سرقة اسعار التجميع المحلي ( هام جدا )!

للأسف لسة شايف خبر حالا عن ستروين في الصين و قارنته علي طول بمصر ...

لما سيارة زي الافيو .. تمنها كان 75 الف كوري .. تتجمع في مصر .. تفضل بنفس سعرها او تقل 4-5 الاف جنيه
و لا الفرنا ولا الصني و لا ولا ..

و لما شركة سيتروين تعلن عن بدأ تجميع السيتروين C4 الفرنسية بالصين ..

" مبدأيا لازم نتفق علي حاجة .. تجميع سيارة في الصين حيكون افضل الف مرة من مثليتها في مصر .. و في اسوء الاحوال زيها . انا بتكلم عن تجميع ماركة عالمية " .

في الصين :
السيتروين C4 كانت بتدأ من ( بعاد التحويلات اللازمة ) : 100 الف جنيه مصري الي 140 هلي حسب الموديل و الموصافات الي انت عايزها

بعد بدأ تجميها في الصين ... لو كنا في مصر .. كانت حتيقى مثلا ... 90 الف جنه الي 135 الف ..

في الصين بقى . شركة سيتروين دوجفنج الصينية :
سياتروين ال C4 الصيني حتبدأ من ::
70 الف جنيه مصري الي 100 الف جنيه مصري .. حسب الموديل .

يعني نسبة تقريبا .. 30% اقل في الآسعار ..
حتقولي الصين عمالة رخيصة و وو وو و
حقولك طيب مصر .. تيبقلا 20% مثلا ... !!

مش 75 ,الي 70 .. مكمتلش 7% حتي !! و ياريتها بنفس الموصفات و الاداء و التقفيل ....

اقتباس:

---

المشاركة الأصلية كتبت بواسطة CryptonX

للأسف لسة شايف خبر حالا عن ستروين في الصين و قارنته علي طول بمصر ...

لما سيارة زي الافيو .. تمنها كان 75 الف كوري .. تتجمع في مصر .. تفضل بنفس سعرها او تقل 4-5 الاف جنيه
و لا الفرنا ولا الصني و لا ولا ..

و لما شركة سيتروين تعلن عن بدأ تجميع السيتروين C4 الفرنسية بالصين ..

" مبدأيا لازم نتفق علي حاجة .. تجميع سيارة في الصين حيكون افضل الف مرة من مثليتها في مصر .. و في اسوء الاحوال زيها . انا بتكلم عن تجميع ماركة عالمية " .

في الصين :
السيتروين C4 كانت بتدأ من ( بعاد التحويلات اللازمة ) : 100 الف جنيه مصري الي 140 هلي حسب الموديل و الموصافات الي انت عايزها

بعد بدأ تجميها في الصين ... لو كنا في مصر .. كانت حتيقى مثلا ... 90 الف جنه الي 135 الف ..

في الصين بقى . شركة سيتروين دوجفنج الصينية :
سياتروين ال C4 الصيني حتبدأ من ::
70 الف جنيه مصري الي 100 الف جنيه مصري .. حسب الموديل .

يعني نسبة تقريبا .. 30% اقل في الآسعار ..
حتقولي الصين عمالة رخيصة و وو وو و
حقولك طيب مصر .. تيبقلا 20% مثلا ... !!

مش 75 ,الي 70 .. مكمتلش 7% حتي !! و ياريتها بنفس الموصفات و الاداء و التقفيل ....

---

تحيا جمهوريه مصر العربيه

لو لم اكن مصريا لوددت ان اكون ..............................

الفكرة في الجشع و سياسة السوق المغلق و المتكتف بالجمارك العالية و علشان كده اللي بيجمع بيحط السعر اللي هو عاوزه

تحيا مصر يا جماعة و تحيا سياسة الأحتكار للسوق المحلي

تحيا منصور شيفولية

اقتباس:

---

المشاركة الأصلية كتبت بواسطة CryptonX

لما سيارة زي الافيو .. تمنها كان 75 الف كوري .. تتجمع في مصر .. تفضل بنفس سعرها او تقل 4-5 الاف جنيه

---

يا ريت يا باشا ،،

دي غليت تلتلاف جنيه عن سعرها و هيا كوري !!!!!!!!!!!!

