انواع محركات هيونداي النترا بالتفصيل والصور لكل من يحب التعرف عليها

**flawerblue** · 12-04-2010 09:46 PM

هذا محرك النترا سعة 2000 سي سي ويكون في هيونداي وارد خليجي او وارد امريكا

هذا محرك هيونداي سعة 1600 GLS وهو المنشأ الكوري الافضل في محركات هيونداي ويكون سير المحرك مطاط وكفاءة قوته اعلى ويصل الى 122 حصان

وهذا محرك الاصدار الثاني من هيونداي سعة 1600 والذ يكون سير الكاتينة جنزير وهذا سبب صوته العالي
وقوة هذا المحرك تبلغ 112 حصان ولكن استهلاكه للوقود الافضل من غيره

هذا ماعندي واليكم المتابعة

**username20** · 12-04-2010 09:52 PM

سير الكاتيه مش جنزير يا باشا
سير الكاتينه جلد !

**tarekabosdera** · 13-04-2010 12:59 PM

المشاركة الأصلية كتبت بواسطة flawerblue

هذا محرك النترا سعة 2000 سي سي ويكون في هيونداي وارد خليجي او وارد امريكا

هذا محرك هيونداي سعة 1600 GLS وهو المنشأ الكوري الافضل في محركات هيونداي ويكون سير المحرك مطاط وكفاءة قوته اعلى ويصل الى 122 حصان
ماشي يا باشا ده سير الكاتينة مطاط وقوته 122 حصان . لكن...

وهذا محرك الاصدار الثاني من هيونداي سعة 1600 والذ يكون سير الكاتينة جنزير وهذا سبب صوته العالي
وقوة هذا المحرك تبلغ 112 حصان ولكن استهلاكه للوقود الافضل من غيره
هل انت متاكد من المعلومات بتاعة المحرك ده ؟
انا اللي اعرفه ان المحرك ده برضه 122 حصان وفعلا صوته اعلى لان سير الكاتينة جنزير
لكن القوة الحصانية واحدة في المحركين وياريت لو تجبلنا مصدر المعلومة ده عشان ناس كتير هتتفاجئ لما تعرف ان الماتور ده 112 حصان !!!!!!!!!!!!!!!!!!!!

هذا ماعندي واليكم المتابعة

**username20** · 13-04-2010 02:06 PM

ازاى يا جدعان جنزير
انا اعرف انه سير الكاتينه عندى جلد !! انتم هتشككونى فى العربيه
ولو الموتور ده 112 حصان وسحبه كده امال لو 122 كان بقى شكله ايه ؟

**mahamedaraby** · 13-04-2010 02:37 PM

اخر محرك فيهم زى بتاع السيراتو بالظبط نفس الشكل وكل حاجه

**tarekabosdera** · 13-04-2010 06:42 PM

المشاركة الأصلية كتبت بواسطة username20

ازاى يا جدعان جنزير
انا اعرف انه سير الكاتينه عندى جلد !! انتم هتشككونى فى العربيه
ولو الموتور ده 112 حصان وسحبه كده امال لو 122 كان بقى شكله ايه ؟

سير الكاتينة مبيكنش باين ده بيبقى مغطى في جانب المحرك
حضرتك اكيد تقصد السير الدوران بتاع الدينمو والمروحة و.... ده حاجة تانية وده بيبقى جلد طبعا

والمحرك اللي الصورة الاخيرة 122حصان مش 112 لكن حصل لبس عند الاخ اللي نزل الصور وهو كان يقصد النوع الثالث من محركات الالنترا اللي هو ديزل وقوته 112 حصان ومش هي ده صورته

**username20** · 13-04-2010 10:38 PM

تمام هو فعلا صوت الموتور كذا واحد سمعه وقالى انه اعلى من موديل 2007
شكرا جزيلا يا طارق باشا
بس المفاجاه بقى انه يبقى فعلا نفس موتور السيراتو !

**mr_sameh** · 14-04-2010 01:11 AM

انا اعرف ان محركات هيونداي تكنولجيا المانيه الكلام ده صح ولا غلط

**aymanhh** · 14-04-2010 10:00 AM

سير الكاتينة من اول 2007 جنزير وبيتغير عند 120 الف طبقا للمنيوال لكن فى مصر طبعا ما بتغيرش الا لما صوتة يعلى

**ahmedfd** · 14-04-2010 02:01 PM

المشاركة الأصلية كتبت بواسطة aymanhh

سير الكاتينة من اول 2007 جنزير وبيتغير عند 120 الف طبقا للمنيوال لكن فى مصر طبعا ما بتغيرش الا لما صوتة يعلى

مظبوط .. و إسمح لي أزيد على كلامك إن كل العربيات الإلنترا الجيل الحالي من 2007 و كودها HD، محركها من طراز GAMMA سعة 1.6 لتر CVVT قدرة 121 حصان عند 6200 لفة في الدقيقة و سير الكاتينة بتاعها جنزير و هو نفس محرك السيراتو الجديدة لكن مع إختلافات في نظام حقن الوقود و دخول الهواء و بالتالي القدرة الحصانية 124 لكن على rpm مختلف عن الإلنترا.

محرك الألنترا سعة 2.0 CVVT من طراز BETA بينزل في أمريكا و سير الكاتينة بتاعها جلد و المحرك قدرته 143 حصان عند 6000 لفة في الدقيقة.

المحرك الـ 2.0 لتر اللي بينزل مع الألنترا في أمريكا قدرته بتتفاوت حسب موائمته البيئية، يعني في ولايات في أمريكا بيسموها الولايات الخضراء زي كاليفورنيا و أوريجون و بعض ولايات الشمال الشرقي ليها قواعد صارمة فيما يخص الإنبعاثات و بالتالي في بينزل نفس المحرك و بتسمى ULEV أو Ultra Low Emission Vehicle و قدرته 138 حصان و كمان PZEV أو Partial Zero Emission Vehicle و قدرته بتكون 132 حصان بس.

و كل المحركات دي بتتصنع في مصنع هيونداي في Ulsan في كوريا الجنوبية.