الموضوع: تحب تهدى أية لمصر و لتراب مصر

اهديها روحي لو طلبت اقسم بالله يمين احاسب عليه يوم القيامة بجد مش نفاق

المشاركة الأصلية كتبت بواسطة AMA

شكرا على مشاركتك لكنى عايز أعلق على حاجة

نحب بلدنا الأول و بعد كدة لو حالنا متصلحش يبقى نزعل
نعمل بجد فيها و نتعب و لو حالنا متصلحش يبقى نزعل منها
الهند - كوريا - الصين (محدش سأل نفسه ليه بقوا كدة) عشان بيحبوا بلدهم يعنى من النهاية بيبلعولها
محدش فيكم بيتفرج على الأفلام الأجنبيه و على مخادعين العالم بثوب السلام (أمريكا)
بتشوفوا الجيش بتاعهم بيعمل ازاى لما بيشوف العلم بتاعهم و تحيه العلم و الأنتباه

ما هو الواحد لو عنده ذرة ثقة فى البلد
ان حلها هيتصلح
لكن ده البلد الوحيدة التى ترجع الى الخلف
والبركة فى العقول الاثرية

اى مواطن فى اى بلد بيحب بلده علشان شايف فيها مميزات
اقلها انه عايش كانسان يختار اللى يعجبه
ويمشى اللى مش عجبه
مش زى الاكل الميرى تاكل او تموت من الجوع وتريحنا
كان نفسى الاقى حاجة ادافع بيها عنك

المشاركة الأصلية كتبت بواسطة abogogo

اهديها روحي لو طلبت اقسم بالله يمين احاسب عليه يوم القيامة بجد مش نفاق

فعلا لسه فيه رجاله تدافع عن البلد دى والله يا أبو جوجو و تحياتى ليك بجد و ألف شكر على ردك وأخلاقك العاليه

المشاركة الأصلية كتبت بواسطة zaza_lanos

ما هو الواحد لو عنده ذرة ثقة فى البلد
ان حلها هيتصلح
لكن ده البلد الوحيدة التى ترجع الى الخلف
والبركة فى العقول الاثرية

اى مواطن فى اى بلد بيحب بلده علشان شايف فيها مميزات
اقلها انه عايش كانسان يختار اللى يعجبه
ويمشى اللى مش عجبه
مش زى الاكل الميرى تاكل او تموت من الجوع وتريحنا
كان نفسى الاقى حاجة ادافع بيها عنك
:zb_sor1[1]:

المسلمين أيام الغزوات كان عندهم إيمان بالله كانوا بيحاربوا أضعاف عددهم و كانوا بيكسبوا
فى حرب تحرير سينا كسبنا دا عشان فضل ربنا علينا (خير جنود الله فى القتال)
أنتم شكلكم نسيتوا أن لله جنود لا ترونها
موضوع العقول الأثرية ممكن نتحكم فيه عادى جدا مش عاجبنا التعليم خلاص نحتج و نقول عايزين نغير المنهج الوزارى تخيل كدة لو 30 مليون مصرى من أجمالى 85 مليون بيقول أحنا عايزين التعليم يتعمله خطة جديدة فكرك يعنى أنهم هيتجاهلوهم دا فى نفس اللحظة هيتغير و يتحط نموذج تعليمى جديد
بالنسبه لأن أى إنسان عايش فى بلدة شايف فيها مميزات الصين من حوالى 40 سنه أو 60 سنه مكانش فيها ميزة واحدة الهند كنت عشان تعدى من شارع لشارع بتمشى على كوبرى مصنوع من حبال و خشب دلوقتى شوف الهند و شوف الصين كل دة عشان كانوا أيد واحدة و قالوا لأ



عارف ليه أحنا كدة و كله بيتطور
عشان الناس التانيه بتحب بلدها صح
عايزين نغير التعليم مثلا طيب كلنا نقول لأ و نبقى أيد واحدة مش زى عندنا كله بيقول يا عم هوا أنا إلى هأثر فى البلد دى و فى الأخر بنزعل عشان حالنا مش كويس طيب ماتبتدى بنفسك
أحترم المرور أحترم الناس أعمل حمله عن حاجة مش عاجباك عبر عن إلى مش عاجبك و شوف كام واحد هيبقى معاك من المتفائلين لكن المحبطين بصراحه أنا شايف إنهم مش من حقهم يبقوا مصريين للأسف