لا ياستاذ CryptonX انا لست متفق معاك ان الصناعة الصينى افضل ولكن التشطيب افضل واذا عالجت عيوب التشطيب دى بيكون فية منتج احسن من الصينى
موضوع الاسعار فى مصر فية فعلا مبالغة وده مش جشع تجار اد ماهو سياسة فاشلة من الحكومة فى اى شيى وربنا يخلصنا منهم قبل فوات الاوان

living in this country is a lose lose situation :(

يا جماعه الكلام منطقى بس أعلق على نقطتين :
=====

1- منصور ليس له أى صلة من بعيد أو من قريب بتجميع أوبل أو شيفورليه أو غيرهم
منصور مجرد توكيل و بـــــــــــس
إللى بيجمع هنا جنرال موتورز ذات نفسها و المصنع و الإدارة بتاعت جنرال موتورز ده مبدأيا
أحب أضيف إن تجميع جنرال موتورز هنا على نفس جودة الكورى 100% مايقلش بأى حال من الأحوال لأن الإدارة إدارة جنرال موتورز ومش وكيل محلى ذى غبور أو أبو الفتوح فالوضع مختلف و قارن الكورى بالمصرى حطهم جمب بعض مش هاتلاقى فرق

---------
2- ودى النقطة الأساسية فى الموضوع و المهمة وهى سياسة التسعيير و رفع الأسعار

إحنا عندنا السوق المصرى لا يقارن بأى سوق على مستوى العالم نهائى ولا حتى فى المريخ لأن مصر أم الدنيا فطبيعى ماتلقيش حاجة عندنا موجودة فى حته تانية لازم يكون فى تفرد تام فى كل حاجة


الراجل إللى فاتح مصنع و بيجمع هنا سواء بى إم أو مرسيدس أو أوبل أو شيفورلية أو هيونداى

تعالوا نحسبها سويا و نشوف الراجل ده كسب إيه :
------------
1- إجبارى عليه إن على الأقل 40% من مكونات العربية تكون صناعة محلية و بالتالى ال 40% دوول مفيش عليهم جمرك - مفيش عليهم التكلفة الغالية عشان صناعة محلى بأيدى عاملة أرخص و أعتقد الضرايب بتكون أقل كمان

2- يتبقى 60% من العربية أساسى تكلفة شحنهم و جمركهم و ضريبتهم أقل بكثير من ما كان هايجوا عربية كاملة

طب العربية قبل تجميعها المحلى كانت بتباع ب X شيلت أنا رقم كبير من ال X راح فيين ؟

هاتردوا عليا تقولولى كالته القطة هم مم بالهنا و الشفا

تعالوا نحسب على حسبة أنا مرة حسبتها زمان و أعتقد كتبتها على المنتدى زمان برده
------------

BMW 320 سعرها حوالى 22 ألف دولار بره = 121000 جنية مصرى

طيب الراجل إللى هايجمعها هنا ده هايعمل إيه:-
=========
1- الراجل ده مش زبون من الشارع لأ ده تابع للشركة الأم و عمره ما هاياخد العربية بنفس سعر العميل العادى يعنى لو هاياخدها ب 17 ألف دولار يبقى وخدها غالى و هانحسب على الغالى ده و أوريكم الراجل ده ضرب علينا قد إيه

سعر العربية 17 ألف دولار = 93500 جنيه مصرى و هانمشيها بالشحن كده

طب الراجل ده بيجمع محلى يعنى 40% صناعة محلى و بيجيب 60% الباقى من هناك يعنى

56100 جنيه مصرى دى قيمت الحاجات إللى هايجيبها من بره و الباقى المفرود كلفتهم من بره = 37400 جنبه مصرى لكن دوول هايتعملوا هنا بتكلفة أقل و هانقول هياتكلفوا تقريبا 27000 جنيه مصرى وده فرق أيدى عاملة من ألمانيا لمصر وده مش كثيير

طب الجمرك على ال 56100 ده هايكون كام ؟؟ المفرود لو عربية 2000 سى سى جمرك + ضريبة 205 % ودى مش عربية كاملة و مع ذلك هانحسب على ال 200% يعنى كده إجمالى ال 60% هايقفوا على الراجل ده بالسعر الغالى = 168300 جنيه مصرى

يبقى العربية بالسعر الغالى على أعلى تقديرات = 168300 + 27000 = 195300 جنيه مصرى

===== الراجل المفترى ده بقى بيبيع العربية دى ب 364000 جنيه مصرى =====

يعنى مطلع مكسب فى العربية الواحدة = 168700 جنيه !!

