ميعاد و مكان مقابلة ملاك ال m11

مساء الخير على كل ملاك ال m11...
احنا خلاص يا جماعة تقريبا حددنا معاد المقابلة الجاية,, و هتكون يوم السبت الجاى (17/4)
الساعة 4 بعد العصر فى حديقة الأزهر....
و لكل الناس اللى ماتعرفش مكان الحديقة هى فى صلاح سالم.. لو انت جاى من ناحية العباسية هتبقى على يمينك بعد مشيخة الأزهر..
و لو انت جاى من ناحية السيدة عائشة هتبقى على شمالك بعد قلعة صلاح الدين,, بس انت لازم تكمل على طول فى صلاح سالم و بعدين تلف من تحت أول كوبرى هيقابلك و ترجع تانى علشان تبقى عند الحديقة..
الباركينج هناك ب 5 جنيه... و تذكرة الدخول للفرد ب 5 جنيه كمان...
يا ريت يا جماعة نكون كلنا هناك فى المعاد بالظبط و لو فى حد عنده شغل يحاول يعتذر لأننا لازم نكون أكبر عدد ممكن علشان نتفق على معاد ذهابنا للتوكيل..
و اللى يعرف حد معاه العربية يبلغه.. و ربنا يوفقنا جميعا..
أخوكم د/أحمد حسين
و دة موبايلى لو فى أى استفسار
0103719436

وأنا بأكد الموافقة على الميعاد والمكان وياريت كل الي هايحضرو يأكدو حضورهم علشان نعرف هانبقى كام
وياريت يا جماعة ياريت الي يأكد الحضور يكون في جدية في الموضوع
ويجي فعلا مش نلاقي 20 واحد بيقولو جايين وفي الأخر مانلاقيش حد

الناس راحت فين يا جماعة...؟؟؟؟

انا معاكو باذن الله والمعاد والمكان مناسبين جدا

انا جاى ان شاء لله فى الميعاد بامر لله وان شاء لله نكون عدد كويس بامر لله

ادعولى فاضل كساحه الاكصدام واستلم العربيه وانا كمان معاكم

ربنا يوفك وان ان شاء لله لما نتقابل وانا هقول لحضرتك تعمل ايه فى الموضوع الكساحه دى

يا جماعة انا معنديش العربية بس متشوق جدا احضر المقابلة ممكن اجى

طبعا تنور يا باشا

معاكو يا رجالة

غريبة شوية يا جماعة ان هيما عمدة الام 11 فى المنتدى مالوش ردود فى الموضوع ده؟؟؟؟

عاوز أقولكم ان انا عملت نفس الموضوع على موقع نادى اسبيرانزا فى منتدى m11.. و الناس هناك مهتمة جدا وفى تلاتة كلمونى وان شاء الله جايين.. و كلمت ابو نورا و هو جاى برضه علشان لو احتجنا يعملنا تغطية اعلامية...
يا ريت يا جماعة نهتم و نحضر كلنا المقابلة دى .. و لازم كلنا ناخد بالنا من حاجة مهمة جدا.. ان المقابلة دى مش هدفها تشوية سمعة العربية.. لان ده خسارة لينا احنا ,, المقابلة دى هدفها التعارف و مناقشة مشاكل العربية ولاتفاق على طريقة واحدة و منظمة نتعامل بيها مع التوكيل علشان يحل كل المشاكل...
و الله الموفق..