أعذرونى ممكن ردى ميعجبش ناس كتير محبطين فى حب مصر لكنى لأ أصنفهم من حساباتى

هو أصلا يعني إيه مصر وتراب مصر؟
الكلام ده ينفع يبقى حلو في الأغاني نظام (ما تقولش إيه ادتنا مصر..قول حندي إيه لمصر)
لكن شأن هذا الكلام كشأن أغلب كلام الشعراء...كلام في الهواء

مصر يعني شعب يعيش على أرض له ماض مشترك ومستقبل مشترك
ندور الأول على النقطة دي وبعد كده نزعل من بعض والموضوع يتحول لنوع من المزايدة..ناس تقول أنا عاشق تراب مصر ومتيم بهواها ..وناس تقول أنا عاوز أتنازل عن الباسبور والبطاقة

مع احترامي للجميع...هذه المفاهيم السطحية للوطنية والانتماء هي اللي جابتنا ورا لغاية الدنيا كلها ماسبقتنا وإحنا لسه قاعدين بنغني للتراب وبنقول إن الدول التانية بتحقد على مصر وبتحسدها
عشان إيه...بأمارة إيه...متفهمش
يعني الحقد والحسد بتاعة الدول التانية اللي إدت لمصر عين هي اللي مكعبلانا لغاية دلوقتي؟
طب ما هو إسرائيل من أكثر الدول المكروهة في العالم..هي فين وإحنا فين

ياباشا
احنا اتحكم علينا من زمان
الصينى والهندى
ليه مطلق الحرية للذهاب الى اى مكان فى العالم
انما المصرى لالالالالالالالالالالالال الالالالالالالالا
عارف ده كان بايد مين
حسبى الله ونعم الوكيل فى الناس اللى موتتنا واحنا احياء
ولاغت كرمتنا ولوثتنا وكرهتنا فى البلد

المشاركة الأصلية كتبت بواسطة newman

على فكرة حب البلد والانتماء ليها غريزة انسانية زى الامومة لكن الناس من يأسها وفى نفس الوقت من حبها لبلد بتنفس عن اللى جواها بالكلام دا
اما بخصوص لو احتلتنا اسرئيل ان احنا هنرحب بيهم لا طبعا بالعكس دا اكتر وقت هتلاقى الناس فيه منتمية لمصر وهيبقى الناس كلها متحدة لهدف قومى واحد وهو الدفاع عن مصر وهنا هتلاقى الناس هتنكشف عن حقيقتها يعنى الشباب اللى بيكتبو دلوقتى هما اللى هايدفعوا عن مصر والناس اللى ماسكة البلد اللى بيدعوا الوطنية الزائفة ووصلونا للدرجة دى دول اول ناس هينكشفوا

بس المفروض الشباب دى تعرف أن رأى أى مصرى دول كتيرة جدا و أشخاص كتيرة بتابعة و بتهتم بيه جدا و منتظرين أراء بالوضع دة عشان خطتها إلى هيا رسماها فى خلال 80 سنه أو 100 سنه يشوفوا هتطبق صح ولا هيتعدل عليها و أحنا يا دوب بالوضع دة بنخطط للحظة إلى أحنا فيها
على العموم ربنا يهديهم هما أصلا لو يعرفوا أن فيه حاقدين بطريقة فظيعة على مصر هيعرفوا يتكلموا كويس لما يعرفوا أن فيه ناس بتقول أن مفيش رجاله فى مصر هيعرفوا أية قيمه رجولتهم فى الجيش إلى بيعتبروه عطله و لما فيه ناس حاقدين على مصر تقول أن حريم مصر عاهرات هيعرف أزاى يتكلم عن مصر إلى موجود فيها أخته و أمه

المشاركة الأصلية كتبت بواسطة بحري

هو أصلا يعني إيه مصر وتراب مصر؟
الكلام ده ينفع يبقى حلو في الأغاني نظام (ما تقولش إيه ادتنا مصر..قول حندي إيه لمصر)
لكن شأن هذا الكلام كشأن أغلب كلام الشعراء...كلام في الهواء