ده لو بيبيع مخدرات مش هايكسب كده

ده مثال صغير بس يبين الإفترى و السرقة إللى إحنا بنتعرض ليها هنا مش هاقول إن المواطن الأوروبى أو الأمريكى بيدفع 22 ألف وحدة دخل من دخله و إحنا بندفع 364 ألف من دخلنا عشان نركب البى إم

لأ أنا بقول ال 168 ألف الزيادة دوول راحوا فيين ؟ و قطة إيه دى إللى أكلتهم دى أكيد نمر مش قطة :) و عمار يا مصر

فى سنة 2006 الجمارك قلت على مكونات العربيات و دة لتشجيع صناعة التجميع المحلية
الموتور كانت جماركة و دة اعلى حاجة تقريبا 30% و اصبحت 10% بس و حاجات تانية 5% جمارك
يعنى ال 60% مكونات مستوردة جماركهم بسيطة مش عالية
انا فاكر قبل تطبيق الكلام دة الفيرنا كانت بتتكلف لغاية لما تخرج من المصنع 41الف جنية
و الكلام دة من مهندس شغال فى غبور
دلوقتى مفروض يقلو مش يزيدو

وسيظل العمل بحزمة قوانين حماية الإحتكار وحماية وتشجيع السادة المحتكرين
في مصر عرين المحتكرين في العالم

أما هنا العربية تجمع في مصر وفوق كل ده يخدوا زياردة جمارك 70%

اقتباس:

---

المشاركة الأصلية كتبت بواسطة fuad

لا ياستاذ CryptonX انا لست متفق معاك ان الصناعة الصينى افضل ولكن التشطيب افضل واذا عالجت عيوب التشطيب دى بيكون فية منتج احسن من الصينى
موضوع الاسعار فى مصر فية فعلا مبالغة وده مش جشع تجار اد ماهو سياسة فاشلة من الحكومة فى اى شيى وربنا يخلصنا منهم قبل فوات الاوان

---

اسف لكن لأ .. مستوى التجميع و التصنيع الصيني احسن من مصر و اي بلد عربي اخر بنسبة فوق ال 200% في الماركات العالمية و ده مش كلامي انا .. و اكبر دليل ان شركات زي " بي ام دبليو " - " فولكس فاجن " - " مرسيدس " و " جنرال موتورز " بصدروا سيارتهم من الصين الي باقي دول اسيا و في سنة 2010 - جنرال موتزز حتستورد 12 موديل لها من الصين للبيع مباشرة في امريكا .

بينما كل المجمعين المصريين من اسوئهم الي احسنهم للانتاج المحلي " فقط " !!!

الصناعة المصرية جيدة و لكن في مجالاة محددة انما اصلا صناعة السيارات في مصر حتى المكون ال 40% المصري ده ملوش اي علاقة بالسيارة نفسها .. زجاج علي جلد علي ضفاير و كابلات و خلص الموضوع علي كدة .

والي فاكر مصر دي سوق سيارات .. او زي ما الفطيم بيقلك مواصفات مصرية و الكدب الكدب الكدب ده كله !
في مصر سنة 2007 اتباع 260 الف سيارة ( ملاكي + نقل + كل حاجة )
في الصين .... شركة شيري " الصينية " الي بنشتم فيها هنا ( اسبرانزا ) باعت لوحدها بس في 2007 - 300 الف سيارة و هي في المركز الرابع ... جنرال موتورز بايعة مليون سيارة في سنة 2006 بس

فلو عايز تقولي ان ااناس هناك بهايم .. اسف . .احنا الي بمنفهمش حاجة في العربيات .. و هما صناعتهم و تشطيبهم و كل حاجة افضل منك 1000 مرة !!