ربنا يبارك فيك يا د/ احمد وينور عليك

وان شاء لله يجى اكبر عدد من الناس بامر لله

وربنا يوفقنا فى القرار الصحيح

اقتباس:

---

المشاركة الأصلية كتبت بواسطة ahmeddarhos

غريبة شوية يا جماعة ان هيما عمدة الام 11 فى المنتدى مالوش ردود فى الموضوع ده؟؟؟؟

---

معاكم ان شاء الله ... ولا تزعل نفسك :)

للأسف أنا من الإسماعيلية مش حقدر أحضر

ياريت ياخ hamada_71 تحاول المجيىء ان من البحيره وان شاء لله هكون اول من يحضر الميعاد بامر لله

وياريت ياهيما باشا تحاول تيجى الميعاد حتى نشوف عربيتك التى هى خاليه من جميع العيوب اللى عندنا

اقتباس:

---

المشاركة الأصلية كتبت بواسطة hemaa_82

معاكم ان شاء الله ... ولا تزعل نفسك :)

---

يا باشا تنور...

اقتباس:

---

المشاركة الأصلية كتبت بواسطة hamada_71

للأسف أنا من الإسماعيلية مش حقدر أحضر

---

معلش يا استاذ حماده يا ريت تحاول تيجى .. و بعدين اسماعيلية مش بعيدة يعنى ساعة ونص و هتكون فى القاهرة..

اقتباس:

---

المشاركة الأصلية كتبت بواسطة emad7759

ياريت ياخ hamada_71 تحاول المجيىء ان من البحيره وان شاء لله هكون اول من يحضر الميعاد بامر لله

وياريت ياهيما باشا تحاول تيجى الميعاد حتى نشوف عربيتك التى هى خاليه من جميع العيوب اللى عندنا

---

بس انا بابي مخبوط و ان شاء الله هغير وصلة شكمان امامية"علشان سوستة الشكمان بتزن احيانا" :colsmil:علشان متزعلش نفسك :)

ياهيما باشا ان مزعلاان ولا حاجه ربنا يحفظهالك

وانا مقصتش اى شىء لما قلت ان عربيتمك مفهاش اى عيوب من اللى فى عربيتنا لان جميع الام 11 فيها السكه والدركسيون بيخبط

ولاكن علاشان انتا بس فى المدينه متحسس بللى احنا بنحسه فى العربيه لان احنا بعيد عنك عندا ترع بتمشى فيها العربيات

فيرت ياباشا متزعلشى من كلام و انا اسف ليك ياباشا

وانتا بابك مخبوط انا الحم لله كان بتاع النقل شالى وش العربيه من الامام

و الله انا كنت بهزر معاك :)

اعتزر لغيابي الفترة السابقة

برجاء لمن سيحضر يضع رقم تليفونة لكي اتواصل معة

نرجو الجدية من الاعضاء

و الناس الي مش حتيجي ياريت تسيب التليفون كي نتواصل معهم ايضا لإخبارهم بأخر التطورات

ملحوظة :- المشاركة مقتصرة علي ملاك السيارة فقط
ولكم جزيل الشكر

يا جماعة أنا عاوز أقول ان الفكرة دى مش هتنجح الا لو كلنا جينا و بقينا يد واحدة...
يا ريت ما نكسلش و نحضر كلنا المقابلة... و الله الموفق

اقتباس:

---

المشاركة الأصلية كتبت بواسطة ahmeddarhos

يا جماعة أنا عاوز أقول ان الفكرة دى مش هتنجح الا لو كلنا جينا و بقينا يد واحدة...
يا ريت ما نكسلش و نحضر كلنا المقابلة... و الله الموفق

---

الحمد لله دلواتي بقينا اكثر من 15 فرد بالتأكيد حيحضرو ان شاء الله

الي عاوز يجي يسيب رقم تلفونة واحنا حنكلمة علي طول يا ريت محدش يكسل ان شاء الله حناخد حقنا

السلام عليكم...

اسف جدا جدا علي عدم قدرتي علي الحضور .. البنت و مامتها كانوا خالصانين و اضطريت اقعد معاهم و اواديهم للدكتور ... كان نفسي اجي اتشرف بيكم و ان شاء الله ملحوقة ...

شكر خاص للدكتور احمد علي اتصاله الرقيق و اهتمامه بشخصي المتواضع و بكرر اسفي ... و اتمني لكم كل خير