مصر يعني شعب يعيش على أرض له ماض مشترك ومستقبل مشترك
ندور الأول على النقطة دي وبعد كده نزعل من بعض والموضوع يتحول لنوع من المزايدة..ناس تقول أنا عاشق تراب مصر ومتيم بهواها ..وناس تقول أنا عاوز أتنازل عن الباسبور والبطاقة

مع احترامي للجميع...هذه المفاهيم السطحية للوطنية والانتماء هي اللي جابتنا ورا لغاية الدنيا كلها ماسبقتنا وإحنا لسه قاعدين بنغني للتراب وبنقول إن الدول التانية بتحقد على مصر وبتحسدها
عشان إيه...بأمارة إيه...متفهمش
يعني الحقد والحسد بتاعة الدول التانية اللي إدت لمصر عين هي اللي مكعبلانا لغاية دلوقتي؟
طب ما هو إسرائيل من أكثر الدول المكروهة في العالم..هي فين وإحنا فين

لا يغير الله من قوم حتى يغير ما بأنفسهم
يعنى لو أحنا أخدنا بعض على أساس أننا شركة أو مؤسسة أة هننجح جدا لكن مش هتكمل
إسرائيل إلى حضرتك بتتكلم عليها أكتر ناس بتحب بعض و فخورين جدا بكونهم إسرائليين رغم إنهم عارفين إنهم مكروهين و فى أى مكان و فى أى مواجهه مش بيقول أنه أسرائيلى (لو حضرتك أتعاملت مع شخص إسرائيلى حتى لو فى شات) أو لو حضرتك بتقرى شوية عن الصهيونيه و أساليب الإسرائيلى عمتا هتعرف كويس أنه مش بيحب حد خالص إلا أتباعة اليهود و بالأخص الإسرائليين عشان كدة هما منظومة واحدة و ناجحه جدا
لكن شوف العراق !!
شوف إلى كان بيسافر العراق كان بيرجع بفلوس أد أية ؟
دلوقتى أية العراق ؟
كل دة عشان الشعب مش بيحب بعضه متعاونين لكن على المصلحه الشخصية

المشاركة الأصلية كتبت بواسطة zaza_lanos

ياباشا
احنا اتحكم علينا من زمان
الصينى والهندى
ليه مطلق الحرية للذهاب الى اى مكان فى العالم
انما المصرى لالالالالالالالالالالالال الالالالالالالالا
عارف ده كان بايد مين
حسبى الله ونعم الوكيل فى الناس اللى موتتنا واحنا احياء
ولاغت كرمتنا ولوثتنا وكرهتنا فى البلد

طلعلى سبب من كل دة غير السكات و الخضوع !
أنا مش بقول أن أحنا نرضى بالأمر الواقع أنا بقول نتكلم عن مساوئنا عشان نبقى أحسن و أحسن
مش نقول يلا دى بلد بايظة مش هيحصل فيها تغيير دى زبالة الزبالة أنا عايز أسافر منها أنا عايز أغير جنسيتى
طيب أستفدت أية من الكلام دة ؟
هتفضل زى مانت فى نفس البلد و ربنا مش هيحقق حاجة من إلى بالك لأن دى نيات
أمريكا نفسها لحد دلوقتى فيها مصايب سودا و لحد دلوقتى بيحلوا فيها بس الشعب مش ساكت أنت فكرك أن حكومة أمريكا دى يعنى هتديك كل مطالبك !!؟
خدعوك فقالوا أمن و سلام و حريه
شعب أمريكا لو سكت السياسة هناك هتركب عليه و هتدلدل رجليها أصل زى مابيقولوا الفلوس بتعمى العيون لكن دا شعب عنده ثقافة و صوت الشعب كله عبارة عن صوت واحد عشان كدة أخدين حقهم
و الظالم فيهم بصوتهم كلهم بيتعزل لأنهم مش عايزينه كل حاجة باختيارهم
لو أحنا شعبنا كله أيد واحدة هل النظام فى مصر هيقدر يخلينا فى الهامش زى دلوقتى ؟