اقتباس:

---

المشاركة الأصلية كتبت بواسطة memo_hefnawy

يا جماعه الكلام منطقى بس أعلق على نقطتين :
=====

1- منصور ليس له أى صلة من بعيد أو من قريب بتجميع أوبل أو شيفورليه أو غيرهم
منصور مجرد توكيل و بـــــــــــس
إللى بيجمع هنا جنرال موتورز ذات نفسها و المصنع و الإدارة بتاعت جنرال موتورز ده مبدأيا
أحب أضيف إن تجميع جنرال موتورز هنا على نفس جودة الكورى 100% مايقلش بأى حال من الأحوال لأن الإدارة إدارة جنرال موتورز ومش وكيل محلى ذى غبور أو أبو الفتوح فالوضع مختلف و قارن الكورى بالمصرى حطهم جمب بعض مش هاتلاقى فرق

---------
2- ودى النقطة الأساسية فى الموضوع و المهمة وهى سياسة التسعيير و رفع الأسعار

إحنا عندنا السوق المصرى لا يقارن بأى سوق على مستوى العالم نهائى ولا حتى فى المريخ لأن مصر أم الدنيا فطبيعى ماتلقيش حاجة عندنا موجودة فى حته تانية لازم يكون فى تفرد تام فى كل حاجة


الراجل إللى فاتح مصنع و بيجمع هنا سواء بى إم أو مرسيدس أو أوبل أو شيفورلية أو هيونداى

تعالوا نحسبها سويا و نشوف الراجل ده كسب إيه :
------------
1- إجبارى عليه إن على الأقل 40% من مكونات العربية تكون صناعة محلية و بالتالى ال 40% دوول مفيش عليهم جمرك - مفيش عليهم التكلفة الغالية عشان صناعة محلى بأيدى عاملة أرخص و أعتقد الضرايب بتكون أقل كمان

2- يتبقى 60% من العربية أساسى تكلفة شحنهم و جمركهم و ضريبتهم أقل بكثير من ما كان هايجوا عربية كاملة

طب العربية قبل تجميعها المحلى كانت بتباع ب X شيلت أنا رقم كبير من ال X راح فيين ؟

هاتردوا عليا تقولولى كالته القطة هم مم بالهنا و الشفا

تعالوا نحسب على حسبة أنا مرة حسبتها زمان و أعتقد كتبتها على المنتدى زمان برده
------------

BMW 320 سعرها حوالى 22 ألف دولار بره = 121000 جنية مصرى

طيب الراجل إللى هايجمعها هنا ده هايعمل إيه:-
=========
1- الراجل ده مش زبون من الشارع لأ ده تابع للشركة الأم و عمره ما هاياخد العربية بنفس سعر العميل العادى يعنى لو هاياخدها ب 17 ألف دولار يبقى وخدها غالى و هانحسب على الغالى ده و أوريكم الراجل ده ضرب علينا قد إيه

سعر العربية 17 ألف دولار = 93500 جنيه مصرى و هانمشيها بالشحن كده

طب الراجل ده بيجمع محلى يعنى 40% صناعة محلى و بيجيب 60% الباقى من هناك يعنى

56100 جنيه مصرى دى قيمت الحاجات إللى هايجيبها من بره و الباقى المفرود كلفتهم من بره = 37400 جنبه مصرى لكن دوول هايتعملوا هنا بتكلفة أقل و هانقول هياتكلفوا تقريبا 27000 جنيه مصرى وده فرق أيدى عاملة من ألمانيا لمصر وده مش كثيير

طب الجمرك على ال 56100 ده هايكون كام ؟؟ المفرود لو عربية 2000 سى سى جمرك + ضريبة 205 % ودى مش عربية كاملة و مع ذلك هانحسب على ال 200% يعنى كده إجمالى ال 60% هايقفوا على الراجل ده بالسعر الغالى = 168300 جنيه مصرى

يبقى العربية بالسعر الغالى على أعلى تقديرات = 168300 + 27000 = 195300 جنيه مصرى

===== الراجل المفترى ده بقى بيبيع العربية دى ب 364000 جنيه مصرى =====

يعنى مطلع مكسب فى العربية الواحدة = 168700 جنيه !!

