الموضوع: يعني ايه العربية بتاكل زيت؟

بص يا باشا
الموتور بياكل زيت معناه ان الموتور من الداخل ابتدى بتاكل نتيجة المكابس على طول طالع ونازل ومع مرور الوقت الشنبر اللى راكب على المكبس ابتدى ياكل فى الاسطوانة من الداخل ودة بيخلى فى مسافة بين الشنبر والمكبس ومن هنا يبتدى الزيت يطلع فى غرفة الاحتراق وتحرق ويطلع مع العادم

اما بخصوص ازاى تعرف ان الموتور بياكل زيت
1- لو فكيت البوجيهات هتلاقى عليهم زيت
2- لما تيجى تشوف المقاس بتاعت الزيت هتلاقى ان مستوى الزيت قليل عن كل مرة قبلها
3- وانت بتغير الزيت المفروض انة ينزل بنفس الكمية اللى انت حطتها
4- العادم بيبقى لونة ابيض مايل للزرقان بسيط كدة
5- العربية سحبها وقدرتها قلت

وطبعا العملية بتاعت العربية بتاكل زيت وهى فى بدايتها غير وهى فى اخرها
اتمنى اكون قدرت افيدك واى استفسار تانى اتفضل

المشاركة الأصلية كتبت بواسطة Eng_Mostafa_89

بص يا باشا
الموتور بياكل زيت معناه ان الموتور من الداخل ابتدى بتاكل نتيجة المكابس على طول طالع ونازل ومع مرور الوقت الشنبر اللى راكب على المكبس ابتدى ياكل فى الاسطوانة من الداخل ودة بيخلى فى مسافة بين الشنبر والمكبس ومن هنا يبتدى الزيت يطلع فى غرفة الاحتراق وتحرق ويطلع مع العادم

اما بخصوص ازاى تعرف ان الموتور بياكل زيت
1- لو فكيت البوجيهات هتلاقى عليهم زيت
2- لما تيجى تشوف المقاس بتاعت الزيت هتلاقى ان مستوى الزيت قليل عن كل مرة قبلها
3- وانت بتغير الزيت المفروض انة ينزل بنفس الكمية اللى انت حطتها
4- العادم بيبقى لونة ابيض مايل للزرقان بسيط كدة
5- العربية سحبها وقدرتها قلت

وطبعا العملية بتاعت العربية بتاكل زيت وهى فى بدايتها غير وهى فى اخرها
اتمنى اكون قدرت افيدك واى استفسار تانى اتفضل

س -
اقتباسقولى هو كاوتش الصباب ايه نوع تأثيره على الموتور

ج-
اقتباستلف الكاوتش بيزداد تأثيره مع الأستمراريه فى عدم تغييره

وبيولد آداء غير مرغوب فى المكنه بشكل عام

مثل أرتفاع أصوات ( بم بم بم )

دا غير أن السحب حيبقى فى الضياع وأستهلاك بنزين على الفاضى

لأن شحنة البنزين والهواء بتتلوث جوه غرف الحريق بالزيت اللى نازل من حول الكاوتش من عند منطقة التاكيهات

دا غير أن البوجيهات بيبقى حريقها تعبان

لأنها ملوثه بالزيت

دى مشركة برضة للبشمهندس سمير توضح استهلاك الزيت

والعفو يا باشا

موضوع مهم
شكرا لكم
ليا سؤال
هو فيه رقم معين ممكن نحس فيه ان المشكلة كبيرة
يعني لو الزيت نقص كام نقدر نقول ان العربية بتاكل زيت ولازم تتصلح
يعني لو هنغير زيت على 1000 او 3000
الزيت بينقص كام ؟ ربع ولا نص كيلو ؟

خلينا نتفق على انه مافيش موتور فى الدنيا مبياكلش زيت سواء كان جديد او قديم، مرسيدس او صينى، لكن كمية الزيت اللى بيتاكل هى اللى بتحدد اذا كان فيه مشكلة وللا لأ، يعنى مثلا كمية الزيت اللى بتستهلكها المواتير المتقدمة تكنولوجيا زى مواتير المرسيدس مثلا قليلة لدرجة انه قد يكون من الصعب جدا ملاحظات، يعنى جرامات معدودة فى كل تغيير زيت ، لكن مثلا تجد ان موتور سيارة متوسطة او اقتصادية ممكن ينقص مثلا من ربع الى نصف كيلوجرام ما بين مرتين تغيير الزيت ، يعنى مثلا فى خلال ال 10 آلاف كيلومتر لو فيه زيت تخليقى ينقص نص كيلو، وده مش عيب لكن هى مسألة راجعة الى ان مافيش موتور مجبوك 100%
نبدأ نقول ان الأمر مشكلة لما نلاخظ مثلا ان الموتور بياكل اكثر من نصف كيلوجرام زيت كل 1000 كيلومتر، او مع بداية ظهور دخان ابيض من الشكمان و/أو ظهور زيت على البوجيهات، و/أو ظهور دخنة بيضاء كثيفة من فتحة خرطوم الفايظ، لو كان مثلا بنستعمل زيت تخليقى مع موتور متوسط العمر وابتدا ينقص دون ظهور اعراض اخرى هنا نستعمل الزيت المعدنى متعدد الدرجات، وبالمثل المحرك الأقدم عمرا ننتقل بالزيت متعدد الدرجات الى زيت احادى درجة 40، وفى مرحلة تالية ننتقل من زيت 40 الى زيت 50 ، وفى المرحلة النهائية من عمر المحرك ننتقل الى زيت 50 +اضافة زيت شمبر ، واخيرا العمرة