أولادك هيقولوا ربنا يخليك يا بابا !؟ دا هيلعنو جيلنا و هيلعنوا اليوم إلى أحنا وهما جينا فيه على وجه الأرض لأننا بنقل و هنخليهم يقلوا