ده لو بيبيع مخدرات مش هايكسب كده

ده مثال صغير بس يبين الإفترى و السرقة إللى إحنا بنتعرض ليها هنا مش هاقول إن المواطن الأوروبى أو الأمريكى بيدفع 22 ألف وحدة دخل من دخله و إحنا بندفع 364 ألف من دخلنا عشان نركب البى إم

لأ أنا بقول ال 168 ألف الزيادة دوول راحوا فيين ؟ و قطة إيه دى إللى أكلتهم دى أكيد نمر مش قطة :) و عمار يا مصر

---

ده صحيح يا ميمو
بس في حاجة لازم تعرفها
الصين ... 55% من اي سيارة لازم يبقى صيني و كمان اي شركة عايزة تجمع هناك مملوكة 51% لشركة صينية او الحكومة و 49% للشركة الاجنبية .

يعني نسبة اعلي من هما بكتير
ويا جماعة متدحكوش علي نفسكوا ..

الصين تاني اكبر سوق سيارات في العالم بعد امريكا .. انا مش بقارن في اي حاجة علشان احنا تحت خالص ... خــــــــــــــــــالص لا نقارن بولاية واحدة في الصين حتى .. و الدليل ان في مصنعين بسيبوا حتى وكلائهم الصينين يصمموا و يغيروا اشكال سيارتهم بما يتناسب مع السوق الصيني .

لآ لادنا حسبت جمارك المحلي 100%
زي المرسيدس S-Class سعرها بره 120 ألف دولار (يعني 700 ألف جنيه وبتتباع هنا ب مليون و 400 ألف

حعيط بجد :(

مهزلة!!!!!!

يا استاذ CryptonX انا معاك ومصر لاتقارن ابدا بالصين ويوم ما نصنع ولو جزئيا احتياجات نصف الشعب المصرى ومش تصدير ولاكلام كبير هنكون بنمشى فى طريق الاصلاح ولكن لو كل واحد طلع وقال الصناعة المصرية زبالة واللى مقتنع بيها مش فاهم حاجة تفتكر هو كدة بآة راجل فاهم وعرف اللى الناس دى مش عرفاة انا راى لو اى منتج مصرى تيجى تقارنة بمنتج اجنبي لازم نحط لة عل الاقل 20 فى المية زيادة بدون سبب تقنى ولكن بسبب خوفنا على البلد من الانهيار الكامل والحكومة عندها استعداد تبيع اى شيئ حتى الهرم وسيتبقى للمصرى البكاء على اطلال هذا البلد الجريح

يا اخوانا انتو بتتكلموا فى ايه
احمد باشا عز بيصدر الحديد و يبيعه بره بعد الشحن و الجمارك و مصاريف التصدير ارخص 30-40% من السعر اللى بيبيع بيه فى مصر
ده طبعا عشان مصر مفيش فيها احتكار (و بالذات فى حديد التسليح)
هتيجو انتو و تعيبوا على بتوع العربيات
هيا البلد كده و معندهاش حد تفعصه غيرك انت و هو وانا
و اللى مش عاجبه !!!!!

اقتباس:

---

المشاركة الأصلية كتبت بواسطة fuad

يا استاذ CryptonX انا معاك ومصر لاتقارن ابدا بالصين ويوم ما نصنع ولو جزئيا احتياجات نصف الشعب المصرى ومش تصدير ولاكلام كبير هنكون بنمشى فى طريق الاصلاح ولكن لو كل واحد طلع وقال الصناعة المصرية زبالة واللى مقتنع بيها مش فاهم حاجة تفتكر هو كدة بآة راجل فاهم وعرف اللى الناس دى مش عرفاة انا راى لو اى منتج مصرى تيجى تقارنة بمنتج اجنبي لازم نحط لة عل الاقل 20 فى المية زيادة بدون سبب تقنى ولكن بسبب خوفنا على البلد من الانهيار الكامل والحكومة عندها استعداد تبيع اى شيئ حتى الهرم وسيتبقى للمصرى البكاء على اطلال هذا البلد الجريح

