سؤال عن تناسب وزن العربية مع سعة وقوة الموتور

**Infliktora** · 12-04-2010 11:58 PM

السلام عليكم

أنا كان عندي تساؤل بسيط - لما تكون عربية وزنها ١٢٠٠ كيلو و فيها موتور 1600cc ١٢٢ حصان - هل وزن العربية مناسب لسعة و قوة الموتور ولا د قليل؟

و إيه الأنسب؟

طبعاً مع عدم ذكر نوع العربية عشان الردود تبقى محايدة...

و شكراً مقدماً يا منتدى و أعضاء مفيش زيها :)

**nab!l** · 13-04-2010 12:01 AM

حسب ما انت عاوز القوة والسحب
يعنى 1600 يمشيها و 2000 يمشيها
بس هتختلف طبعا فى الطلعة والكبارى والتكييف
دى حاجة ترجع لاحتياجك للقوة
مواصفاتك اعتقد انك بتتكلم عن السيراتو
ولا ايه

**ahmad--ezzat** · 13-04-2010 12:03 AM

ههههههههههههههههههههههه

**a7mode** · 13-04-2010 03:36 AM

90 % بيتكلم عن السيراتو هههههه إنتظر رد الخبراء

**Infliktora** · 13-04-2010 04:39 AM

الحقيقة لأ مش بتكلم عن السيراتو...
و مش دى القضية بردو...
أنا عايز أعرف لو عربية بالمواصفات دي، هل دة موتور ضعيف عليها ولا كويس؟ يعني العربية تقيلة على الموتور ولا لأ؟

هي في منها 1800cc بس بما إن الجمارك هتختلف و سعر العربية بيفرق فطبعاً هفكر في حاجة تانية...

و ياريت رد من الخبراء :)

**nab!l** · 13-04-2010 09:31 AM

حضراتكو بتضحكو على كلامى ؟؟؟؟؟؟؟!!

**فادى محمد** · 13-04-2010 02:59 PM

انا شايف ان قوه الموتور مناسبه لوزن العربيه ..انا الفيكترا اللي معايا 1600 سي سي ووزنها طبعا غني عن التعريف معديه الطن ,الموتور بتاعها بيولد 75 هورس باور فقط . واضح ده من طلعتها علي الاول زي البط البلدي انما بعد سرعه 60 كم/ ساعه العربيه مابيفرقش معاها وزنها لان الوزن بيتناسب عكسي مع السرعه .

**Infliktora** · 15-04-2010 02:00 AM

المشاركة الأصلية كتبت بواسطة ahmedbasto

هو كدة بيتكلم على السيفيك او الكورولا

أنا مش فاهم إيه المشكلة الكبيرة في انكم تخمنوا نوع العربية...
أنا سألت سؤال محدد، انشالله كانت عربية صيني - و مستني رد موضوعي أياً كان نوع العربية.

ياريت يا جماعة كفاية تخمين بقى، دة مش موضوعنا...

شكراً

**الصيداح** · 15-04-2010 02:28 AM

والله أنا من رأي حاجة يا غالي
أن السيارات في مصر وبسبب الجمارك والضرائب المبالغ فيها
فإن أقصى حد للعوام من الشعب هو 1600 سي سي وهذا في حد ذاته جيد وهنا نجد أن بعض السيارات كبعض الياباني تجدها خفيفة فتجد عزمها وسحبها جميل جدا إذا ما قورنت بنظائرها من الألماني مثلا
ولنضرب مثالا : الهوندا سيفيك والسكودا أوكتافيا
الهوندا صاجها مش ناشف زي السكودا لكنها تعطيك تسارعا وأداءا
يفوق السكودا مع جدارة السكودا في تحمل متاعب الطريق والتكسرات وما إلى ذلك من عوامل
وتجد عندك الباسات تأتينا بمحركات ضعيفة على وزنها لكن ذلك لتناسب أسعارها جيوبنا
فتجد المشاكل والمذابح التي تحدث بين محبي الياباني والألماني في هذه النقطة أن المحركات اليابانية هي هي نفس سعة المحركات الألمانية لكن
ثقل خفة وزن السيارات اليابانية تعطيها تسارعا لكن الألماني أقوى من حيث المتانة

فالمشكلة التي تواجه المشتري المصري
هي عليه أن يقرر هل يريد محركات وأداء مع عظام سيارة ضعيفة إلى حد ما
أم محركات بأداء قليل بعض الشئ مع قوة ومتانة سيارة

طبعا هذا ليس توجيه عاما لكل السيارات
أو أن العيب في الألماني أو الياباني لكنها سياسات شركات ومشكلة بلدنا التي لن تحل في الجمارك والضرائب التي تمنعنا من شراء محركات ذات سعة كبيرة

أما بالنسبة لسؤالك هل هذا الوزن مناسب لسعة محك سيارتك
فأعتقد أن أحد الإخوة العالمين بهذا المجال ممكن يفيدك أكثر مني

وجزاك الله خيرا

-

الموضوع: سؤال عن تناسب وزن العربية مع سعة وقوة الموتور

LinkBack

أدوات الموضوع

عرض

سؤال عن تناسب وزن العربية مع سعة وقوة الموتور - انشر الموضوع فى :

-

-

-

-

-

-

المواضيع المتشابهه

لو قارنت اللوجان باللانوس و الفيرنا ايه العربية اللي تناسب حتياجاتي?

تجديد عفشة عمرها 20 سنة ولا شرا جديد وقوة احتمالهم

ارخص ريس (شكل وأداء وقوة ومتانة جامد جدااا) و أمن كمان

مافيش تناسب خالص ........!!!!!!! ( فيديو )

هو مفيش أغانى حديثة تناسب اولادنا

الكلمات الدلالية لهذا الموضوع

المفضلات

المفضلات

ضوابط المشاركة