اكثر حاجه بتسفزني في اعلانات السيارات المستعمل...

**3mr Farrag** · 19-01-2008 03:45 PM

اني الاقي واحد عارض عربيه و يكتب في الاخر ...
استعمال طبيب او استعمال مهندس.....!!!!!!!!!
نفسي بقي اعرف هما الدكاتره و المهندسين هما بس اللي بيحافظوا علي عربياتهم....
لأنهم ولاد ناس بسبب مهنتهم ....و بقيه الناس غير المهندسين و الدكاتره.....
من الاخر عالم تعبانه مش بتعرف تحافظ علي عربياتها !!!!!!!!!!
يعني انا لو مهندس ولا دكتور عمري ما هكتب كده.....
انا بحس انه نقص في الشخصيه اللي بيكتب كده......

**iunknown** · 19-01-2008 03:57 PM

'فيه ناس بيكتبو "شاذة" كأن الشذوذ صفة مستحبة في السيارات. بصراحة كلمة في منتهى الاستفزاز.

**limo** · 19-01-2008 04:14 PM

كله كلام سوق
استخدام طيبب تعنى استخدام بسيط على اعتبار ان الاطباء شغلهم كله نبجيات الى ممكن تستمر 3 ايام متواصل وباقى الاسبوع اجازه
بس طبعا فيه عربيات اطباء بيبقى طالع عنيها
زى برضو استخدام القضاه او المستشارين الى بيكون اسبوع فى الشهر كله
بس كلها فى الاول والاخر كله كلام سوق

**3mr Farrag** · 19-01-2008 04:17 PM

و هو المفروض بقي ....
الطبيب يقدملي شهاده بأيام عمله....
و ايام خروجه....و من الساعه كام لكام؟؟؟؟؟؟

**SEATLOVER** · 19-01-2008 06:05 PM

يعنى يا عمرو باشا هى دى الحاجة الوحيدة اللى مديئاك فى الاعلانات ....خد عندك

استعمال طبيب .....و العربية عيانة و عايزة تروح المستشفى
استعمال مهندس ...و العربية جايلها قرار اذالة
فابريقة ............والعربية اغلبعا متفبرك
شاذة ..............و العربية فعلاً خارجة عن نظام الكون
الوحيدة ...........و العربية اخواتها ماشيين حواليها
فرصة ............وياريت تروح منك
كاملة ............والعربية مفيش انقص من كدة
نادرة ............لانك فعلاً مش هاتشوف ذيها تانى !
خوارج..........وهى مفيهاش غير السقف
دواخل ..........وهى مفيهاش غير التابلوة
بتسهيلات ......لانة مش عارف يبعها كاش
لدواعى السفر ....لانة ذهق منها !

**3mr Farrag** · 19-01-2008 06:12 PM

و الله عارف البلاوي ديه....
يعني انا نزلت كذا مره مع خالتي علشان بدور علي 127...
و تكلم الناس قبليها و يقولوا اوعااااااا فابريقه بالكامل من جوه
و نروح نلاقيها مرشوشه بالكامل من جوه و كانت عامله حادثه....
بس انا اكثر حاجه بستفزني بجد هي موضوع استعمال طبيب....
و عارف ان فيه حاجات تانيه مشتفزه

**eng_mkhalaf** · 19-01-2008 07:31 PM

لدواعى السفر ....لانة ذهق منها !

جامدة موت
هةهةهةةهةهةهةهةهةهةهةهةهة هةهةهةهة

**hazem_khidr** · 19-01-2008 10:05 PM

علي فكره انا لا اركب عربيه من تحت رجل دكتور لان بتبقي رجليهم تقيله (معظمهم مش كلهم مع الاعتذار لدكتور احمد عبد الغني و دكتور معاذ)
او من تحت رجل واحده لانها اكيد لو مانيوال لازم تغير اسطوانه الدبرياج بتاعها

**meza** · 19-01-2008 10:39 PM

نقــص بعيد عنك !!!!!
ما هو زى اللى يعلقلك نسر عالعربية

بس عارف ساعات بيكتبوا إستعمال سيدة .... lady يعنى ;) ...... إستعمالها بيكون خفيييييف خفييييف .... مش زينا

**Dr Ahmed** · 20-01-2008 12:44 AM

المشاركة الأصلية كتبت بواسطة hazem_khidr

علي فكره انا لا اركب عربيه من تحت رجل دكتور لان بتبقي رجليهم تقيله (معظمهم مش كلهم مع الاعتذار لدكتور احمد عبد الغني و دكتور معاذ)

وأنا معاك يا حزوم
بس مش لأن رجليهم تقيلة .. لأ .. علشان مشاويرهم كتيييييرة ومحدش فيهم بيصبر على المطبات والذى منه واللى ليهم أكتر من عيادة (عيادة مدينة وعيادة ريف) بتجبر صاحبها على المشى بيها فى الأدغال..
يعنى فعلا أن شايف ان عبارة (استخدام طبيب) احتمال تقلل من سعرها بمجرد قراءتها !!

وكمان عبارة استخدام سيدة.. يعنى باختصار بيقوللك علبة الدركسيون بتودع والبطارية على وشك الانتهاء والعربية مرشوشة عدة مرات !!

الموضوع: اكثر حاجه بتسفزني في اعلانات السيارات المستعمل...

LinkBack

أدوات الموضوع

عرض

اكثر حاجه بتسفزني في اعلانات السيارات المستعمل... - انشر الموضوع فى :

-

-

-

-

-

المواضيع المتشابهه

ماهي اكثر السيارات أمانا؟

حاجه غريبة فى السيراتو المستعمل

تعرف اكثر على زيت السيارات

حد يعرف حاجه عن سوق المستعمل بتاع (المصريه)

الكلمات الدلالية لهذا الموضوع

المفضلات

المفضلات

ضوابط المشاركة