---

خوفي علي منتج بلدي مش معناه اني اعمل زي النعامة و احط راسي في الارض و انسه عيوبه
خوفي علي صناعة بلد يحتم عليا اني استعمل المتنجات الجيدة فعلا بدل مجيب اجنبية بس و ابعد تماما بل و اشوه سمعة اي منتج اخر " مصري " سيء ... مش استعمله و اقول معلش اصله من بلدي .. و بعدين ؟ حيجي التحسن منين ؟

بدل منعد نقاطع المنتجات و نقول دي يهودية و دي امريكية ياريت نقاطع منتجات البلد الغير صالحة للاتهلاك الادمي علشان تنضف و تتطور
و تبدل المنتجات الاخرى بمثيلتها المصري .

هو ده تشجيع المنتجات المحلية .. للتي تستحقفه فقط .. مش عمال علي بطال .

و الدليل حضرتك ان اخر احصائيات في الصين .. اكتر من 70% من سكان الصين لا يثقون بالسيارات الصينية ( الماركات الصينية ) و يفضلون سيارتهم الاولي و الاساسية تكون ماركة عالمية و سيارتهم التانية ممكن تكون صينية .

ليه ؟ بيكرهوا بلدهم ؟؟ طبعا لآ و لكن ده حث كل الشركات الصينية علي التطوير و التفكير في سوقهم المحلي اولا قبل الهلع الي الاخر

و الدليل انظر للسيارات الصينية اول مجتلنا .. , انظر الان و كمان 4-5 سنين حتبقى عاملة ازاي .

انا لم و لن اشجع منتج مصري سيء حتى لو كان والدي هو الي عامله
انما المنتجات الجدية هي التي تشجع و تستعمل و عيب نستعمل الاجنبي منها

انما عيب ان احن نستعمل حاجة سيئة او مضرة .. و اسكت عليها كمان .. علشان دي صناعة بلدي !

استاذ CryptonX انا معاك فى كثير مما تطرحة ولكن احب ان وضح لك الحالة المصرية الحالية حكم فاسد لايجيد التخطيط وشعب كثير العدد وانتاجة اقل كثير من احتياجاتة زائدا هذا الانتاج اقل جودة من غيرة هذة المواصفات لاتنطبق مجتمهة على اى من الدول التى نتحدث عنها وارى انه يجب على مواطنى هذا البلد الاصرار على عدم خروج اى اموال خارجة وذلك باختيار منتجات محلية ويجب ان نتخير الصالح منها طبعا ونقف ورائها بكل ما اوتينا من قوة ويجب ان تكون هناك تضحيات طالما قادرون على التعايش معها وتوعية شبابنا بالمصير البائس الذى ينتظرة اذا هو تخلى لاى سبب حتى ولو كان عقلانى ومنطقى - ساعطى لك سناريو سمعت ان الحكومة ستبيع شركة النصر العريقة وعلى فكرة الفشل الذى نراةهناك ليس من العمال والموظفين ولكن ادارة ربما تكون فاسدة امتداد لحكم فاسد يعنى ربماتباع لمستثمر مصرى فاسد ايضا يسرح العمال ويغلق الصرح او مستثمر اجنبي ويتحول المصرى العامل الى خادم والمكاسب سوف تحول الى الخارج ويظل المصرى عبدا - هذا هو التفكير المنطقى - هل توافق على هذا المصير البائس - انا شخصيا لا اتمنى اى من هذا ولكن الامنيات وحدها لاتكفى يجبب ان ناخذ خطوات عملية ولا نفكر - هوة انا اللى هاصلح الدنيا لا كل واحد يعمل اللى يرضى ضميرة وبس.
نرجع لموضوع المقاطعة نعم ساقاطع اى منتج صادر من دولة تكرهنا والا بنكون بنحط رؤسنا فى النار وليس الارض فقط - انا استهلك ما ننتجة واكون عزيزا فى بلدى ولصالح اخوانى ولا يهمنى الاخر انشلة حتى يوصل السحاب طالما انا لا استطيع الوصول لة لن استعير مركبتة للوصول الية

اقتباس:

---

زي المرسيدس S-Class سعرها بره 120 ألف دولار (يعني 700 ألف جنيه وبتتباع هنا ب مليون و 400 ألف

