الموضوع: مفاجأة من العيار الثقيل -- كل اسعار قطع غيار ال e200 من سنة 1976-1985 ..

فى اطار حملتى المتواضعة للارتقاء بمستوى قسم مرسيدس بنز

..
.
.
.
.
الموضوع وكل ما فية
ان جارى ا/ احمد مهاب
ربنا يكرمة كان عندة محل لبيع قطع غيار
ال e200 موديلات من سنة 1976-1985 ..

واشتغل حوالى 9 سنين مكللين بالنجاح والتفوق الحمد لله
بس المحل قفل بسبب ظروف شخصية عندة

المهم ..انا عرضت على الراجل انة يشارك معانا فى المنتدى --بس رفض لانة مش هايقدر يوفر الوقت

طيب عرضت انى احط رقمة --- بس برضة رفض علشان الخصوصية

بس اتفقنا انة هايقابلنى بعد كل صلاة جمعة نص ساعة ويجاوبنى على استفساراتى
الى انا طبعا هاكون مجمعها من كلامكم..

والراجل وافق...وكان فرحان لانة هايوفر لنا المساعدة

وقالى انى اعدى علية فى اى وقت واسال على الى انا عاوزة ...بس محبتش اتقل علية وقلتلة خليها يوم الجمعة بعد الصلاة ...


وكل المطلوب ان العضو صاحب الاستفسار يوضح موديل العربية (سنة كام ؟؟)
واسم القطعة الى حابب يستفسر عنها


وانا هاجمعهم يوم الجمعة الصبح قبل الصلاة واجيبلكم الاسعار بعد الصلاة ان شاء الله

والراجل مش محتاج منكم غير دعوة صالحة لوجة الله ....
( انا كمان ادعولى ربنا يوفقنى فى الدراسة)
.
.
.
.


اية رأيكم ...انا مجهز الورقة والقلم ....
ميين الاول ...

اسالى على الكونسولة
- لو خشب استيراد ب 200ج
-لو بلاستيك على شكل خشب 50:60

و الكبس بتاع الحزام
- من 30 :40 ج استيراد ( يابلاش)
و زراير الازاز الكهربا اللى بيبقوا فى الباب

- لو فية مكان ليهم عندك فى ابواب العربية يبقى الزرار ب 70 ج ( غالىى) وممكن تجيب اى زرار من اى عربية تانية ويكون نفس المقاس بمتوسط 35 ج

و العلامة بتاعت الكبوت

- قالى فية منها كتييير فية الصينى والتايوانى والالمانى والبرازيلى وكل دول فية منهم المونيوم ونيكل
والاسعار من 80ج : 500 ج
بس قالى هات ارخص حاجة لانها هاتتسرق يعنى هاتتسرق...

و البوجيهات الاصلية و قواعد العمة بتاعت المتور

- الموتور بتاعك ابيض ولا اسود ( فية نوعين من المواتير ال 2000 سىسى ) ؟؟


الغطا البلاستيك بتاع المتور

- لو قطدك على الفبرة الى بتغطى الموتور دى استيراد بحوالى 100 وفيها فتحة لتغيير الزيت ...اما العادية الى مافيهاش فتحة الزيت ب 60ج استيراد برضة

انا جبت الاسعار بدرى الاسبوع دة لانة قابلنى النهاردة وقلت اسألة بالمرة ......