---

وانا كمان هعيط

اقتباس:

---

المشاركة الأصلية كتبت بواسطة fuad

استاذ CryptonX انا معاك فى كثير مما تطرحة ولكن احب ان وضح لك الحالة المصرية الحالية حكم فاسد لايجيد التخطيط وشعب كثير العدد وانتاجة اقل كثير من احتياجاتة زائدا هذا الانتاج اقل جودة من غيرة هذة المواصفات لاتنطبق مجتمهة على اى من الدول التى نتحدث عنها وارى انه يجب على مواطنى هذا البلد الاصرار على عدم خروج اى اموال خارجة وذلك باختيار منتجات محلية ويجب ان نتخير الصالح منها طبعا ونقف ورائها بكل ما اوتينا من قوة ويجب ان تكون هناك تضحيات طالما قادرون على التعايش معها وتوعية شبابنا بالمصير البائس الذى ينتظرة اذا هو تخلى لاى سبب حتى ولو كان عقلانى ومنطقى - ساعطى لك سناريو سمعت ان الحكومة ستبيع شركة النصر العريقة وعلى فكرة الفشل الذى نراةهناك ليس من العمال والموظفين ولكن ادارة ربما تكون فاسدة امتداد لحكم فاسد يعنى ربماتباع لمستثمر مصرى فاسد ايضا يسرح العمال ويغلق الصرح او مستثمر اجنبي ويتحول المصرى العامل الى خادم والمكاسب سوف تحول الى الخارج ويظل المصرى عبدا - هذا هو التفكير المنطقى - هل توافق على هذا المصير البائس - انا شخصيا لا اتمنى اى من هذا ولكن الامنيات وحدها لاتكفى يجبب ان ناخذ خطوات عملية ولا نفكر - هوة انا اللى هاصلح الدنيا لا كل واحد يعمل اللى يرضى ضميرة وبس.
نرجع لموضوع المقاطعة نعم ساقاطع اى منتج صادر من دولة تكرهنا والا بنكون بنحط رؤسنا فى النار وليس الارض فقط - انا استهلك ما ننتجة واكون عزيزا فى بلدى ولصالح اخوانى ولا يهمنى الاخر انشلة حتى يوصل السحاب طالما انا لا استطيع الوصول لة لن استعير مركبتة للوصول الية

---

انا معاك يا استاذ فؤاد 100%
بالنسبة لشركة النصر , انا شايف لو اتبعنا سياسة الصين في مصانع السيارات حتيقى احسن حاجة ليه .. يتباع منه 40-45 % لمستثمر عربي - اجنبي و الباقي يفضل مملوك للحكومة او مالكيه الحاليين بكدة تستغل استثمارات الخارج بدون ان تصبح " خادم " علي رأيك .

انا بس بتكلم علي الناس الي معندهاش ضمير في المنتجات المحلية اذا كان في غلاء الاسعار او حتى جودة المنتج نفسه
شوف كم المنتجات الغذائية و المياة و اللحوم و الزيوت و السمنتة الفاسدة الي بنقرأ عنها كل يوم !

و اخر حاجة غاظتني .... Tshirt اديداس واحد اشتراهولي من الصين ( من محل اديداس الاصلي ) تمنه كان تقريبا ما يعادل 80 جنيه مصري . نفس ال Tshirt بنقس الخالمات و نفس التشطيب هما بالظبط في محل اديداس .. ب 219 جنيه مصري .

طب دي فيها جمارك ؟ فيها ضرايب ؟؟ ده مصنع محلي !!
حتقلي ماشي دي ماركة اجنبية ... مش احنا المتحكمين في التسعير .

حقلك عندك محلات الملابس المصري ... Daly Dress مثلا .. الي بقى فاكر نفسه Armani و لاحاجة ..قميص سادة شكله من العتبة من الشارع .. مع فارق العلامة ... 350 جنيه مصري .. اخوه الصيني ب 90 جننه .. و الاتنين قطن 100% !

انا اسف بس لو في حاجة اجنبية بتأدي نفس الغرض الي انا عايزه و ارخص ... اكيد مش حتردد اني اجيبها .

مثال اخر .. و يا ريت الناس كلها تاخد باله .
فاتر الزيت ....
كل الناس بتغيره ..
لما جيبت اغير زيت لسيارتي الفيات ..
الراجل قالي في نوعين يركبوا عندك ..ز
المصري وده بحوالي 34 جنيه .
و في الياباني الاصلي بتاع اللانسر .. ب 35 جنيه

بذمتك .. حتاخد انهي ....؟

هي دي النقطة الي بتكلم فيها .

اكيد ده لازم يحصل طالما الحكومة شايلا ايدها من كل حاجة اللهم الا الجباية جباية الضرايب و الجمارك

الضرب في الميت حرام !

المواطن المصري مش لاقي ياكل اصلا بس لسة سوق خصبة للسرقة !

كلكم على حق بس قبل منتكلم على القطاع الخاص اللى بيبيع العربيه و بيكسب فيها فوق ال 100 % ممكن نشوف عربيات شركه النصر الشاهين بتباع بكام و هل هيا تستاهل السعر دة كله اكيد لا طبعا ده موتور موديل سبعينات و عربيه ممكن اى سمكرى يعمل زيها و تقفيلها سيء للغايه لو هيا بدات تخفض شويه اكيد الباقى حيخفض و حيتحرك

مش عارفين نعمل زى الصين او الهند و نجمع عربيات سواء نجيب بيوت خبره تصمم لينا او حتى نسرق تصميمات عربيات تانيه و نجيب مواتير من اى شركه و حتبقى عربيه للاستهلاك المحلى و مع الوقت نطور فيها شويه شويه لحد ما تبقى عربيه

لكن لازم نتحرك و لازم نعمل حاجة و الا كمان كام سنه حنلاقى نفسنا بنركب زباله العربيات و حنبقى عاملين زى اللى رقصوا على السلم لا كبرنا دماغنا و نستورد عربيات و نسكت زى دول كتير و كبيرة او نشتغل بجد و نعمل حاجه و احنا كمستهلكين لازم يكون لينا دور فى التصدى للتجار دول

كلام جميل بس انهو تجار ؟؟ تجار الصينى و لا تجار المحلى ؟

يعنى أعمل إيه اروح ارمى نفسى من البلكونه ؟

يبقا انتا اكيد في مصر

فعلا يا جماعة الحوار بدأ ياخد منحنى غامق اوى , يعنى الإنتحار السريع او انتظار الموت البطىء لكن انا مع الاستاذ فؤاد ان الطريقة الصح فى تشجيع البلد انى احط منتجاتها فى اختبار حقيقى و منافسه عالميه حقيقية و مش انى اعزلها فى قوقعة لو خرجت منها تموت لأن ده لن يفيد اى طرف سوى جابى ارباح هذا المنتج

هو لما يبعو شركه النصر للسيارات اكيد هيهدو المصنع يبنو مكانه فندق لتشجيع السياحه

او ممكن هارت رووك مكانها

أقاويل كثيرة تتردد ،،

إن غبور اجر أو اشتري شركة النصر للسيارات ،،

و إن تجميع الفيرنا يتم فيها حاليا ،،

لكي يتفرغ مصنعه لتجميع السوناتا ،،

أنا سألت مهندس الصيانة في غبور ،، أكدلي الكلام ده ،،

بس لا دليل علي صحته ،،،

اقتباس:

---

المشاركة الأصلية كتبت بواسطة Ahmed Anwer

أقاويل كثيرة تتردد ،،

إن غبور اجر أو اشتري شركة النصر للسيارات ،،

و إن تجميع الفيرنا يتم فيها حاليا ،،

لكي يتفرغ مصنعه لتجميع السوناتا ،،

أنا سألت مهندس الصيانة في غبور ،، أكدلي الكلام ده ،،

بس لا دليل علي صحته ،،،

---

زيتنا في دقيقنا يعني ... و دي كانت اخر فرصة لعمل مصنع مصري مصري ... ضيعها عمو غبور .

وشاهيين بتطلع من فيين

اكيد بتيجي جاهزة من تركيا علشان كده تمنها 64 الف :D

لو كانت بتصنع في مصر كانت هتبقى ب 40 الف :D